Connect with us

ព័ត៌មានជាតិ

ទូតកូរ៉េ បន្តគាំទ្រ សហការ លើគម្រោងអភិវឌ្ឍន៍ក្នុងវិស័យមុខងារសាធារណៈ

បានផុស

នៅ

ឯកឧត្ដម Park Jung Wook ឯកអគ្គរដ្ឋទូត​សាធារណរដ្ឋ​កូរ៉េ​ប្រចាំ​ព្រះរាជាណាចក្រ​កម្ពុជា គូស​បញ្ជាក់​ពី​ជំហរ​ក្នុង​ការ​បន្ត​គាំទ្រ និង​សហការ លើ​គម្រោង​អភិវឌ្ឍន៍​ក្នុង​វិស័យ​មុខងារ​សាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​គូស​បញ្ជាក់​នេះ ក្នុង​ឱកាស ឯកឧត្ដម ហ៊ុន ម៉ានី រដ្ឋមន្ត្រី​ក្រសួង​មុខងារ​សាធារណៈ អនុញ្ញាត​ឲ្យ ឯកឧត្ដម Park Jung Wook ឯកអគ្គរដ្ឋទូត​សាធារណរដ្ឋ​កូរ៉េ​ប្រចាំ​នៅ​ព្រះរាជាណាចក្រ​កម្ពុជា និង​សហការី ដែល​ជា​ថ្នាក់ដឹកនាំ​ទីភ្នាក់ងារ​សហប្រតិបត្តិការ​អន្តរជាតិ​កូរ៉េ (KOICA) ប្រចាំ​កម្ពុជា បាន​ជួប​សំណេះសំណាល និង​ពិភាក្សា​ការងារ នា​ព្រឹក​ថ្ងៃ​ទី ២០ ខែ​តុលា ឆ្នាំ ២០២៣ នៅ​ទីស្ដីការ​ក្រសួង​មុខងារ​សាធារណៈ។

នា​ឱកាស​នោះ ឯកឧត្ដម Park Jung Wook បាន​គូស​បញ្ជាក់​ពី​ជំហរ​ក្នុង​ការ​បន្ត​គាំទ្រ និង​សហការ លើ​គម្រោង​អភិវឌ្ឍន៍​ក្នុង​វិស័យ​មុខងារ​សាធារណៈ ខណៈ ឯកឧត្ដម ហ៊ុន ម៉ានី ក៏​បង្ហាញ​ការ​ស្វាគមន៍​ចំពោះ​កិច្ច​សហការ​នានា ដែល​ចូលរួម​ជា​ចំណែក និង​បម្រើ​ជា​ប្រយោជន៍​ក្នុង​ការ​អនុវត្ត​នូវ​បេសកកម្ម​របស់​ក្រសួង ក៏ដូចជា​ឆ្ពោះ​ទៅ​រក​ការ​សម្រេច​ចក្ខុវិស័យ​របស់​រាជរដ្ឋាភិបាល​អាណត្តិ​ទី ៧ លើ​កិច្ចការ​កំណែទម្រង់រដ្ឋបាល​សាធារណៈ​នៅ​កម្ពុជា។

ជំនួប​នេះ ឯកឧត្ដម ហ៊ុន ម៉ានី បាន​ថ្លែង​រម្លឹក​ពី​កិច្ច​សហប្រតិបត្តិការ​កន្លងមក ជាមួយ​ភាគី​កូរ៉េ​ខាងត្បូង ជាពិសេស​ការ​ចុះ​អនុស្សរណៈ នៃ​ការ​យោគយល់​គ្នា​រវាង​ក្រសួង​មុខងារ​សាធារណៈ ជាមួយ​ក្រសួង​គ្រប់គ្រង​បុគ្គលិក នៃ​សាធារណរដ្ឋ​កូរ៉េ ស្ដីពី «ការ​គ្រប់គ្រង​ធនធាន​មនុស្ស​ក្នុង​វិស័យ​មុខងារ​សាធារណៈ» កាលពី​ឆ្នាំ ២០២១ , កិច្ចសហការ​អនុវត្ត​គម្រោង​អភិវឌ្ឍន៍​សមត្ថភាព​មន្ត្រី​សាលា​ភូមិន្ទ​រដ្ឋបាល និង​ក្រសួង​មុខងារ​សាធារណៈ រយៈពេល ៣ ឆ្នាំ (២០១៩-២០២១) រវាង​សាលា​ភូមិន្ទ​រដ្ឋបាល និង​ទីភ្នាក់ងារ​សហប្រតិបត្តិ​ការ​អន្តរជាតិ​កូរ៉េ (KOICA) , កិច្ច​សហប្រតិបត្តិការ​រវាង​ក្រសួង និង​វិទ្យាស្ថាន​អភិវឌ្ឍន៍​កូរ៉េ (KDI) ព្រមទាំង​ក្របខណ្ឌ​កិច្ច​សហប្រតិបត្តិការ​អាស៊ាន​លើ​វិស័យ​មុខងារ​សាធារណៈ (ACCSM និង ACCSM+3)។

ជាមួយ​នេះ ថ្នាក់​ដឹកនាំ​ទាំងពីរ ក៏បាន​បង្ហាញ​ការ​សាទរ​ចំពោះ​ទំនាក់ទំនង​ទ្វេភាគី និង​កិច្ច​សហ​ប្រតិបត្តិការ​រវាង កម្ពុជា និង​កូរ៉េខាងត្បូង ដោយ​ប្រទេស​ទាំងពីរ រក្សា​ទំនាក់ទំនង​យ៉ាង​ល្អ តាមរយៈ​ដំណើរ​ទស្សនកិច្ច​ផ្លូវការ​របស់​ថ្នាក់ដឹកនាំ​ជា​បន្តបន្ទាប់ ក៏ដូចជា​ការ​សហការ​គាំទ្រ​ក្នុងនាម​ជា​ដៃគូ​អភិវឌ្ឍន៍​ជំរុញ​កិច្ច​សហប្រតិបត្តិការ​សេដ្ឋកិច្ច និង​ពាណិជ្ជកម្ម ព្រមទាំង​លើ​គម្រោង​អភិវឌ្ឍន៍​តាម​វិស័យ​ផ្សេងៗ ក្នុង​នោះ​ក៏​មាន​វិស័យ​មុខងារ​សាធារណៈ​ផង​ដែរ៕

អត្ថបទ ៖ ពិសី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម