នយោបាយ
សម្ដេចតេជោ ហ៊ុន សែន បញ្ជាក់ថា គណបក្សប្រជាជនកម្ពុជា មិនពាក់ព័ន្ធនឹងការសម្រេចរបស់ គ.ជ.ប ឡើយ
នៅព្រឹកថ្ងៃពុធនេះ សម្ដេចតេជោ ហ៊ុន សែន បានបញ្ជាក់ថា គណបក្សប្រជាជនកម្ពុជា មិនជាប់ពាក់ព័ន្ធនឹងសេចក្ដីសម្រេចនានារបស់គណៈកម្មាធិការជាតិរៀបចំការបោះឆ្នោត (គ.ជ.ប) និងក្រុមប្រឹក្សាធម្មនុញ្ញឡើយ។

ការបញ្ជាក់របស់សម្ដេចតេជោ ហ៊ុន សែន បែបនេះ គឺធ្វើឡើងក្រោយក្រុមបុគ្គលនៅក្រៅប្រទេសមួយចំនួន បានចោទមកលើគណបក្សប្រជាជនកម្ពុជា ក៏ដូចជាសម្ដេច ថា ជាអ្នកនៅពីក្រោយការសម្រេចរបស់ស្ថាប័ន គ.ជ.ប និងក្រុមប្រឹក្សាធម្មនុញ្ញ ដើម្បីរារាំងមិនឲ្យគណបក្សភ្លើងទៀន អាចចូលរួមការបោះឆ្នោតជ្រើសតាំង តំណាងរាស្ត្រ ឆ្នាំ ២០២៣នេះបាន។
ឆ្លើយតបនឹងការចោទប្រកាន់នេះ សម្ដេចតេជោ ហ៊ុន សែន បានបញ្ជាក់យ៉ាងដូច្នេះថា «កម្ពុជាមានច្បាប់ មានទម្លាប់ ហើយគណបក្សប្រជាជន គឺជាគូប្រកួតមួយ គ្មានចំណងទាក់ទងអ្វីជាមួយនឹងការសម្រេចរបស់ គ.ជ.ប ឬក្រុមប្រឹក្សាធម្មនុញ្ញទេ»។
ក្នុងពិធីសម្ពោធដាក់ឲ្យប្រើប្រាស់ស្ពាននៅតំបន់ឫស្សីកែវ នៅថ្ងៃទី ៣១ ខែឧសភានេះ សម្ដេចតេជោ ហ៊ុន សែន បានបញ្ជាក់បន្ថែមថា រាជរដ្ឋាភិបាលកម្ពុជា ក៏មិនអាចទៅបញ្ជា ឬត្រួតត្រាទៅលើស្ថាប័នឯករាជ្យរបស់ជាតិ ដែលមានគណៈកម្មាធិការជាតិរៀបចំការបោះឆ្នោត និងក្រុមប្រឹក្សាធម្មនុញ្ញ បានដែរ។
តែយ៉ាងណាមិញ សម្ដេចតេជោ ហ៊ុន សែន ក៏បានព្រមានទុកជាមុន នឹងចាត់វិធានការច្បាប់ជាធរមានចំពោះបុគ្គល ឬក្រុមទាំងឡាយណា ដែលហ៊ានប្រមូលផ្ដុំកម្លាំងធ្វើបាតុកម្មតវ៉ានៅកម្ពុជា នាពេលខាងមុខ។ សម្ដេចតេជោ ហ៊ុន សែន បានបញ្ជាក់ថា ក្នុងនាមជាប្រមុខរាជរដ្ឋាភិបាលកម្ពុជា សម្ដេច មានកាតព្វកិច្ចធានារក្សា ការពារសន្តិសុខ សណ្ដាប់ធ្នាប់ និងស្ថេរភាពសង្គម ហើយបើក្នុងករណីមានបុគ្គល ឬក្រុមណា ចង់បង្កភាពរញ៉េរញ៉ៃហើយប៉ះពាល់ដល់សន្តិសុខ សណ្ដាប់ធ្នាប់ជាតិ នោះសម្ដេចមិនលើកលែងឲ្យជាដាច់ខាត៕
ដោយ៖ ធឿន វ៉ាន់សុង

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ