ព័ត៌មានជាតិ
វី ឌីណែត៖ “ម៉ាក់ស្លាប់ សពម៉ាក់ ក៏ខ្ញុំមិនអាចចេញទៅធ្វេីបុណ្យបានដែរ”
“ខ្ញុំលែងមានម៉ាក់ហៅទៀតហើយ សូមម៉ាក់ទៅអោយបានសុខ ម៉ាក់កុំបារម្មណ៍ណាកូននឹងនៅមេីលថែប៉ា និងអ្នកផ្ទះយើងកូននឹងរឹងមាំ”។ សារដ៏រំជួលចិត្តរបស់តារាចម្រៀង កញ្ញា វី ឌីណែត ក្រោយឮដំណឹងម្តាយបានទទួលមរណៈភាព។
តារាចម្រៀងដែលកំពុងព្យាបាលជំងឺកូវីដ ១៩ ថ្លែងទៀតថា៖ “សូម្បីតែមុខជាលេីកចុងក្រោយក៏មិនបានឃេីញ ម៉ាក់ឈឺក៏កូនៗមិនអាចទៅមេីលថែ ម៉ាក់ខូចហេីយក៏មិនអាចឃេីញ សូម្បីតែសពក៏មិនអាចចេញទៅធ្វេីបុណ្យបាន សូមអោយវិញ្ញាណក្ខន្ធម៉ាក់ទៅកាន់សុខគតិភពផងចុះ”។
មកដល់ពេលនេះមិនទាន់មានការបញ្ជាក់យ៉ាងណាពីក្រសួងសុខាភិបាលជុំវិញការស្លាប់របស់ម្តាយតារាចម្រៀងរូបនេះ។
គួរបញ្ជាក់ថា ម្ដាយរបស់ កញ្ញា វី ឌីណែត ត្រូវបានបញ្ជូនទៅសម្រាកព្យាបាលនៅសណ្ឋាគារ The Great Duke បន្ទាប់ពីរកឃើញថា មានវិជ្ជមានកូវីដ១៩។ ក្នុងពេលសម្រាកព្យាបាល ស្ថានភាពជំងឺម្តាយរបស់នាងកាន់តែធ្ងន់ធ្ងរខ្លាំង ហើយត្រូវបានក្រុមគ្រូពេទ្យបញ្ជូនទៅសង្គ្រោះបន្ទាន់។
តាមប្រភពពីកញ្ញាវី ឌីណែត ម្តាយរបស់នាងដែលស្លាប់ក្រោយឆ្លងកូវីដ ក៏មានជំងឺប្រចាំកាយផងដែរ។ ក្រៅពីនាង វី ឌីណែត និងម្តាយឆ្លងកូវីដ ១៩ លោកហួរ ឡាវី តារាចម្រៀងជើងចាស់និងជាឪពុករបស់តារាចម្រៀងរូបនេះ ការធ្វើតេស្តសំណាកលើកដំបូង ទទួលលទ្ធផលអវិជ្ជមាន ប៉ុន្តែគ្រូពេទ្យនៅបន្តតាមដានបន្តទៀត។
កម្ពុជាបានប្រកាសករណីស្លាប់លើកដំបូងដោយជំងឺកូវីដ លើបុរសជនជាតិខ្មែរម្នាក់ដែលជាអ្នកបើកបរឱ្យថៅកែជាជនជាតិចិន នៅខេត្តព្រះសីហនុ។ នេះជាករណីស្លាប់លើកដំបូងនៅកម្ពុជា ចាប់តាំងពីជំងឺនេះបានឆ្លងនៅក្នុងប្រទេសកាលពីដើមឆ្នាំ២០២០។
ជនរងគ្រោះមានអាយុ៥០ឆ្នាំ បានស្លាប់ដោយសារជំងឺកូវីដ-១៩ នៅមន្ទីរពេទ្យមិត្តភាពខ្មែរសូវៀត នៅថ្ងៃទី១១ ខែមីនា ឆ្នាំ២០២១ នៅវេលាម៉ោង១០និង៤០នាទីព្រឹក។ បុរសដែលស្លាប់នេះរស់នៅសង្កាត់ចាក់អង្រែ ខណ្ឌមានជ័យ រាជធានីភ្នំពេញ បានឃើញឆ្លងជំងឺកូវីដ-១៩ កាលពីថ្ងៃទី២៧ ខែកុម្ភៈ ឆ្នាំ២០២១ កន្លងមក៕
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ