លោកស្រី ឱ វណ្ណឌីន៖ វ៉ាក់សាំង តែមួយមុខមិនមែនជាដំណោះស្រាយមាសទប់ស្កាត់ការចម្លងកូវីដ-១៩ឡើយ
Connect with us
Helistar Cambodia - Helicopter Charter Services

ព័ត៌មានជាតិ

លោកស្រី ឱ វណ្ណឌីន៖ វ៉ាក់សាំង តែមួយមុខមិនមែនជាដំណោះស្រាយមាសទប់ស្កាត់ការចម្លងកូវីដ-១៩ឡើយ

បានផុស

នៅ

លោកស្រី វេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានលើកឡើងថា វ៉ាក់សាំងកូវីដ-១៩ តែមួយមុខមិនមែនជាដំណោះស្រាយមាសសម្រាប់ឆ្លើយតបទៅនឹងការរាតត្បាតនៃជំងឺកូវីដ-១៩
ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់លោកស្រីនេះជាការឆ្លើយតបទៅនឹង បណ្ឌិត ឆេង គឹមឡុង អនុប្រធានទីពីរនៃវិទ្យាស្ថានចក្ខុវិស័យអាស៊ី ដែលបានជំរុញរាជរដ្ឋាភិបាលពន្លឿនការចាក់វ៉ាក់សាំងនៅចំពោះមុខការរាតត្បាតជំងឺកូវីដ-១៩។

លោកស្រីមានប្រសាសន៍ថា «សូមកុំភ្លេចថា បច្ចុប្បន្ននេះ កម្ពុជាស្ថិតនៅក្នុងស្ថានភាពចម្លងជាចង្កោមៗរាយប៉ាយតាមកន្លែងនីមួយៗ ហើយវ៉ាក់សាំងកូវីដ-១៩ តែមួយមុខ មិនមែនជាដំណោះស្រាយមាសសម្រាប់ទប់ទល់ឆ្លើយតបទៅនឹងការរាតត្បាតជំងឺកូវីដ-១៩ នោះឡើយ»។

លោកស្រីបានបន្ថែមថា ការវាយឈ្នះកូវីដ-១៩ នៅពេលនេះមិនមែនរំពឹងលើតែវ៉ាក់សាំងមួយមុខប៉ុណ្ណោះទេ។ វិធានការរួមគ្នាមាន ៣ការពារ ៣កុំ បូករួមចាក់វ៉ាក់សាំង កូវីដ-១៩ ស្មើនឹងបង្កើតបាននូវកងការពារដ៏រឹងមាំសម្រាប់បុគ្គលក្នុងការការពារពីភាពធ្ងន់ធ្ងរសុខភាពដែលអាចកើតមានឡើងពីការវាយលុករបស់វីរុសកូវីដ-១៩ និងកាត់បន្ថយបាននូវបន្ទុកចូលសម្រាកពេទ្យផង ព្រមទាាំងកាត់បន្ថយបានជាអតិប្បរិមានូវការកើតជំងឺនេះក្នុងសហគមន៍ផង។

លោកស្រីបញ្ចាក់ថា « ដូច្នេះ ការចាក់វ៉ាក់សាំង ក៏កំពុងតែធ្វើជាបន្តបន្ទាប់ ( អាស្រ័យលើចំនួនវ៉ាក់សាំងដែលមានបច្ចុប្បន្ន) គួបគ្នាជាមួយនិងការអនុវត្តវិធានការ ៣ការពារ និង ៣កុំ ដើម្បីឆ្លើយតបនៅក្នុងបរិបទប្រយុទ្ធនឹងជំងឺកូវីដ-១៩ នេះ។ សូមបងប្អូនប្រជាពលរដ្ឋបន្តអនុវត្តន៍វិធានការខាងលើ ទោះជាមិនទាន់ដល់វេនចាក់វ៉ាក់សាំងក៏ដោយ (សូមអធ្យាស្រ័យដោយវ៉ាក់សាំងទទួលបានមានកម្រិតចំនួន) ក៏មិនត្រូវរងចាំតែវ៉ាក់សាំង ហើយភ្លេចខ្លួន ឫមិនបានអនុវត្តន៍វិធានការការពារខ្លួន៣ការពារ និង ៣កុំ នោះឡើយ»។

លោកស្រីបានបន្ថែមទៀតថាមានតែ ៣ការពារ និង ៣កុំ ដែលជួយលោកអ្នកបានរួចផុតពីការចម្លងវីរុសកូវីដ-១៩ ហើយយដល់វេនចាក់វ៉ាក់សាំងសូមស្ម័គ្រចិត្តទីចាក់ដើម្បីសុខភាពផ្ទាល់ខ្លួន សុខភាពក្រុមគ្រួសារខ្លួន
និងសុខភាពសហគមន៍របស់ខ្លួនផងដែរ៕

អត្ថបទ៖ សំអឿន

ចុចអាន៖ សាលារៀន ២ កន្លែង​នៅ​ភ្នំពេញ​យក​ធ្វើ​ជា​មណ្ឌល​ចត្តាឡីស័ក​សា​ជា​ថ្មី​ ក្រោយ​ផ្ទុះ​ព្រឹត្តិការណ៍​២០​កុម្ភៈ

ចុចអាន៖ ជំនឿផ្តេសផ្តាស ៥ យ៉ាងដែលថាអាចព្យាបាលវីរុសកូវីដ-១៩ បាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

បន្ទាន់!! ផ្លូវ​ទំនាប​មួយ​ចំនួន​នៅ​ក្នុងក្រុង​បាត់ដំបង​ចាប់​ផ្តើម​លិច​ដល់​ចំណុច​ប្រកាស​អាសន្ន​

ព័ត៌មានជាតិ១ ម៉ោង មុន

ស្នងការ​នគរបាល​ខេត្ត ផ្តើម​បើក​វេទិកា​ជួប​ជាមួយ​ប្រជាពលរដ្ឋ ក្រោយ​លោក ម៉ៅ ធនិន មកកាន់​តំណែង​ជា​អភិបាល​ខេត្តកំពត

ព័ត៌មានជាតិ២ ម៉ោង មុន

សមត្ថកិច្ច​ខេត្តកំពត បង្ក្រាប​ជនសង្ស័យ​៩​នាក់ ពាក់ព័ន្ធ​ករណី​ប្លន់​ម៉ូតូ​នៅតាម​ដងផ្លូវ

ព័ត៌មានជាតិ៣ ម៉ោង មុន

អភិបាលរងខណ្ឌ​២​រូប​ ចុះសួរសុខទុក្ខ​និង​នាំ​យក​អំណោយ​ផ្តល់​ជូន​មន្ត្រី​មាន​ជំងឺ​

ព័ត៌មានជាតិ៣ ម៉ោង មុន

ផ្សារ​ព្រែក​ឯង រៀបរយ​ក្នុង​ការ​លក់ដូរ​បាន​ត្រឹមត្រូវ​អ្នកធ្វើដំណើ​សូម​កោត​សរសើរ

Sokha Hotels

ព័ត៌មានពេញនិយម

Helistar Cambodia - Helicopter Charter Services