ព័ត៌មានជាតិ

កំណាត់ផ្លូវជាតិលេខ ៧ ពីរមៀតទៅច្រកព្រំដែនត្រពាំងក្រៀលព្រំដែនឡាវនឹងបើកការដ្ឋាននៅឆ្នាំ ២០២៤

បានផុស

២ years មុន

នៅ

ថ្ងៃសុក្រ ១ មីនា ២០២៤

ដោយ

បើតាមការគូសបញ្ជាក់ពីលោក ស៊ុន ចាន់ថុល កំណាត់ផ្លូវជាតិលេខ ៧ ពីរមៀតទៅច្រកព្រំដែនត្រពាំងក្រៀលនឹងបើកការដ្ឋានសាងសង់នៅឆ្នាំ ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧបនាយករដ្ឋមន្រ្តីបានបញ្ជាក់ថា កំណាត់ផ្លូវនេះខាងភាគីចិនបានបញ្ចប់នីតិវិធីចុងក្រោយដើម្បីអាចឈានទៅបើកការដ្ឋានសាងសង់នៅឆ្នាំ ២០២៤។

លោកថា គម្រោងផ្លូវនេះបានសិក្សានិងរង់ចាំជំនួយឥតសំណងពីប្រទេសចិន។ បើតាមភាគីចិនបានផ្ដល់ព័ត៌មានថាបានឈានដល់ដំណាក់កាលចុងក្រោយ និងអាចបើកការដ្ឋានសាងសង់នៅឆ្នាំនេះ។

រដ្ឋាភិបាលចិនបានផ្តល់ជំនួយឥតចំណងលើការស្ថាបនាកំណាត់ផ្លូវជាតិលេខ៧ ពីចំណុចគីឡូម៉ែត្រលេខ ៣៣១ (រង្វង់មូលខ្លាស្ទុះ) ស្ថិតក្នុងភូមិកាប៉ូ សង្កាត់អូរឫស្សី ក្រុងក្រចេះ រហូតដល់ចំណុចគីឡូម៉ែត្រលេខ ៤២៤ ចំណុចឃុំអូរគ្រៀង ស្រុកសំបូរ ប្រវែង ៩៣,៥៦៥គម។

បើតាមលោក លឹម ស៊ីដេនីន រដ្ឋលេខាធិការក្រសួងសាធារណការនិងដឹកជញ្ជូន ភាគីចិនសន្យានឹងបន្តសាងសង់កំណាត់ផ្លូវជាតិលេខ៧ ប្រវែង ៩៦ គីឡូម៉ែត្របន្ថែមទៀតភ្ជាប់ពីចំណុចរមៀត ឃុំអូរគ្រៀង ស្រុកសំបូរ ខេត្តក្រចេះ ដល់ព្រំដែនប្រទេសឡាវតាមរយៈឥណទានជំនួយឥតសំណង៕