ព័ត៌មានជាតិ
រដ្ឋមន្ត្រីការបរទេសចិន៖ ទស្សនកិច្ចពេលនេះ បង្ហាញថា ចិននៅតែបន្តគាំទ្រកម្ពុជា
នៅក្នុងជំនួបពិភាក្សាការងារជាមួយសម្ដេចតេជោ ហ៊ុន សែន នៅថ្ងៃទី១៣ ខែសីហានេះ លោក វ៉ាង យី រដ្ឋមន្ត្រីការបរទេសចិន បានជម្រាបជូន សម្ដេចតេជោ ថា ដំណើរទស្សនកិច្ចរបស់លោកនៅពេលនេះ បង្ហាញថា ចិននៅតែគាំទ្រចំពោះកម្ពុជា។
បើតាមលោក អ៊ាង សុផល្លែត បានឱ្យដឹងថា ក្នុងជំនួបនោះ លោក វ៉ាង យី បានជម្រាបជូនសម្ដេចតេជោ ថា លោកបានធ្វើទស្សនកិច្ច មកកាន់កម្ពុជាជាច្រើនលើកមកហើយ រាល់ទស្សនកិច្ចនៅកម្ពុជា លោក វ៉ាង យី សង្កេតឃើញថា ប្រទេសកម្ពុជា ជាពិសេសរាជធានីភ្នំពេញ មានការរីកចម្រើនយ៉ាងរស់រវើក ដោយបានប្រែក្លាយភ្នំពេញ ជាមជ្ឈមណ្ឌលពាណិជ្ជកម្មដ៏ទំនើប។
ជាមួយគ្នានេះ លោក វ៉ាង យី ក៏បានបញ្ជាក់ប្រាប់ សម្ដេចតេជោ ដែរថា សម្រាប់ដំណើរទស្សនកិច្ច នៅពេលនេះ គឺបានបង្ហាញយ៉ាងច្បាស់នូវជំហរឥតងាករេរបស់ចិនចំពោះការគាំទ្រដល់កម្ពុជា គ្រប់កាលៈទេសៈ។ មន្ត្រីជាន់ខ្ពស់ចិនរូបនេះ បានបង្ហាញនូវជំនឿចិត្តថា ក្រោយរាជរដ្ឋាភិបាលថ្មីចូលកាន់តំណែងជាផ្លូវការ ក្រោមការដឹកនាំរបស់ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ទំនាក់ទំនងដ៏ល្អជាប្រពៃណី និងកិច្ចសហប្រតិបត្តិការរវាងកម្ពុជា-ចិន នឹងត្រូវបានពង្រឹងឱ្យកាន់តែរីកចម្រើនឡើងថែមទៀត។
ឆ្លៀតក្នុងឱកាសនោះ លោករដ្ឋមន្ត្រីការបរទេសចិន ក៏បានចូលរួមអបអរសាទរចំពោះ សម្ដេចតេជោ ហ៊ុន សែន ក៏ដូចជាគណបក្សប្រជាជនកម្ពុជា ដែលទទួលជ័យជម្នះក្នុងការបោះឆ្នោតជ្រើសតាំងតំណាងរាស្ត្រ អាណត្តិទី៧ នេះ។
លោក លើកឡើងថា ប្រទេសជាច្រើនបានមកសង្កេតការណ៍បោះឆ្នោតនៅកម្ពុជា ហើយមើលឃើញថា ការបោះឆ្នោតដែលប្រព្រឹត្តិទៅកាលពីថ្ងៃទី២៣ ខែកក្កដា ឆ្នាំ២០២៣ កន្លងទៅនេះ មានភាពយុត្តិធម៌ តម្លាភាព និងស្របច្បាប់ ខណៈ ប្រជាពលរដ្ឋជាង ៨០ភាគរយ បានចេញទៅបោះឆ្នោត។ ការណ៍នេះ បានបញ្ជាក់ឱ្យឃើញថា ពលរដ្ឋខ្មែរបានប្រើប្រាស់សិទ្ធិរបស់ខ្លួនយ៉ាងពេញលេញ ដោយបានបោះឆ្នោតជូនគណបក្សប្រជាជនកម្ពុជា ដើម្បីឱ្យបន្តដឹកនាំរាជរដ្ឋាភិបាលបន្តទៀត៕
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ២ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
ព័ត៌មានជាតិ៣ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ