ព័ត៌មានជាតិ

ក្រសួងការងារ និងក្រុងឈុនឆន់ ចុះអនុស្សរណៈ ជ្រើសរើសពលកររដូវកាល ពី កម្ពុជា

បានផុស

៣ years មុន

នៅ

ថ្ងៃពុធ ២៧ ធ្នូ ២០២៣

ដោយ

នៅថ្ងៃទី ២៧ ខែធ្នូ ឆ្នាំ ២០២៣ នេះ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានចុះអនុស្សរណៈយោគយល់គ្នាជាមួយនឹងអភិបាលក្រុងឈុនឆន់ ខេត្តកាំងវ៉ុន នៃសាធារណរដ្ឋកូរ៉េ ដើម្បីផ្តល់ឱកាសជូនពលរដ្ឋកម្ពុជាដែលមានបំណងទៅធ្វើការជាពលកររដូវកាល នៅប្រទេសកូរ៉េខាងត្បូង។ ពិធីចុះអនុស្សរណៈនេះ ធ្វើឡើងនៅទីស្ដីការក្រសួងការងារ និងបណ្ដុះបណ្ដាលវិជ្ជាជីវៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីចុះអនុស្សរណៈនោះ លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានថ្លែងអំណរគុណដល់លោក Yook, Dong Han អភិបាលក្រុងឈុនឆន់ ចំពោះការទទួលយកពលករពីកម្ពុជានាពេលនេះ។ ក្រៅពីការជ្រើសរើសពលកររដូវកាល លោករដ្ឋមន្ត្រី បានជំរុញលោកអភិបាលក្រុង ពិនិត្យក្នុងការជំរុញឲ្យរោងចក្រសហគ្រាសក្នុងក្រុង ទទួលយកពលករជំនាញរបស់កម្ពុជា(E7) ផងដែរ។

ទន្ទឹមនោះ លោកអភិបាលក្រុង បានថ្លែងអំណរគុណចំពោះ លោករដ្ឋមន្ត្រី សម្រាប់កិច្ចសហការប្រកបដោយទំនុកចិត្តរបស់ក្រសួងនាពេលនេះ ខណៈក្រសួង ធ្លាប់មានបទពិសោធន៍គ្រប់គ្រាន់លើការបញ្ជូនពលករទៅបម្រើការងារនៅសាធារណរដ្ឋកូរ៉េ ក្រោមប្រព័ន្ធអនុញ្ញាតមុខរបរ(ESP) រួមទាំងការចុះអនុស្សរណៈ នៃការយោគយល់ស្តីពីការបញ្ជូនពលកររដូវកាលជាមួយក្រុង និងស្រុករបស់កូរ៉េជាច្រើនមកហើយ។

សូមបញ្ជាក់ថា រាល់ការបញ្ជូនពលករកម្ពុជាទៅក្រៅប្រទេសទាំងអស់ ជាពិសេសប្រទេសកូរ៉េ គួរតែឆ្លងកាត់ក្រសួងការងារ និងបណ្ដុះបណ្ដាលវិជ្ជាជីវៈ ដើម្បីធានាពីប្រសិទ្ធភាព និងការការពារសិទ្ធិពលករ៕