ព័ត៌មានជាតិ

គ្រូពេទ្យបញ្ជាក់មូលហេតុករណីសិស្សទន់ដៃជើងដួលសន្លប់នៅវិទ្យាល័យភ្នំធំ

បានផុស

៣ years មុន

នៅ

ថ្ងៃពុធ ១៧ មីនា ២០២១

ដោយ

នៅវេលាម៉ោង៨ព្រឹក ថ្ងៃទី១៧ ខែមីនា ឆ្នាំ២០២១ មានសិស្សសាលាជាច្រើននាក់បានដួលសន្លប់បន្តបន្ទាប់គ្នានៅវិទ្យាល័យភ្នំធំត្បូង ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ។

បើតាមការអះអាងរបស់មន្ត្រីអាជ្ញាធរ ករណីសិស្សជាង២០នាក់ទន់ដៃទន់ជើងដួលសន្លប់នៅវិទ្យាល័យភ្នំធំត្បូង ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ មកពីខ្វះជាតិកាល់ស្យូម បម្រែបម្រួលអាកាសធាតុ កត្តាដំណេកនិងកុមារដែលដូរវ័យជំទង់ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឆែម ម៉ូដែល នាយកវិទ្យាល័យភ្នំធំ ឃុំអូរប្រាសាទបានប្រាប់ឲ្យដឹងថា ករណីសិស្សដួលសន្លប់នេះបានកើតឡើងកាលពីរសៀលថ្ងៃទី១៦ ខែមីនាម្តងហើយ ដោយមានសិស្ស៣នាក់បានទន់ដៃទន់ជើង ដោយសារពួកគេមានសុខភាពខ្សោយខ្វះជាតិកាល់ស្យូម ជាតិស្ករ ណាមួយដោយសារអាកាសធាតុក្តៅហប់ភ្លៀងកក់ខែជាដើម។

លោកបន្តថា លុះដល់ព្រឹកថ្ងៃទី១៧ ខែមីនា ឆ្នាំ ២០២១សិស្ស៣នាក់នោះ ក៏មករៀនជាធម្មតាដល់ម៉ោង១០ ព្រឹក នៅពេលចេញលេងសិស្ស៣នាក់នោះ បូកនឹងសិស្សពីថ្នាក់ទី៧ដល់ទី១២ ចំនួនជិត២០នាក់ទៀតបានទន់ដៃទន់ជើង និងដួលសន្លប់ជាបន្តបន្ទាប់ក្នុងចំណោម់នោះ សិស្សដែលរត់ទៅមើលគ្នា ក៏ស្លុតរន្ធត់ ហើយទន់ដៃទន់ជើងនិងដួលសន្លប់នឹងគេដែរ។ សិស្សទាំងនោះ មានប្រុសម្នាក់និងស្រី១៩នាក់ ។

លោករ័ត្ន ដាស៊ីណង់ អភិបាលស្រុកមង្គលបូរីបានប្រាប់ឲ្យដឹងថា សិស្ស ប្រុស ស្រី នៅវិទ្យាល័យភ្នំធំ មានបញ្ហាសុខភាពទាំងនោះត្រូវបញ្ជូនទៅសង្គ្រោះបន្ទាន់នៅមណ្ឌលសុខភាពភ្នំតូចឃុំភ្នំតូច ទៅគ្លីនិកគ្លីនិចកង់រទេះនៅអូរស្ងួតឃុំបន្ទាយនាងនិងទៅមន្ទីរពេទ្យខេត្តមិត្តភាពកម្ពុជា ជប៉ុន មង្គលបុរី។