ថ្នាក់ដឹកនាំ និងពលរដ្ឋខេត្តស្វាយរៀង ចូលរួមអបអរសាទរការដាក់”រមណីយដ្ឋានប្រាសាទកោះកេរ ក្នុងបញ្ជីបេតិកភណ្ឌពិភពលោក”

នៅព្រឹកថ្ងៃទី២០ ខែកញ្ញា ឆ្នាំ២០២៣ នេះ លោក ប៉េង ពោធិ៍សា អភិបាលខេត្តស្វាយរៀង រួមនឹងលោក-លោកស្រីជាអភិបាលរងខេត្ត ក្រុមប្រឹក្សាខេត្ត មន្ត្រីរាជការកងកម្លាំងប្រដាប់អាវុធទាំង៣ ប្រជាពលរដ្ឋ ព្រះសង្ឃ លោកគ្រូ អ្នកគ្រូ សិស្ស និស្សិត នៅក្នុងខេត្តស្វាយរៀង បានរៀបចំធ្វើពិធីអបអរសាទរការដាក់បញ្ចូលរមណីយដ្ឋានប្រាសាទកោះកេរចូលក្នុងបញ្ជីបេតិកភណ្ឌពិភពលោក ដោយគណៈកម្មាធិការបិតិកភណ្ឌពិភពលោកនៃអង្គការ UNESCO ។

ថ្នាក់ដឹកនាំខេត្ត ក៏ដូចជា ប្រជាពលរដ្ឋនៅក្នុងខេត្តស្វាយរៀងទាំងមូល បានសម្តែងនូវការអបអរសាទរចំពោះរាជរដ្ឋាភិបាល ដែលបានស្នើដល់គណៈកម្មាធិការបេតិកភណ្ឌពិភពលោក ក្នុងការដាក់រមណីយដ្ឋានប្រាសាទកោះកេរ បញ្ចូលជាសម្បត្តិបេតិកភណ្ឌពិភពលោក ដើម្បីធ្វើការទាក់ទាញភ្ញៀវទេសចរណ៍ជាតិ-អន្តរជាតិ បានចូលមកទស្សនា ក៏ដូចជា ការរកចំណូលថវិកាជូនប្រទេសជាតិ។

ម្យ៉ាងវិញទៀត ការដាក់រមណីយដ្ឋានប្រាសាទកោះកេរ បញ្ចូលក្នុងមតិកភណ្ឌពិភពលោកនេះ ក៏បានបង្ហាញអំពីវប្បធម៌ដ៏រុងរឿងរបស់ខ្មែរដែលមានតាំងពីយូរលុងណាស់មកហើយ៕

 ដោយ៖ ភក្ដី