កីឡា
Superbon មានទំនុកចិត្តលើការជួប Petrosyan ថាខ្លួនអត់មានចំណុចខ្សោយ
អ្នកគាំទ្របានដឹងហើយថា Superbon បានឈ្នះជើងឯកកម្រិតកំពូលជានៅក្នុងអាជីពក្បាច់គុនរបស់ខ្លួនប៉ុន្តែរូបគេអាចបង្កើតកំណត់ត្រាក្នុងការផ្ដួលវីរបុរសឃីកបុកសីង និង អាចឈ្នះប្រាក់រង្វាន់ច្រើនបំផុតមួយនៅថ្ងៃសុក្រទី ១៥ ខែ តុលានេះ។
កីឡាករថៃ នឹងឡើងទៅជួបវីបុរសកូនកាត់អ៊ីតាលី-អាមេនី Giorgio “The Doctor” Petrosyan ក្នុងការបើកសម្ពោធដំណ្ដើមខ្សែក្រវាត់ឃីកបុកសីង ONE Featherweight នៅព្រឹត្តិការណ៍ ONE: FIRST STRIKE ដែលនឹងត្រូវផ្សាយផ្ទាល់ពីកីឡដ្ឋាន Singapore Indoor Stadium។

Superbon បានថ្លែងអំពីការត្រៀមខ្លួនមុនឡើងជួបវីរបុរសឃីកបុកសីងបែបនេះ «ដោយសារតែកូវីដ-១៩ វាយលុកខ្លាំងនៅបាងកក ខ្ញុំបានផ្លាស់ទៅហ្វឹកហាត់នៅក្លិប Khun Suek Muay Thai Gym នៅភាគខាងត្បូងប្រទេសថៃ។ ក្លិបនេះធំ ហើយអាចសមប្រកួតជាមួយជើងខ្លាំងៗនៅទីនោះបាន។ គ្រូរបស់ខ្ញុំ គឺ លោកគ្រូ Gae ដដែល។ តែខ្ញុំមានអតីតជើងឯកមួយថៃ Sarawut Lukbanyai និង Petcheak Sor Suwanbhakti មកជួយខ្ញុំទៀតផងក្នុងការបម្លាស់ទី និងស្នៀតផ្សេងៗ។ ដូច្នេះការហ្វឹកហាត់របស់ខ្ញុំល្អណាស់និងគ្មានបញ្ហាទេចំពោះការហ្វឹកហាត់ពីរវេននៅទីនោះ»។
កីឡាករលំដាប់លេខ២បានបន្តថា រូបគេមានស្នៀតពិសេសៗ ដើម្បីយកឈ្នះ “The Doctor” បាន ព្រោះគេបានទស្សនាការប្រកួតមុនៗរបស់គេ និងបានសិក្សាអំពីគូប្រកួតច្បាស់ណាស់។
Superbon សង្កត់ធ្ងន់ថា «ខ្ញុំអត់មានចំណុចខ្សោយនោះទេ។ ចំណុចខ្លាំងរបស់ខ្ញុំ គឺ ប្រកួតបានល្អគ្រប់ទឹក។ ដោយមានប្រវត្តិប្រកួតមួយថៃ ខ្ញុំអាចសម្របខ្លួនចំពោះក្បាច់ទាត់យ៉ាងល្អ។ ខ្ញុំមានបទពិសោធន៍ច្រើនជាងគាត់ [Petrosyan]»។
«ខ្ញុំនឹងដាក់ការគាបសង្កត់ឲ្យខ្លាំង និង រក្សាយការប្រកួតឲ្យល្អកុំឲ្យភ្លាត់។ យើងសិនមានឱកាសបញ្ចប់រូបគេ ខ្ញុំនឹងមិនអល់ឯកទេ។ ខ្ញុំនឹងធ្វើភ្លាម។ វាជាការតេស្តសមត្ថភាពរបស់យើងទាំងពីរផង។ ហើយចំណុចខ្សោយរបស់គាត់ គឺ អត់សូវចេញជង្គង់»។
គួរដឹងថា Petrosyan បច្ចុប្បន្នស្ថិតនៅលំដាប់ថ្នាក់លេខ១ក្នុងទម្ងន់ featherweight នៃប្រទេសកីឡាឃីកបុកសីង និងឡើងដល់ចំណុចល្អបំផុតក្នុងអាជីពជាមួយនឹងកំណត់ត្រាឈ្នះ ១០៤ ដង ចាញ់ ២ ដង និងស្មើ ២ ដង (លទ្ធផលមោឃៈ ២ លើក)។ គេឈ្នះជើងឯកពិភពលោកជាច្រើន និងជាជើងឯក ONE Featherweight Kickboxing World Grand Prix កាលឆ្នាំ ២០១៩។
រីឯ Superbon ដែលស្ថិតនៅលំដាប់ទី២ក្នុងប្រភេទទម្ងន់នេះ របស់ថៃមានកំណត់ត្រាល្អណាស់ដែរ ពោលឈ្នះ ១១១ ដង និងចាញ់ ៣៤ ដងប៉ុណ្ណោះ។ គេកំពុងកាន់កំណត់ត្រាឈ្នះ ១០លើកជាប់គ្នា៕


-
ព័ត៌មានអន្ដរជាតិ២៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២២ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?