ព័ត៌មានជាតិ

ចូលរួមពិព័រណ៍ពន្លកបៃតង អាចទទួលបានកូនឈើម្នាក់ ១០ ដើម យកទៅដាំដោយឥតគិតថ្លៃ

បានផុស

២ years មុន

នៅ

ថ្ងៃចន្ទ ១០ មិថុនា ២០២៤

ដោយ

តាមរយៈកិច្ចខិតខំរបស់មន្ទីរបរិស្ថានរាជធានីខេត្តក្នុងការបណ្ដុះកូនឈើ ដើម្បីចែកជូនពលរដ្ឋយកទៅដាំដើម្បីស្តាព្រៃឈើឡើងវិញ រហូតមកដល់ពេលបច្ចុប្បន្ននេះក្រសួងបរិស្ថានមានកូនឈើប្រមាណ ១ លាន ៣ សែនដើមហើយ សម្រាប់ចែកជូនប្រជាពលរដ្ឋនៅថ្ងៃទី១០ ខែកក្កដា ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាម អ៉ីន រដ្ឋលេខាធិការក្រសួងបរិស្ថាន បានលើកឡើងថា ចាប់ពីថ្ងៃទី១០-១២ ខែកក្កដា ឆ្នាំ២០២៤ ក្រសួងបរិស្ថាននឹងរៀបចំពិព័រណ៍ពន្លកបៃតង និងទិវាកេសរកូលជាតិលើកទី ៤ នៅខាងមុខទីស្តីការក្រសួងបរិស្ថាន ដោយប្រជាពលរដ្ឋដែលមកទស្សនានឹងទទួលបានកូនឈើយកទៅដាំដោយឥតគិតថ្លៃ។

បណ្ឌិត សាម អ៉ីន បានអះអាងបន្ថែមថា ពលរដ្ឋដែលចូលរួម មិនត្រឹមតែទទួលបានកូនឈើយកទៅដាំដោយឥតគិតថ្លៃនោះទេ ប៉ុន្តែក៏អាចសិក្សាស្វែងយល់ និងទស្សនាអំពីការងាររបស់ក្រសួងបរិស្ថាន អង្គការដៃគូដែលធ្វើការលើវិស័យបរិស្ថាន រួមទាំងកិច្ចការពារនិងអភិរក្សធនធានធម្មជាតិ ទស្សនារូបភាពចម្រុះកម្ពុជា ព្រមទាំងដើមផ្កាកេសរកូនខ្មែរ និងផលិតផលខ្មែរពីភូមិ១ ផលិតផល១ ជាច្រើនមុខ។

អ្នកដែលមកទស្សនាពិព័រណ៍ម្នាក់ នឹងអាចទទួលបានដើមឈើ ១០ ដើម ចុះក្រោមដើម្បីយកទៅដាំ។ មិនតែប៉ុណ្ណោះ ប្រសិនបើចង់បានដើមឈើច្រើនជាងនេះ អាចស្នើសុំទៅមន្ទីរបរិស្ថានរាជធានីខេត្តផងដែរ៕