ព័ត៌មានជាតិ

ពលរដ្ឋរីករាយ និងត្រៀមខ្លួនពីចម្ងាយសម្រាប់ការចូលរួមសង្ក្រាន្តវត្តភ្នំ នាពេលខាងមុខ ក្រោមម្លប់សន្តិភាព

បានផុស

១ year មុន

នៅ

ថ្ងៃពុធ ២៦ មីនា ២០២៥

ដោយ

គិតត្រឹមថ្ងៃទី ២៦ ខែមីនា ឆ្នាំ ២០២៥ នេះ អាជ្ញាធររាជធានី និងមន្ត្រី នៃមន្ទីរជំនាញពាក់ព័ន្ធ បានកំពុងបន្តការយកចិត្តទុកដាក់ក្នុងការរៀបចំដំឡើងបដា , ស្តង់ប្រពៃណី និងសោភណភាពផ្សេងៗ ទាក់ទងនឹងការប្រារព្ធសង្ក្រាន្តក្នុងពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងខិតចូលមកដល់នាពេលខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពទូទៅនាតំបន់រមណីយដ្ឋានប្រវត្តិសាស្ត្រវត្តភ្នំ មានប្រជាពលរដ្ឋ សិស្ស-និស្សិតជាច្រើន បានបន្តទៅដើរលេងកម្សាន្ត និងទស្សនាពីការរៀបចំតុបតែងលម្អរបស់ក្រុមអាជ្ញាធរផងដែរ។

ប្រជាពលរដ្ឋបានលើកឡើងថា ត្បិតចូលឆ្នាំខ្មែរមិនទាន់មកដល់ក៏ពិតមែន ប៉ុន្តែបន្ទាប់ពីមើលឃើញពីការរៀបចំត្រៀមលក្ខណៈរបស់អាជ្ញាធរបណ្តើរៗ ហើយនោះ ពួកគាត់មានអារម្មណ៍រំភើបរីករាយ រំពឹងចង់ឱ្យថ្ងៃសង្ក្រាន្តចូលមកដល់ ដើម្បីអាចចូលរួមលេងកម្សាន្តសប្បាយជាមួយប្រជាពលរដ្ឋមកពីគ្រប់ទិសទី ក្រោមម្លប់ នៃសុខសន្តិភាពពេញលេញរបស់ប្រទេសជាតិ។

សិស្ស-និស្សិត ដែលទំនេរពីម៉ោងសិក្សា បានមកលេងកម្សាន្តតំបន់រមណីយដ្ឋានប្រវត្តិសាស្ត្រវត្តភ្នំ បានលើកឡើងផងដែរថា ជាក់ស្ដែងនៅព្រឹកថ្ងៃទី ២៦ ខែមីនា ឆ្នាំ ២០២៥ នេះ សង្កេតឃើញមានការរៀបចំខ្លោងទ្វារសង្ក្រាន្តវត្តភ្នំ និងការរៀបចំផ្សេងៗ ទៀតជាច្រើន លេងកម្សាន្តសប្បាយរីករាយ។