ព័ត៌មានជាតិ
ម្ចាស់មេដាយស៊ីហ្គេម៣គ្រឿងផ្នែកជឺជីតស៊ូ តាំងចិត្តដណ្ដើមមេដាយជាថ្មីនៅឯប្រទេសហ្សកដានី
ជើងខ្លាំងផ្នែកជឺជីតស៊ូ របស់កម្ពុជាដែលធ្លាប់ឈ្នះមេដាយរហូត ៣គ្រឿងកាលស៊ីហ្គេម ២០២៣ កីឡាករ គង់ ម៉ូណាមិថុរ៉ា តាំងចិត្តខ្ពស់ក្នុងការដណ្ដើមមេដាយជូនកម្ពុជាជាថ្មីនៅក្នុងការប្រកួតជ្រើសរើសជើងឯកអាស៊ី ឯប្រទេសហ្សកដានី។
កីឡាករ គង់ ម៉ូណាមិថុរ៉ា
កីឡាករ គង់ ម៉ូណាមិថុរ៉ា ជម្រើសជាតិផ្នែកកីឡាជឺជីតស៊ូកម្ពុជា បានឲ្យដឹងថា ការហ្វឹកហាត់ត្រៀមសម្រាប់ការប្រកួតជើងឯកអាស៊ី លើកទី៩ នៅឯប្រទេសហ្សកដានីនេះប្រហែល ២-៣ខែ។ ដោយសារតែមានការផ្លាស់ប្ដូរដៃគូថ្មី ដូច្នេះការហ្វឹកហាត់ក៏មានការប្រែប្រួលខ្លះៗផងដែរ យ៉ាងណារូបគេនឹងខំប្រឹងឲ្យអស់ពីសមត្ថភាពនៅថ្ងៃប្រកួតចាប់ពីស្អែកនេះទៅ។ ចំណែកផ្នែកវិញ្ញាសា គូបុរស-នារី រូបគេហ្វឹកហាត់បានប្រហែល ៥ខែមកហើយ។
ក្រុមជឺជីតស៊ូ ពេលចេញទៅហ្សកដានី
តាមរយៈឆ្លងកាត់បទពិសោធក្នុងព្រឹត្តិការណ៍អាស៊ីនេះ២លើកកន្លងទៅហើយធ្វើឲ្យរូបគេមានបទពិសោធច្រើនអំពីការប្រកួតនេះ និងសង្ឃឹមខ្ពស់លើវិញ្ញាសាគូបុរស ថាអាចនឹងធ្វើបានល្អខ្លាំង ឬឈានដល់កម្រិតមេដាយសំខាន់ផងដែរ។ រូបគេតាំងចិត្តនឹងខំប្រឹងប្រែងឲ្យអស់ពីសមត្ថភាពដើម្បីស្វែងរកមេដាយជូនជាតិមាតុភូមិជាថ្មីក្នុងព្រឹត្តិការណ៍លំដាប់អាស៊ីនេះ។
កីឡាករ គង់ ម៉ូណាមិថុរ៉ា ឈ្នះមេដាយស៊ីហ្គេម
បញ្ជាក់ដែរថា ឥលូវប្រតិភូ គ្រូបង្វឹក មន្ត្រីបច្ចេកទេស កីឡាករ កីឡាការិនីជឺជីតស៊ូ សរុប ៩នាក់បានទៅដល់ប្រទេសហ្សកដានីហើយ និងកំពុងហ្វឹកហាត់ត្រៀមខ្លួនប្រកួតចាប់ពីថ្ងៃស្អែកនេះទៅ។ លោក គង់ ម៉ូណាមិថុរ៉ា ជាកីឡាករឆ្នើមរបស់កម្ពុជាលើប្រភេទកីឡាជឺជីតស៊ូនេះដោយធ្លាប់មេដាយមាស២ ប្រាក់១ នៅស៊ីហ្គេម លើកទី៣២ ឆ្នាំ២០២៣ នៅកម្ពុជា៕
អត្ថបទដោយ៖ នួន ស៊ីណា
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៥ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ