Connect with us

សន្តិសុខសង្គម

អាជ្ញាធរខេត្តព្រះសីហនុ ប្រកាសជូនថវិកា ២​លានរៀល ក្នុងករណីសង្គ្រោះបានជនរងគ្រោះម្នាក់ ខណៈកំពុងបាត់ខ្លួន ២៣ នាក់

បានផុស

នៅ

រដ្ឋបាលខេត្តព្រះសីហនុ នៅព្រឹកថ្ងៃទី២៣ ខែកញ្ញា ឆ្នាំ២០២២នេះ បានប្រកាសដល់ក្រុមជួយសង្គ្រោះ ឬទូកនេសាទទាំងអស់ ក្នុងករណីជួយសង្គ្រោះបានជនរងគ្រោះចំនួន០១នាក់ នឹងផ្តល់ជូនថវិកាលើកទឹកចិត្តចំនួន២លានរៀល ខណៈមនុស្ស១៨នាក់បានរកឃើញ និង២៣នាក់ផ្សេងទៀតកំពុងបាត់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីជូនដំណឹងរបស់រដ្ឋបាលខេត្តព្រះសីហនុ បានឲ្យដឹងថា កាលពីវេលាម៉ោង១០និង៣០​នាទីព្រឹក​ ថ្ងៃទី​២២ ខែកញ្ញា ឆ្នាំ២០២២ មានករណីលិចទូកចំនួន១គ្រឿង ស្ថិតនៅ​​ចំណុច​និយាមកាម១០.២៥N ១០៣.១៦E នៅចន្លោះពយសារឿង និងកោះតាង ក្នុងភូមិសាស្រ្តខេត្តព្រះសីហនុ។​ បន្ទាប់ពីទទួលបានព័ត៌មាន កម្លាំងនាយកដ្ឋាននគរបាលការពារព្រំដែនទឹកបានដឹកនាំកម្លាំងអង្គភាពបង្រ្កាប និងមធ្យោបាយចំនួន០២គ្រឿង ចេញទៅជួយសង្រ្គោះ និងសង្រ្គោះមនុស្សបានចំនួន១៨នាក់។

ក្រោយពីបានធ្វើការសាកសួរទៅលើឈ្មោះ CHENGUI SHENG ភេទប្រុស ឆ្នាំកំណើត ១៩៩៥ ស្រុកំណើត ខេត្តហ្វូចៀន ប្រទេសចិន ជាតំណាងជនរងគ្រោះ បានប្រាប់ថា នៅលើទូកមានជនជាតិចិនសរុបចំនួន ៤១នាក់ ស្រី០៣នាក់ សង្រ្គោះបាន១៨នាក់ បាត់ខ្លួនចំនួន ២៣នាក់ ស្រី០៣នាក់។ បច្ចុប្បន្នជនរងគ្រោះទាំង១៨នាក់ ត្រូវបានយកទៅរក្សាទុក នៅវរសេនាតូចលេខ២៤០ (កោះរ៉ុង) ដើម្បីធ្វើការសួរនាំ និងកំពុងស្វែងរកជនរងគ្រោះ​បាត់ខ្លួន២៣នាក់បន្តទៀត។

ជាមួយគ្នានេះកម្លាំងអង្គភាពបានធ្វើការឃាត់ទូកចំនួន ០១គ្រឿងផ្សេងទៀត មានមនុស្សចំនួន០២នាក់ជាជនជាតិខ្មែរ ដោយបានប្រគល់ជូនអធិការដ្ឋាននគរបាលក្រុងព្រះសីហនុ ខេត្តព្រះសីហនុ សួរនាំតាមនីតិវិធី ដោយឡែកទូករក្សា​ទុកនៅអង្គភាព។

សូមជម្រាបជូនថា ប្រតិបត្តិការនៃការស្វែងរកជនរងគ្រោះបាត់ខ្លួនទាំង២៣នាក់ បាននិងកំពុងធ្វើឡើងនៅផ្ទៃសមុទ្រដែលជាទីតាំងលិចទូក និងភូមិសាស្ត្រជុំវិញទីតាំងកើតហេតុ៕


Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣ នាទី មុន

អាជ្ញាធរខេត្តព្រះសីហនុ ប្រកាសជូនថវិកា ២​លានរៀល ក្នុងករណីសង្គ្រោះបានជនរងគ្រោះម្នាក់ ខណៈកំពុងបាត់ខ្លួន ២៣ នាក់

ព័ត៌មានជាតិ៤ នាទី មុន

ស្ត្រីក្នុងភាពជាអ្នកដឹកនាំ និងអភិបាលកិច្ច មានកំណើន ទាំងថ្នាក់ជាតិ និងថ្នាក់ក្រោមជាតិ

ព័ត៌មានអន្ដរជាតិ១៥ នាទី មុន

លោក ថាក់ស៊ីន និង យីងឡាក់ ប្រទះឃើញមកលេងប្រទេសជិតខាង ថៃ

ព័ត៌មានជាតិ១៥ នាទី មុន

រដ្ឋមន្ត្រីធនធានទឹក​ចុះពិនិត្យស្ថានភាពទឹក​ និងដាក់ផែនការឱ្យជួសជុលប្រព័ន្ធ​ធារាសាស្ត្រនៅតំបន់ភាគពាយព្យ​

ព័ត៌មានជាតិ២១ នាទី មុន

អាជ្ញាធរខេត្តព្រះសីហនុ ជូនដំណឹងពីករណីលិចទូក ១គ្រឿង និងបាត់ខ្លួនម​នុស្សចំនួន ២៣នាក់ ជាជនជាតិចិន

Sokha Hotels

ព័ត៌មានពេញនិយម