Connect with us

ព័ត៌មានជាតិ

អ្នកនាំពាក្យអប់រំ ៖ ១ ឆ្នាំ និស្សិត ៥ ម៉ឺននាក់ បញ្ចប់ការសិក្សា ក្នុងនោះ ៩៦ ភាគរយ មានការងារធ្វើ

បានផុស

នៅ

លោក កាន់ ពុទ្ធី អ្នកនាំពាក្យ​ក្រសួង​អប់រំ យុវជន និង​កីឡា បាន​មាន​ប្រសាសន៍ នៅ​ថ្ងៃទី ៣០ ឧសភា នេះ​ថា ក្នុង ១ ឆ្នាំ មាន​និស្សិត​រង្វង់ ៥ ម៉ឺន​នាក់ បាន​បញ្ចប់​ការ​សិក្សា ក្នុង​នោះ​មាន ៤ ភាគរយ រៀន​បន្ត​ទៅ​បរិញ្ញាបត្រ​ជាន់ខ្ពស់ និង ៩៦ ភាគរយ​ទៀត មាន​ការងារ​ធ្វើ និង​ប្រកប​អាជីវកម្ម។

លោក​បាន​បន្ត​ថា ឆ្នាំ ២០២៣ កម្ពុជា មាន​គ្រឹះស្ថាន​ឧត្ដមសិក្សា​ទូទាំង​ប្រទេស ១៨៩ ក្នុង​នោះ គ្រឹះស្ថាន​ឧត្ដមសិក្សា​សាធារណៈ​មាន​ចំនួន ៧៩ និង​គ្រឹះស្ថាន​ឧ​ត្ត​ម​សិក្សា​ឯកជន ១១០ ដែល​មាន​ទីតាំង​ស្ថិតនៅ ២៥ ខេត្ត និង​រាជធានី។ គ្រឹះស្ថាន​ឧ​ត្ត​មសិ​ក្សា​ទាំងអស់​ស្ថិតនៅក្រោម​ការគ្រប់គ្រង​របស់​ក្រសួង ស្ថាប័ន ១៧។ គ្រឹះស្ថាន​ឧ​ត្ត​មសិ​ក្សា​ដែល​ស្ថិត​ក្រោម​ការ​គ្រប់គ្រង​របស់​ក្រសួង​អប់រំ យុវជន និង​កីឡា មាន ៩០ និង​មាន​ទីតាំង​ស្ថិតនៅ ២១ ខេត្ត រាជធានី ក្នុងនោះ​គ្រឹះស្ថាន​ឧ​ត្ត​ម​សិក្សា​សាធារណៈ ១៧ គ្រឹះស្ថាន​ឧ​ត្ត​មសិ​ក្សា​ឯកជន ៧៣ និង​មាន​សាខា ៤០។

លោក​បាន​បន្តទៀតថា ចំណែក​គ្រឹះស្ថាន​ឧ​ត្ត​ម​សិក្សា​បណ្តុះបណ្តាល​ថ្នាក់​បរិញ្ញាបត្រ​ជាន់ខ្ពស់​មាន ៥១ ក្នុងនោះ​គ្រឹះស្ថាន​ឧ​ត្ត​មសិ​ក្សា សាធារណៈ ១០ និង​ឯកជន ៤១។ គ្រឹះស្ថាន​ឧ​ត្ត​ម​សិក្សា​បណ្តុះបណ្តាល​ថ្នាក់បណ្ឌិត ២៥ (​ថេរ​) ក្នុងនោះ​គ្រឹះស្ថានឧ​ត្ត​ម​សិក្សា​សាធារណៈ ៧ និង​ឯកជន ១៨។

លោក​បាន​បន្ថែមថា ឆ្នាំ ២០២៣ មាន​និស្សិត​ឧ​ត្ត​មសិ​ក្សា ២៨៤ ៥៩៩ នាក់ ស្រី ១៤៨ ៧៥៧ នាក់ ក្នុងនោះ​និស្សិត​សិក្សា​ថ្នាក់​បរិញ្ញាបត្ររង ៣៣ ០១៨ នាក់ ស្មើ ៦៣,១៧ ភាគរយ ស្រី ១៣ ៩៥៣ នាក់ ស្មើ ៤២,២៦ ភាគរយ និស្សិត​សិក្សា​ថ្នាក់​បរិញ្ញាបត្រ ២៣៧ ២៤៣ នាក់ ស្រី ១៣០ ១៥១ នាក់ និស្សិត​សិក្សា​ថ្នាក់​បរិញ្ញាបត្រ​ជាន់ខ្ពស់ ១៣ ០០៨ នាក់ ស្មើ ៣៧,១៧ ភាគរយ ស្រី ៤ ៥១៤ នាក់ ស្មើ ៣៤,៧០ ភាគរយ និង​និស្សិត​សិក្សា ថ្នាក់បណ្ឌិត ១ ៣៣០ នាក់ ស្រី ១៣៩ នាក់ ស្មើ ១០,៤៥ ភាគរយ។ ចំណែក​និស្សិត​សិក្សា​ជំនាញ​វិទ្យាសាស្ត្រ បច្ចេកវិទ្យា វិស្វកម្ម សិល្បៈ និង​គណិតវិទ្យា (STEM) កើន​ពី ២៥,៦ ភាគរយ ស្រី ១៣,៨ ភាគរយ ប្រុស ៣៥,៦ ភាគរយ នៅ​ឆ្នាំ​សិក្សា ២០២១-២០២២ ដល់ ៣១,២១ ភាគរយ នៅ​ឆ្នាំ​សិក្សា ២០២២-២០២៣៕

អត្ថបទ ៖ សំអឿន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង២១ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៣ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៣ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានអន្ដរជាតិ៣ ម៉ោង មុន

អាមេរិក ជប៉ុន និងកូរ៉េខាងត្បូង រួមដៃគ្នាធ្វើកិច្ចសហប្រតិបត្តិការដោះស្រាយ​ការបាញ់មីស៊ីលរបស់ កូរ៉េខាងជើង

ព័ត៌មានជាតិ៣ ម៉ោង មុន

ទូតអង់គ្លេស៖ រាជរដ្ឋាភិបាលថ្មីរបស់សម្ដេច ហ៊ុន ម៉ាណែត មានសកម្មភាពមមាញឹក ពិសេសការជំរុញពាណិជ្ជកម្ម

Sokha Hotels

ព័ត៌មានពេញនិយម