នយោបាយ
បណ្ឌិត ដៀប សុផល អះអាងថាពិភពលោកកំពុងវិលត្រឡប់ទៅរកសង្គ្រាមត្រជាក់បែបថ្មីមួយ
សាស្ត្រាចារ្យស្រាវជ្រាវផ្នែកប្រវត្តិសាស្ត្រ លោកបណ្ឌិត ដៀប សុផល បានលើកឡើងក្នុងកិច្ចពិភាក្សាតុមូលរបស់រាជបណ្ឌិត្យសភាកម្ពុជាកាលពីសប្តាហ៍មុនថា សណ្តាប់ធ្នាប់បច្ចុប្បន្នរបស់ពិភពលោកទាំងមូល កំពុងតែវិលត្រឡប់ទៅរកនូវរូបភាពសង្គ្រាមត្រជាក់បែបថ្មីមួយ ដែលមានតួនាទីបម្រើប្រយោជន៍សេដ្ឋកិច្ចជាធំ និងបង្កើតនូវប្លុកប្រឈមមុខដាក់គ្នាដូចសង្គ្រាមត្រជាក់កាលពីអតីតកាលអ៊ីចឹង។
លោកបណ្ឌិត ដៀប សុផល អះអាងបែបនេះ បន្ទាប់ពីមានសង្គ្រាមរ៉ាំរ៉ៃរវាងប្រទេសរុស្ស៊ី និងអ៊ុយក្រែន៨ខែមកហើយ ដោយមិនមានឃើញនូវផ្លូវឆ្ពោះទៅរកការធ្វើកិច្ចចរចា ដើម្បីសន្តិភាពឡើយ រហូតមានទស្សនៈជាច្រើនបានដាក់ការសង្ស័យថា តើសង្គ្រាមរវាងប្រទេសទាំង២នេះ អាចឈានដល់ការប្រើប្រាស់នូវអាវុធនុយក្លេអ៊ែរឬទេ? ក្នុងករណីនេះ ក៏មិនមាននរណាម្នាក់អាចប៉ាន់ប្រមាណដឹងបានឡើយ។
លោកបណ្ឌិត ដៀប សុផល បានមានប្រសាសន៍ថា ឥរិយាបថរបស់ប្រធានាធិបតីរុស្ស៊ី គឺលោក ពូទីន មិនអាចមើលធ្លុះឡើយថា តើលោកជ្រើសរើសយកការប្រើប្រាស់អាវុធប្រល័យលោកឬអត់? លោកបណ្ឌិតថា អាវុធនុយក្លេអ៊ែរមិនមែនប្រើប្រាស់សម្រាប់បញ្ចប់សង្គ្រាមក្នុងប្រទេសនីមួយៗឡើយ ប៉ុន្តែ គេប្រើប្រាស់អាវុធប្រល័យលោកនេះ ក្នុងការធ្វើនយោបាយ ដោយគ្មានអ្នកឈ្នះ ហើយក៏គ្មានអ្នកចាញ់ ក្រោយពីមានប្រវត្តិសាស្ត្រធ្លាប់ប្រើអាវុធនេះកន្លងមក។ មួយវិញទៀត អាវុធនុយក្លេអ៊ែរ ក្លាយជាឧបករណ៍នយោបាយមួយដ៏ខ្លាំងក្លាបំផុត ក្នុងឆាកនយោបាយបច្ចុប្បន្ន ដើម្បីឲ្យប្រទេសមួយចំនួន អាចការពារនូវមុខមាត់ អំណាច និងតួនាទី របស់ខ្លួនលើឆាកអន្តរជាតិបាន។ ហេតុដូច្នេះហើយ ទើបប្រទេសមួយចំនួនដូចជា ប្រទេសកូរ៉េខាងជើង ប្រទេសប៉ាគីស្ថាន និងប្រទេសផ្សេងទៀត ខិតខំប្រឹងប្រែងបង្កើតនូវអាវុធនុយក្លែអែរ រហូតដល់ធ្លាក់ខ្លួនក្លាយជាប្រទេសក្រីក្រ ក៏មិនបោះបង់ការផលិតអាវុធនេះដែរ៕
ដោយ៖ អុន ស្រីមាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង