ក្មេងប្រុសពីរនាក់ត្រូវផ្គររន្ទះបាញ់សម្លាប់បណ្ដាលឲ្យបាត់បង់ជីវិតភ្លាមៗ ខណៈជនរងគ្រោះទាំងពីរកំពុងភ្ជួរស្រែ។

ករណីបាតុភូតគ្រោះធម្មជាតិនេះ បានកើតឡើងកាលពីវេលាម៉ោង១៦និង០០នាទីល្ងាច ថ្ងៃទី១៩ ខែមិថុនា ឆ្នាំ២០២២ នៅចំណុចស្រែត្រែង ក្នុងភូមិព្រាំង ឃុំដងពែង ស្រុកស្រែអំបិល ខេត្តកោះកុង ។

របាយការណ៍សមត្ថកិច្ចបានឲ្យដឹងថា ជនរងគ្រោះមានឈ្មោះ បូ សំណាង ភេទប្រុស អាយុ១៤ឆ្នាំ ជនជាតិខ្មែរ បុខរបរសិស្ស។ ឈ្មោះ រតនះ ភេទប្រុស អាយុ១១ឆ្នាំ ជនជាតិខ្មែរ មុខរបរសិស្ស អ្នកទាំងពីររស់នៅភូមិឃុំខាងលើ ។

តាមការបំភ្លីរបស់ម្តាយសពបានបញ្ជាក់ថា កូននិងក្មួយរបស់គាត់បានទៅជួយភ្ជួរស្រែ ខណៈមានភ្លៀងលាយផ្គររន្ទ:ហើយក៏ត្រូវរន្ទះបាញ់ពួកគេទាំំងពីរបណ្តាលអោយស្លាប់ភ្លាមៗនៅនឹងកន្លែងកើតហេតុ។

ក្រោយកើតហេតុ សមត្ថកិច្ចបានចុះពិនិត្យសពជនរងគ្រោះ និងបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕