អាជីព

៣វិធី រកប្រាក់ចំណូលបន្ថែមតាមអ៊ីនធឺណិតយ៉ាងងាយស្រួល

បានផុស

២ years មុន

នៅ

ថ្ងៃអង្គារ ១៩ កញ្ញា ២០២៣

ដោយ

តាមពិតយើងសុទ្ធតែអាចរកប្រាក់ចំណូលបន្ថែមតាមរយៈការងារក្រៅម៉ោងផ្សេងៗ ខណៈដែលតាមរយៈប្រព័ន្ធអ៊ីនធឺណិត គឺជាវេទិកាអនឡាញ ដែលយើងមើលរំលងមកជាយូរ។ នៅលើវេទិកាអនឡាញ យើងក៏អាចលក់អ្វីដែលជាកម្មសិទ្ធរបស់យើង មិនថាជាជំនាញសរសេរ អាន ឬបង្រៀនជាឃ្លិបវីដេអូនោះទេ។

ខាងក្រោមនេះ គឺជាវិធី៣យ៉ាងងាយៗ គ្រាន់តែចេះឲ្យប្រាកដនិងមានជំនាញច្បាស់លាស់ គឺរកលុយតាមអនឡាញបានហើយ។

១ សរសេរអត្ថបទដើម្បីបង្កើតប្រាក់ចំណូល

វិធីសាស្រ្តនេះគឺជាវិធីល្អមួយ ក្រៅពីអាជីពប្រចាំថ្ងៃរបស់យើង ក៏អាចរកចំណូលពីខាងក្រៅនៅពេលណាទំនេរពីកិច្ចការងារ។ ការសរសេរអត្ថបទផ្សេងៗមិនងថាជាវាជាព័ត៌មាន រឿងកំប្លែង ឬរឿងរ៉ាវផ្សេងៗ តាមរយៈគេហទំព័រនានាដោយអ្នកគ្រាន់តែបង្ហោះអ្វីដែលគួរឲ្យចាប់អារម្មណ៍ និងកំពុងក្លាយជាចំណាប់អារម្មណ៍របស់មនុស្ស អ្នកអាចរកប្រាក់បានយ៉ាងងាយស្រួល។

២ លក់រូបថតតាមអ៊ីនធឺណិត

យើងអាចនាំយករូបថតរបស់យើង។ ថាតើមកពីកាមេរ៉ាឌីជីថល ឬពីទូរសព្ទដៃដែលយើងមាន អាចត្រូវបានលក់នៅលើគេហទំព័រទាំងនេះ ដូចជា Shutterstock, Adobe Stock, iStockphoto ជាដើម (រូបភាពសម្រាប់លក់គួរតែជារូបភាពដែលយើងថតដោយខ្លួនឯង និងមានគុណភាពបង្ហាញខ្ពស់ ច្បាស់ល្អ មិនព្រិល )។

៣ លក់វគ្គសិក្សាតាមអ៊ីនធឺណិត

វិធីសាស្ត្រនេះគឺសមរម្យសម្រាប់អ្នកដែលមានជំនាញក្នុងមុខវិជ្ជាជាក់លាក់មួយ។ អ្នកអាចប្រើចំណេះដឹងរបស់អ្នកដើម្បីបង្កើតវីដេអូបង្រៀន និងលក់វគ្គសិក្សាទាំងនោះតាមប្រព័ន្ធផ្សព្វផ្សាយសង្គមដែលយើងប្រើប្រាស់ជាប្រចាំ។ ឧទាហរណ៍ដូចជាការបង្រៀនពីរបៀបប្រើប្រាស់កម្មវិធីផ្សេងៗ ឬបង្រៀនពីរបៀបដាំបន្លែប្រភេទផ្សេងៗដើម្បីទទួលបានទិន្នផលល្អ។ល។

យាងណាមិញ យើងខ្ញុំក៏សង្ឃឹមថាខ្លឹមសារខាងលើនឹងមានប្រយោជន៍សម្រាប់អ្នកដែលកំពុងស្វែងរកវិធីបង្កើតប្រាក់ចំណូលបន្ថែមតាមរយៈបណ្តាញអនឡាញផងដែរ។ អ្វីក៏ដោយឲ្យអ្នកមានជំនាញច្បាស់លាស់ប្រាកដណាស់សម័យនេះមិនខ្វះទេការងារដែលរង់ចាំយើងជាម្ចាស់លើវា។ ដូចពាក្យចាស់តែងពោលថា ចេះប្រាកដប្រាក់រត់តាមខ្លួន៕