អាជីព

ភាពជាអ្នកដឹកនាំ ៖ ហេតុអ្វីខ្ញុំមិនដែលមានបុគ្គលិកស្មោះត្រង់នឹងគេ?

បានផុស

៦ years មុន

នៅ

ថ្ងៃព្រហស្បតិ៍ ៧ មករា ២០២១

ដោយ

ការធ្វើជាអ្នកដឹកនាំ បើស្រួលរបៀបជាចៅហ្វាយ ចេះតែខាងពាក់អាវធំ ឡើងទំព័រកាសែតជាបុគ្គលជោគជ័យ ហើយចេះតែចង្អុលបញ្ជានោះ អ្នកណាក៏ធ្វើបានដែរ។

ការពិតវិញ ព្រោះមនុស្សប្រកាន់ចរិតជាចៅហ្វាយមិនងាយជោគជ័យហ្នឹងហើយ បានជាពិភពលោកងាកមកចង់បានរបៀបជាមេដឹកនាំវិញ គឺតំណាងអំពីការទាញមនុស្សមួយក្រុម ឲ្យដើរតាមខ្លួនដោយសុទ្ធចិត្តទៅរកគោលដៅ តម្កល់ការគោរពធំជាងការបង្ខិតបង្ខំ។

ចុះហេតុអ្វីខ្ញុំមិនដែលមានបុគ្គលិកស្មោះត្រង់នឹងគេ?

មុនស្វែងរកបានចម្លើយ គ្រប់គ្នាត្រូវសាកល្បងបំពេញសំណួរទាំង៥នេះសិន៖

សំណួរទីមួយ តើអង្គភាពលោកលោកស្រីពោរពេញដោយវប្បធម៌ស្ដីបន្ទោសដែរអត់?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ពាធការងារអាចបង្កើតទម្លាប់បន្លំឬកុហក បោកប្រាស់ ព្រោះអ្វី ព្រោះនៅពេលនិយោជិកមានអារម្មណ៍ថា រងការគំរាមកំហែង ស្ដីបន្ទោសជានិច្ច គេខ្លាចបាត់បង់ការងារ ប្រាក់ខែល្អ ជួបហានិភ័យបាត់តំណែង ពួកគេនឹងចេះល្បិចកលដោយខ្លួនឯងទោះពីមុនមក ជាមនុស្សល្អយ៉ាងណាក្តី។

សំណួរទីពីរ យកមនុស្សមិនមានសមត្ថភាពមកបំពេញតួនាទីធំ

នេះជាការពិត និយោជិកតួនាទីល្អដែលមានអារម្មណ៍ថាពួកគេមិនអាចបំពេញតាមការរំពឹងទុកផ្សេងៗបាន ក៏ជាហេតុនាំឲ្យមានអាកប្បកិរិយាលេងល្បិច ផ្តោតលើការធ្វើអ្វីដែលមានតែប្រយោជន៍ដល់ពួកគេទោះបីជាវាបង្កអន្តរាយដល់អ្នកដទៃក៏ដោយ។

សំណួរទីបី តើមានវប្បធម៌ជជីករឿងមិនបានការតូចល្អិតដែរទេ?

ប្រសិនអ្នកដឹកនាំបង្កើតសេចក្តីរាយការណ៍យកបុងដូចលើកទឹកចិត្តឲ្យមានវប្បធម៌រាយការណ៍ជាជាងសាច់ការ។ ប្រសិនអ្នកព្រមស្តាប់មនុស្សម្នាក់និយាយមិនល្អពីមនុស្សម្នាក់ទៀតអ្នកកំពុងគាំទ្របុគ្គលិកចោលម្សៀត ឬបង្កើតបរិយាកាសអេបអប និងមិនការប្រឆាំងនិងការងារធំដុំ។ នេះហើយ យើងខ្លួនឯងកំពុងលើកទឹកចិត្តឲ្យមនុស្សលែងស្មោះ។ កុំច្រលំថា បុគ្គលិកដែលមករាយការណ៍ ជាមនុស្សស្មោះត្រង់ ព្រោះតាមពិត ពួកគេហ្នឹងហើយដែលជាមនុស្សមាក់ងាយយើងហើយគិតថា យើងនេះត្រចៀកស្រាលនិងរាយមាយ ពូកែស្ដាប់ពាក្យចាក់ចុចបានគេហ៊ានមករាយការណ៍។

សំណួរទីបួនមានវប្បធម៌បក្សពួកនិយមដែរទេ?

ឲ្យតែមានមនុស្សជំនិតមកធ្វើការក្នុងក្រុមមួយ គ្រប់យ៉ាងលែងស្មោះត្រង់ទៀតហើយ។ មនុស្សជំនាញត្រូវការបរិយាកាសការងារ ដែលស្មោះស ចំណែកមនុស្សអែបអបត្រូវការបរិយាកាសល្បិចកលធូររលង់។

សំណួរទីប្រាំ មានវប្បធម៌អាត្មានិយមដែរទេ?

អ្នកជំនាញនិយាយថា រង្វាស់នៃអាកប្បកិរិយាបោកប្រាស់នៅកន្លែងធ្វើការ តាមរយៈការស្ទង់មតិទូទាំងអាមេរិកឆ្នាំំ២០១៨ ដែលបានសាកសួរលើអ្នកចូលរួមជាច្រើនបានអះអាងថា មិនគួរមានគម្លាតខ្លាំងពេករវាងស្ថានភាពរស់នៅនៃបុគ្គលិកពីម្នាក់ទៅម្នាក់ទេ ក្នុងមុខងារតំណែងដូចគ្នាឬចំណេះជំនាញប្រហាក់ប្រហែលគ្នា ព្រោះពួកគេ នឹងមានការប្រៀបធៀបដែលបណ្តាលឲ្យលែងធ្វើ់ឲ្យមានស្មារតីការងារជាក្រុមរលូនល្អ។

ចាំជានិច្ចថា ជីវិតការងារ ប្រៀបដូចជាកីឡាជាក្រុម

ដើម្បីទទួលបានគំនិតខ្លះអំពីតម្លៃនៃកិច្ចសហការនៅកន្លែងធ្វើការ សូមពិចារណាលើក្រុមកីឡាយើងថា ចង់ឈ្នះការលេងបាល់បោះ អ្នកបោះបាល់និងអ្នកលេងទាំងអស់ត្រូវពូកែក្នុងតួនាទីរបស់ពួកគេរៀងៗ។

តម្លៃនៃការងារជាក្រុមត្រូវបានទទួលស្គាល់ដោយអ្នកលេងទាំងអស់ទើបទៅរួច នៅពេលដែលពួកគេធ្វើការរួមគ្នាឆ្ពោះទៅរកលទ្ធផលធំមួយ។ ជាគោលដៅរួមរបស់ក្រុមក្នុងការឈ្នះការប្រកួតឮ អាចជំនៈទៅរួច តម្រូវឲ្យមានការទទួលស្គាល់និងកោតសរសើរពីគុណតម្លៃនៃការងារម្នាក់ៗ ព្រមទទួលស្គាល់ថា អ្នកណាក៏សំខាន់ដែរ៕

ប្រែសម្រួល ៖ សុភា

ប្រភព ៖ roberthalf

ចុចអាន៖ចរិតមេដឹកនាំដែលអាចញាំងឲ្យក្រុមការងាររឹងមាំ និងជោគជ័យរួមគ្នាបាន

ចុចអាន៖មូលហេតុដែលមិនគួរយកមិត្តភក្ដិ មកចូលធ្វើការជាមួយ ឬមកជាកូនចៅ