នយោបាយ
បក្សយុវជនកម្ពុជា ប្រកាសដាក់ចេញគោលនយោបាយ ត្រៀមការបោះឆ្នោតជ្រើសរើស ក្រុមប្រឹក្សាឃុំ-សង្កាត់
គណបក្សយុវជនកម្ពុជា នៅព្រឹកថ្ងៃទី ២១ ខែធ្នូ ឆ្នាំ ២០២១ បានរៀបចំសន្និសីទសារព័ត៌មាន អំពីការដាក់ចេញគោលនយោបាយ ត្រៀមការបោះឆ្នោតជ្រើសរើស ក្រុមប្រឹក្សាឃុំ-សង្កាត់ អាណត្តិទី ៥ ឆ្នាំ ២០២២។ សន្និសីទសារព័ត៌មាននេះ ធ្វើឡើងក្រោមអធិបតីភាពលោក ពេជ្រ ស្រស់ ប្រធានគណបក្សយុវជនកម្ពុជា។
លោក ពេជ្រ ស្រស់ បានថ្លែងថា ការដាក់ចេញនូវគោលនយោបាយនេះ គឺបានមកពីកម្រងសំណួរស្ទង់មតិ ពីសំណាក់ប្រជាពលរដ្ឋអំពីភាពចាំបាច់ និងតម្រូវការរបស់ពួកគាត់ ដែលរស់នៅតាមមូលដ្ឋានឃុំ-សង្កាត់ កាលពីពេលថ្មីៗនេះ។
គោលនយោបាយឃុំ-សង្កាត់ឆ្នាំ ២០២២ របស់គណបក្សយុវជនកម្ពុជា មានចំនួន ៧ចំណុចរួមមាន៖
ទី១. បើកវេទិកាសាធារណៈរៀងរាល់មួយខែម្ដង ជាមួយប្រជាពលរដ្ឋ ដើម្បីដោះស្រាយបញ្ហានានា នៅក្នុងមូលដ្ឋានឃុំ-សង្កាត់។
ទី២. បោសសំអាតការចរាចរ និងការប្រើប្រាស់គ្រឿងញៀន នៅតាមមូលដ្ឋានឃុំ-សង្កាត់។
ទី៣. ទិញរថយន្តពេទ្យសង្គ្រោះបន្ទាន់ ដឹកពលរដ្ឋមានជំងឺ នៅក្នុងមូលដ្ឋានឃុំ-សង្កាត់ បញ្ជូនទៅមន្ទីរពេទ្យ ដោយមិនគិតថ្លៃ។
ទី៤. ចាស់ៗ គ្មានទីពឹងចាប់ពីអាយុ ៦០ឆ្នាំឡើងទៅ ទទួលបានប្រាក់ឧបត្ថម្ភ ១០ម៉ឺនរៀលក្នុងម្នាក់ជារៀងរាល់ខែ និងទទួលបានការថែទាំពីរដ្ឋបាលឃុំ-សង្កាត់។
ទី៥. ពង្រឹងការផលិតវិស័យកសិកម្ម ដើម្បីទទួលបានទីផ្សារឲ្យមានតម្លៃខ្ពស់។
ទី៦. បើកវគ្គបណ្ដុះបណ្ដាលពហុជំនាញ ដល់យុវជន ដែលបោះបង់ការសិក្សានៅក្នុងមូលដ្ឋានឃុំ-សង្កាត់ ឲ្យមានមុខរបរចិញ្ចឹមជីវិតច្បាស់លាស់។
ទី៧. បង្កើតថវិកា ៦០ម៉ឺនដុល្លារអភិវឌ្ឍឃុំ-សង្កាត់ ក្នុងមួយឆ្នាំ និងពង្រឹងការប្រើប្រាស់ថវិកាឲ្យមានតម្លាភាព ដើម្បីពន្លឿនការអភិវឌ្ឍហេដ្ឋារចនាសម្ព័ន្ធ នៅក្នុងមូលដ្ឋានឃុំ-សង្កាត់៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង