ព័ត៌មានជាតិ

ប.ស.ស រាយការណ៍ពីលទ្ធផលបឋម នៃការចុះស្ទង់មតិតាមសហគ្រាសជូនស្ថាប័នជំនាញ

បានផុស

២ years មុន

នៅ

ថ្ងៃព្រហស្បតិ៍ ១២ ធ្នូ ២០២៤

ដោយ

លោកបណ្ឌិត ហេង សុផាន់ណារិទ្ធ អគ្គនាយករង ប.ស.ស និងជាប្រធានក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករ-និយោជិត (ស.ផ.ក) តំណាង លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស នៃក្រសួងការងារ និងបណ្ដុះបណ្ដាលវិជ្ជាជីវៈ កាលពីរសៀលថ្ងៃទី ១១ ខែធ្នូ ឆ្នាំ ២០២៤ បានដឹកនាំក្រុមការងារ ស.ផ.ក ធ្វើបទបង្ហាញ ដើម្បីរាយការណ៍អំពីលទ្ធផល នៃការចុះស្ទង់មតិអ្នកបើកបររថយន្តដឹកកម្មករ-និយោជិត នៅតាមរោងចក្រ សហគ្រាស និងលទ្ធផល នៃការសិក្សាក្នុងការជំរុញអ្នកបើកបររថយន្តដឹកកម្មករ-និយោជិត ឱ្យធ្វើការផ្លាស់ប្ដូរពីរថយន្តប្រភេទដឹកទំនិញដឹកកម្មករឈរ ទៅជារថយន្តដឹកអ្នកដំណើរ ដែលមាន សុវត្ថិភាព ផាសុកភាព និងសណ្ដាប់ធ្នាប់ ជូនដល់អគ្គលេខាធិការ នៃគណៈកម្មាធិការជាតិសុវត្ថិភាពចរាចរណ៍ផ្លូវគោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំនួបពិភាក្សានេះ ធ្វើឡើងនៅទីស្ដីការក្រសួងមហាផ្ទៃ ដែលដឹកនាំដោយ លោកស្រី មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការ នៃគណៈកម្មាធិការជាតិសុវត្ថិភាពចរាចរណ៍ផ្លូវគោក និងលោកនាយឧត្ដមសេនីយ៍ ហ៊ឹម យ៉ាន រដ្ឋលេខាធិការក្រសួងមហាផ្ទៃ និងជាអគ្គលេខាធិការរង នៃគណៈកម្មាធិការជាតិសុវត្ថិភាពចរាចរណ៍ផ្លូវគោក៕

អត្ថបទ ៖ សំអឿន