សន្តិសុខសង្គម
ដើមឈើ ៦ ដើម បាក់ និងកិនត្រូវរ៉ឺម៉ក ១ គ្រឿង ខណៈភ្លៀងលាយឡំខ្យល់កន្ត្រាក់កាលពីយប់មិញ
ដើមឈើ ៦ ដើម ដែលដាំអមផ្លូវព្រលានយន្តហោះអន្តរជាតិភ្នំពេញ បានដួលរលំរាបដល់ដី និងបានសង្កត់លើរ៉ឺម៉កឥណ្ឌាមួយគ្រឿង រងការខូចខាតយ៉ាងដំណំ ខណៈភ្លៀងធ្លាក់មួយមេយ៉ាងធំលាយឡំខ្យល់កន្ត្រាក់ និងផ្គររន្ទះផង។
ហេតុការណ៍នេះ បានបង្កការភ្ញាក់ផ្អើលឡើងកាលពីវេលាម៉ោងប្រមាណ ០៧:៣០ នាទីយប់ ថ្ងៃអង្គារ ទី ៤ ខែតុលា ឆ្នាំ ២០២២ ស្ថិតនៅត្រង់ចំណុចមុខខ្លោងទ្វារវត្តវិហារឃួន តាមបណ្ដោយមហាវិថីសហព័ន្ធរុស្ស៊ី ជាប់របងព្រលានយន្តហោះអន្តរជាតិភ្នំពេញ ក្នុងសង្កាត់ចោមចៅទី ៣ ខណ្ឌពោធិ៍សែនជ័យ រាជធានីភ្នំពេញ។ ម្ចាស់រ៉ឺម៉កឥណ្ឌា ឈ្មោះ ហេង គឹមសាធ ភេទប្រុស អាយុ ៣៧ ឆ្នាំ ជនជាតិខ្មែរ មានស្រុកកំណើតនៅទីរួមខេត្តកំពង់ឆ្នាំង បើករ៉ឺម៉កឥណ្ឌា ពណ៌ស ពាក់ស្លាកលេខកំពង់ឆ្នាំង 1J-9327 ។
បើតាមសម្ដីរៀបរាប់របស់ម្ចាស់រ៉ឺម៉កបានប្រាប់ឱ្យដឹងថា ដំបូងឡើយគាត់បើករ៉ឺម៉កតាមបណ្ដោយផ្លូវសហព័ន្ធរុស្ស៊ីពីលិចទៅកើតក្នុងល្បឿនយឺតៗ ខណៈមេឃកំពុងភ្លៀងលាយឡំដោយខ្យល់កន្ត្រាក់ នោះ ស្រាប់តែមានដើមឈើចំនួន ៦ ដើម បានបាក់រាបដល់ដី ក្នុងនោះមានដើមឈើមួយដើមបានបាក់សង្កត់មកលើរ៉ឺម៉ករបស់គាត់បណ្ដាលឱ្យគាត់ត្រូវក្បាលពកបន្តិចបន្តួច ចំណែកឯរ៉ឺម៉កវិញ គឺរងការខូចខាតផ្នែកខាងលើយ៉ាងដំណំ។
ក្រោយពីកើតហេតុ ម្ចាស់រ៉ឺម៉កបានសំណូមពរដល់សាលារាជធានីភ្នំពេញ មេត្តាជួយដោះស្រាយនូវការខូចខាតនៃរ៉ឺម៉ករបស់គាត់ផង ព្រោះឡំរ៉ឺម៉ករបស់គាត់បង់រំលស់នៅពីរឆ្នាំទៀតទើបបានដាច់ ដោយរូបគាត់ខ្វះខាតថវិកាក្នុងការជួសជុល៕
អត្ថបទ៖ ស្រីរ័ត្ន
-
ព័ត៌មានជាតិ១៣ ម៉ោង agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច៦ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៤ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៥ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៦ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម៥ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៦ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៦ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី