ព័ត៌មានជាតិ

សាលាបច្ចេកទេស NPIC ៖ យុវជនជិត ៤ ពាន់នាក់ បោះជំរំរួមគ្នា បង្ហាញពីសាមគ្គីភាព ក្រោមដំបូលសន្តិភាព

បានផុស

២ years មុន

នៅ

ថ្ងៃសុក្រ ២ កុម្ភៈ ២០២៤

ដោយ

សិស្សនិស្សិត នៃវិទ្យាស្ថានជាតិពហុបច្ចេកទេសកម្ពុជា លើកឡើងថា ពិធីបោះជំរំលើកទី ៧ ក្រោមប្រធានបទ«យុវជនក្រោមដំបូលសន្តិភាព» គឺជាព្រឹត្តិការណ៍ដ៏អស្ចារ្យមួយដែលបង្ហាញពីការសាមគ្គីភាពគ្នា សហការគ្នា ស្រលាញ់គ្នា រវាងយុវជន និងយុវជន ក្នុងការធ្វើកិច្ចការងារមួយទទួលបានជោគជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុវជន ឡាយ អ៊ីវស៊ូ ដែលជានិស្សិតរៀននៅវិទ្យាស្ថានជាតិពហុបច្ចេកទេសកម្ពុជា បានលើកឡើងថា «ការបោះជំរំនេះគឺមានសារៈសំខាន់ណាស់សម្រាប់យុវជន ពីព្រោះវាជាកិច្ចការងារមួយដែលទាមទារជាចាំបាច់ការសាមគ្គីគ្នា សហការគ្នា ហើយពួកយើងនៅទីនេះគឺបានរួបរួមគ្នាល្អណាស់ក្នុងពិធីបោះជំរំឆ្នាំនេះ»។

យុវជនរូបនេះ បន្ថែមថា ការបោះជំរំនេះគឺជាការជួបជុំមួយដ៏ធំប្រចាំឆ្នាំដែលមានសិស្សប្រមាណជិត ៤ ពាន់នាក់ បានចូលរួមបោះជំរំ ហើយកិច្ចការងារមួយចំនួន នៃការបោះជំរំនេះធ្វើឡើងដោយមានកិច្ចសហការរវាងយុវជន និងយុវជន នៅទីនេះផ្ទាល់តែម្ដង ដែលកិច្ចការយុវជនទាំងអស់ អាចធ្វើវាបានដោយរលូន។

យុវតី មឿន សុហេង ដែលជានិស្សិតកំពុងសិក្សានៅវិទ្យាស្ថានជាតិពហុបច្ចេកទេសកម្ពុជា ក៏បានលើកឡើងថា ការបោះជំរំក្រោមប្រធានបទ«យុវជនក្រោមដំបូលសន្តិភាព» ឆ្នាំនេះ គឺមានភាពអស្ចារ្យខ្លាំងណាស់ ដោយវាត្រូវបានធ្វើឡើងក្រោមស្មារតីរួបរួមគ្នា និងអធ្យាស្រ័យគ្នា ស្របទៅតាមស្មារតី នៃរបៀបវារៈបោះជំរំរបស់យើង គឺ «យុវជនក្រោមដំបូលសន្តិភាព»។

ដោយឡែក យុវតី ម៉ឺន ដាណេត ដែលកំពុងសិក្សានៅវិទ្យាស្ថានជាតិពហុបច្ចេកទេសកម្ពុជាមួយរូបទៀត បានស្នើសុំឱ្យថ្នាក់ដឹកនាំទាំងអស់គិតគូរក្នុងការបន្តរៀបចំពិធីដ៏ល្អនេះជារៀងរាល់ឆ្នាំ ពីព្រោះតាមរយៈពិធីនេះហើយទើបធ្វើឱ្យយុវជនដែលសុទ្ធសឹងតែជាបញ្ញវន្តជំនាន់ក្រោយមានស្មារតីសាមគ្គីគ្នា សហការគ្នា ស្រលាញ់គ្នា និងជាពិសេសអាចធ្វើកិច្ចការងាររួមគ្នាមួយប្រកបដោយស្មារតីជឿជាក់ និងពុះពារ។

យុវជន ហុក សៀងហៃ ជានិស្សិត នៃវិទ្យាស្ថានជាតិពហុបច្ចេកទេសកម្ពុជា បានលើកឡើងថា «យើងមើលទៅប្រធានបទ នៃការបោះជំរំ គឺ យុវជនក្រោមដំបូលសន្តិភាព គឺមានអត្ថន័យណាស់ វាបញ្ជាក់ពីយុវជនដែលរស់នៅប្រកបដោយកម្លាំង សាមគ្គីគ្នា ទើបពួកយើងក្លាយជាបញ្ញវន្តជំនាន់ក្រោយរបស់ប្រទេសយើង»។

គូសបញ្ជាក់ផងដែរថា វិទ្យាស្ថានជាតិពហុបច្ចេកទេសកម្ពុជា បាននិងកំពុងរៀបចំកម្មវិធីបោះជំរំលើកទី ៧ ក្រោមប្រធានបទ«យុវជនក្រោមដំបូលសន្តិភាព» រយៈពេល ៣ ថ្ងៃ ចាប់ពីថ្ងៃទី ១ កុម្ភៈ រហូតដល់ថ្ងៃទី ៣ ខែកុម្ភៈ ឆ្នាំ ២០២៤ ដែលមានអ្នកចូលរួមប្រមាណ ៣ ៨៥១ នាក់៕

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា