ព័ត៌មានជាតិ

ដើររើសអេតចាយ បែកគំនិតគាស់ផ្ទះគេ

បានផុស

៥ years មុន

នៅ

ថ្ងៃព្រហស្បតិ៍ ២៨ មករា ២០២១

ដោយ

ជនសង្ស័យម្នាក់ក្នុងចំណោមបក្ខពួក៣នាក់ ត្រូវម្ចាស់ផ្ទះនិងប្រជាពលរដ្ឋព័ទ្ធចាប់បានប្ររគល់ឲ្យសមត្ថកិច្ច ចំណែកពីរនាក់ទៀតបើករ៉ឺម៉កអេតចាយគេចខ្លួនបាត់ បន្ទាប់ពីធ្វើសក្មភាពគាស់ផ្ទះប្រជាពលរដ្ឋមួយបំណងលួចទ្រព្យសម្បត្តិ។

ករណីនេះបានកើតឡើងកាលពីវេលាមោង១និង២០នាទី រំលងអធ្រាត្រឈានចូលថ្ងៃទី២៨ ខែមករា ឆ្នាំ២០២១ តាមបណ្ដោយផ្លូវ៣៧១ ជិតវត្តពោធិ៍ញាណ ក្នុងសង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។

ជនសង្ស័យម្នាក់ ដែលសមត្ថកិច្ចឃាត់ខ្លួនមានឈ្មោះ ហឿន ទុំ ភេទប្រុស អាយុ១៨ឆ្នាំ មុខរបបមិនពិតប្រាកដ ស្នាក់នៅម្ដុំវត្តពោធិ៍ញាណ មានស្រុកកំណើតនៅខេត្តសៀមរាប។

យោងតាមសម្ដីម្ចាស់ផ្ទះរងគ្រោះបានឲ្យដឹងថា មុនពេលកើតហេតុគាត់ឃើញជនសង្ស័យមានគ្នា៣នាក់និងរ៉ឺម៉កអេតចាយមួយគ្រឿង បើកមកឈប់ក្បែរផ្ទះរបស់គាត់ ហើយបានធ្វើសកម្មភាពគាស់ផ្ទះរបស់គាត់បម្រុងលួចទ្រព្យសម្បត្តិ។ ដោយឃើញទាន់ក៏នាំគ្នាព័ទ្ធចាប់បានម្នាក់ ចំណែកបក្ខពួកពីរនាក់ទៀត បើករ៉ឺម៉ករត់គេចខ្លួនបាត់។

បច្ចុប្បន្ន ជនសង្ស័យ ត្រូវបានសមត្ថកិច្ចនាំខ្លួនយកទៅប៉ុស្តិ៍នគរបាលរដ្ឋបាលស្ទឹងមានជ័យទី២ ដើម្បីធ្វើកំណត់ហេតុ និងសាកសួរស្រាវជ្រាវរកបក្ខពួកដែលនៅសេសសល់យកមកផ្ដន្ទាទោសតាមផ្លូវច្បាប់។ ចំណែកជនសង្ស័យបានឆ្លើយសារភាពថា ខ្លួនគេនិងបក្ខពួកពីរនាក់ទៀត ពិតជាគាស់ផ្ទះជនរងគ្រោះពិតប្រាកដមែន និងធ្លាប់ធ្វើសកម្មភាពបាន២ដង ដោយយប់នេះត្រូវម្ចាស់ផ្ទះចាប់បានទៀត។ ក្នុងនោះជនរងគ្រោះជាម្ចាស់ផ្ទះ ក៏បានមកដាក់ពាក្យបណ្ដឹងដើម្បីឲ្យសមត្ថកិច្ចចាត់ការតាមច្បាប់៕

អត្ថបទ ៖ សុខុម