លោកបណ្ឌិត តូច ប៉ូលីវ៉ា បើកហិបវិញ្ញាសាប្រឡងបាក់ឌុប នៅមណ្ឌលប្រឡងវិទ្យាល័យស្វាយរៀងខាងត្បូង

នៅព្រឹកថ្ងៃទី៦ ខែវិច្ឆិកា ឆ្នាំ២០២៣នេះ លោកបណ្ឌិត តូច ប៉ូលីវ៉ា អភិបាលរងខេត្តស្វាយរៀង តំណាងលោកអភិបាលខេត្ត បានចូលរួមបើកហិបវិញ្ញាសាប្រឡងមធ្យមសិក្សាទុតិយភូមិ (បាក់ឌុប) នៅមណ្ឌលប្រឡងវិទ្យាល័យស្វាយរៀងខាងត្បូង។

នៅមណ្ឌលប្រឡងវិទ្យាល័យស្វាយរៀងខាងត្បូង បានបើកហិបវិញ្ញាសានៅតាមបន្ទប់ប្រឡងសម្រាប់ដំណើរការប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា នាព្រឹកថ្ងៃទី៦ ខែវិច្ឆិកា ដែលជាថ្ងៃទីមួយសម្រាប់ដំណើរការសំណេរ ក៏មានវត្តមានរបស់លោក បួយ ប៊ុនណា អនុរដ្ឋលេខាធិការក្រសួងអប់រំ យុវជន និងកីឡា និងជាប្រធានគណៈមេប្រយោគ។

ក្នុងដំណើរប្រឡងនេះ ក៏មានការចូលរួមពីគណៈមេប្រយោគ អប្បមាទ ជំនួយការ ប្រធាន-អនុប្រធានមណ្ឌល អ្នកត្រួត ពិនិត្យតាមអាគារ ប្រធាន-អនុប្រធានមន្ទីរក្នុងខេត្ត អង្គភាពប្រឆាំងអំពើពុករលួយ អ្នកសង្កេតការណ៍ ស.ស.យ.ក និង អ្នកពាក់ព័ន្ធផ្សេងៗទៀត ដើម្បីធ្វើជាសាក្សីលើការពិនិត្យភាពត្រឹមត្រូវនៃហិបវិញ្ញាសា ដែលធានាថាពិតជាគ្មានការបែកធ្លាយនៅចំពោះមុខបេក្ខជននៅមណ្ឌលវិទ្យាល័យស្វាយរៀង(ខាងត្បូង)។

ដំណើរការប្រឡង នាថ្ងៃទី១ នៅវិទ្យាល័យស្វាយរៀងខាងត្បូងនេះ បានប្រព្រឹត្តទៅដោយភាពរលូន មិនមានបញ្ហាអ្វីគួរឱ្យកត់សម្គាល់នោះឡើយ៕