ព័ត៌មានជាតិ

អ្នកជំនាញអប់រំបង្ហាញទម្លាប់ល្អទាំង៧យ៉ាង ជួយអប់រំបុត្រធីតាឲ្យក្លាយជាអ្នកដឹកនាំឆ្នើម

បានផុស

៥ years មុន

នៅ

ថ្ងៃចន្ទ ១ កុម្ភៈ ២០២១

ដោយ

អ្នកជំនាញអបរំបានបង្ហាញពីគោលការណ៍ទម្លាប់ល្អទាំង៧យ៉ាងរបស់បុគ្គលឆ្នើមដែលនឹងជួយដល់អប់រំបុត្រធីតាឲ្យក្លាយជាអ្នកដឹកនាំឆ្នើមទៅថ្ងៃអនាគត។

លោក ប៉ិច បូឡែន ប្រធានសហព័ន្ធសេវាកម្មអប់រំកម្ពុជាបានឲ្យដឹងថា «គោលការណ៍ទម្លាប់ល្អទាំង៧របស់បុគ្គលឆ្នើមមិនត្រឹមតែអាចអនុវត្តក្នុងកម្មវិធីសិក្សាសម្រាប់កុមារនិងយុវជនប៉ុណ្ណោះទេ ប៉ុន្តែទម្លាប់ល្អទាំង៧អាចប្រើប្រាស់ក្នុងជីវិត និងគ្រួសារដើម្បីបង្កើន សុភមង្គលក្នុងក្រុមគ្រួសារនិងអាច ជួយអប់រំបុត្រធីតាឲ្យក្លាយជាអ្នកដឹកនាំឆ្នើមបានថែមទៀតផង»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តទៀតថា ទម្លាប់ល្អទាំង៧របស់បុគ្គលឆ្នើមនោះរួមមានទម្លាប់ទី១៖ ភាពជាម្ចាស់ការ ទម្លាប់ទី២៖គិតហើយសឹមគូរ ទម្លាប់ទី៣៖ធ្វើការងារសំខាន់មុន ទម្លាប់ទី៤៖គិតបែបឈ្នះ-ឈ្នះ ទម្លាប់ទី៥៖ស្តាប់គេឲ្យយល់សិន មុននឹងឲ្យគេយល់ពីយើង ទម្លាប់ទី៦៖សហការដើម្បីឧត្តមប្រយោជន៍ និងទម្លាប់ទី៧៖បន្តអភិវឌ្ឍខ្លួន។

លោកបានបន្ថែមទៀតថា «ក្នុងការរស់នៅយើងត្រូវរស់នៅជាមួយផ្នត់គំនិតបែបឈ្នះ-ឈ្នះ ចេះសហការសាងជាឧត្តមប្រយោជន៍ដើម្បីទទួលផលរួមមួយយូរអង្វែងទៅមុខជាមួយគ្នានោះទើបការ រស់នៅរបស់យើងមានសេចក្តីសុខទាំងក្នុងក្រុមគ្រួសារ និងសង្គមរបស់យើង។មិនតែប៉ុណ្ណោះទម្លាប់ល្អទាំង៧ក៏នឹងបង្រៀនយើងឱ្យចេះបែងចែកអាទិភាពទៅលើការងារដែលសំខាន់សម្រាប់ខ្លួនឯងនិងក្រុមគ្រួសារផងដែរ ដើម្បីអាចឈានទៅរកភាពជោគជ័យផ្ទាល់ខ្លួន និងជោគជ័យរួម»៕

អត្ថបទ ៖ សំអឿន