ព័ត៌មានជាតិ

កម្ពុជាមានស្ថានីយថាមពលពន្លឺព្រះអាទិត្យ ១១ កន្លែងកំពុងដំណើរការផ្តល់អានុភាព ៤២២ មេហ្កាវ៉ាត់

បានផុស

៣ years មុន

នៅ

ថ្ងៃពុធ ២៩ វិច្ឆិកា ២០២៣

ដោយ

បច្ចុប្បន្នកម្ពុជាមានស្ថានីយថាមពលពន្លឺព្រះអាទិត្យចំនួន ១១ កន្លែង កំពុងដំណើរការដែលមានអានុភាពសរុប ៤២២ មេហ្កាវ៉ាត់។

កម្ពុជាជាប្រទេសឈានមុខគេមួយលើការប្រើប្រាស់ថាមពលស្អាត។ នេះបើតាមលោក កែវ រតនៈ រដ្ឋមន្រ្តីក្រសួងរ៉ែ និងថាមពល លើកឡើងនៅក្នុងសន្និសីទពិភាក្សាពិសេសដែលរៀបចំឡើងដោយក្លិបអ្នកកាសែតកម្ពុជាកាលពីពេលថ្មីៗនេះ។

កម្ពុជាទាញប្រើប្រាស់ប្រភពថាមពលកកើតឡើងវិញចំនួន ៦២% និងមានគោលដៅបង្កើនឲ្យបាន ៧០ ភាគរយ នៅឆ្នាំ២០៣០។

ក្រៅពីវារីអគ្គិសនីចំនួន ០៨ ដែលមានអានុភាពសរុប ១ ៣២៩ មេហ្កាវ៉ាត់ និងស្ថានីយថាមពលពន្លឺព្រះអាទិត្យចំនួន ១១ កន្លែង មានអានុភាពសរុប ៤២២ មេហ្កាវ៉ាត់ ដែលកំពុងដាក់ឲ្យដំណើរការ កម្ពុជាកំពុងសិក្សាអភិវឌ្ឍប្រភពអគ្គិសនីដោយថាមពលខ្យល់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក កែវ រតនៈ រដ្ឋាភិបាលបានដាក់ផែនការឆ្នាំ ២០៣០ កាត់បន្ថយការប្រើប្រាស់អគ្គិសនីឲ្យបាន ១៩ % ស្មើ ២ ០០០ មេហ្គាវ៉ាត់។ ការប្រើប្រាស់ថាមពលដោយសន្សំសំចៃអាចធ្វើឲ្យកម្ពុជាមិនបាច់បង្កើតរោងចក្រផលិតថាមពលថ្មីបន្ថែមចំនួន ២០០០ មេហ្គាវ៉ាត់ ដែលជាការរួមចំណែកដល់កិច្ចការពារបរិស្ថាន។

លោកររដ្ឋមន្រ្តីក៏អំពាវនាវដល់ពលរដ្ឋប្រើប្រាស់ថាមពលអគ្គិសនីឲ្យមានប្រសិទ្ធភាព ដើម្បីឈានទៅសម្រេចគោលដៅនេះ។

បច្ចុប្បន្ននៅទូទាំងប្រទេសមានភូមិចំនួនជាង ៩៨% និងលំនៅដ្ឋានចំនួនជាង ៨៨% បានទទួលការផ្គត់ផ្គង់អគ្គិសនីពីបណ្តាញជាតិ ហើយភូមិទាំងអស់នឹងទទួលបានការផ្គត់ផ្គង់អគ្គិសនី ១០០% នៅឆ្នាំ២០៣០៕

Related Topics:ថាមពលពន្លឺព្រះអាទិត្យ លោក កែវ រតនៈ