Connect with us

កីឡា

ចូល​រួមគាំទ្រ​! ថ្ងៃ​នេះ​ U23​ កម្ពុជា​ ប៉ះ​ម្ចាស់​ផ្ទះ​ជប៉ុន​ប្រជែង​លេខ​១​ក្នុងពូល

បានផុស

នៅ

ក្រុម​បាល់ទាត់​ជម្រើស​ជាតិ​កម្ពុជា​អាយុ​ក្រោម​២៣​ឆ្នាំ (U23) ​ប្រឈម​នឹង​ម្ចាស់​ផ្ទះ​ U23 ជប៉ុន​ វេលា​ម៉ោង​​​​​​១១​ព្រឹក​នៅ​កម្ពុជា ថ្ងៃ​អង្គារ៍ ទី​២៦ ខែ​តុលា​នេះ​ ក្នុង​​យុទ្ធនាការណ៍​​ជម្រុះ​សន្សំ​ពិន្ទុក្នុង​ពូល​ជើង​ឯក​យុវជន​ទ្វីប​អាស៊ី​ AFC U23 Asian Cup ឆ្នាំ​២០២២។

ក្រុម​កម្ពុជា​កំពុង​ស្ថិត​នៅ​ចំណាត់​ថ្នាក់​លេខ​១​ក្នុង​ពូក K បន្ទាប់​ពី​បាន​យក​ឈ្នះ​លើ​ក្រុម​​ U23 ហុងកុង​ដោយ​លទ្ធផល ៤-២ កាល​ពី​ថ្ងៃ​ទី​២៣ ខែ​តុលា​កន្លង​ទៅ ប៉ុន្តែ​ការ​ប្រកួត​នេះ​ជាលើក​ទី​១​សម្រាប់​ជប៉ុន។

ក្រុម​ U23 កម្ពុជា
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណាប់​អារម្មណ៍​គ្រូ​បង្វឹក​

គ្រូ U23 ជប៉ុន៖ លោក Togashi Koichi បាន​លើក​ឡើង​​​ថា ៖«កម្ពុជា​មាន​កីឡាករ​ដែល​មាន​បច្ចេកទេស​ល្អ​ច្រើន។ ខ្ញុំ​គិត​ថា កម្ពុជា​ជា​ក្រុម​ល្អ​មួយ តាម​ការ​យល់​ឃើញ​របស់​ខ្ញុំ។ យ៉ាង​ណា ក្រុម​យើង​នឹង​លេង​តាម​លក្ខណៈ​ពិសេស​របស់​យើង ដែល​យើង​អាច​ប្រយុទ្ធ​ជា​មួយ​ក្រុម​តែ​មួយ​ក្នុងការ​លេង​វាយ​ប្រហារ។  យើង​នឹង​លេង​ជា​មួយ​ភាព​រីក​រាយ​សម្រាប់​ការ​ប្រកួត​អន្តរជាតិ​នេះ ទោះ​បី​ជាការ​ប្រកួត​នេះ​លេង​ក្នុង​ស្ថានភាព​លំបាក​នៃ​វិបត្តិ​កូវីដ-១៩​ក៏​ដោយ»។

គ្រូ​ U23 កម្ពុជា៖ លោក Ryu Hirose ជា​ជន​ជាតិ​ជប៉ុនបាននិយាយ​ថា ៖«ទោះ​បី​ជា​ក្រុម​ជប៉ុនមាន​កម្រិត​លើ​យើង យើង​នៅ​តែ​ឈរ​លើ​គោលការណ៍​លេង​បាល់តាម​របៀប​របស់​យើង។ លើស​ពី​នេះ យើង​ចង់​ជំនះ​ខ្លួន​ឯង​ដូច​អ្វី​ដែល​យើង​បាន​លើក​ឡើង​ខាង​លើ ទោះ​ជា​គូ​ប្រជែង​មាន​ជំនាញ​ និង​សមត្ថភាព​ខ្លាំង​យ៉ាង​ណា​ក៏​ដោយ»។

ប្រសិន​បើ​កម្ពុជាឈ្នះជប៉ុន

ការ​ប្រកួត​​នេះ​ពិត​ជា​សំខាន់​ណាស់​សម្រាប់​ក្រុម​​កម្ពុជា​ បន្ទាប់​ពី​ទទួល​បាន​៣​ពិន្ទុ​ពី​ហុងកុង។ ប្រសិន​បើ​កម្ពុជា​ទទួល​បាន​ជ័យជម្នះ​លើ​ជប៉ុន នោះ​នឹង​មាន​៦​ពិន្ទុ​ពេញ​ឈរ​លើ​កំពូល​តារាង​ហើយ​នឹង​ឡើង​ទៅ​ជុំ​​ផ្តាច់​ព្រ័ត្រ​​ឆ្នាំ​២០២២​នៅ​ប្រទេស​​​អ៊ូសបេគីស្ថាន​ជា​ម្ចាស់​ផ្ទះ​ដែល​ត្រូវ​ជ្រើស​រើស​យក​១៦​ក្រុម។

ប្រសិន​បើ​កម្ពុជា​ស្មើ​ជប៉ុន

​​ប្រសិន​បើ​កម្ពុជា​ស្មើ​វិញ​​ក៏​កម្ពុជា​អាចមាន​ឱកាស​​អ៊ុត​មើល​ក្រុម​ចំណាត់​ថ្នាក់​លេខ​២​ល្អ​បំផុត​​ក្នុង​ពូល ពីព្រោះ​រូបមន្ត​ត្រូវ​ជ្រើស​រើស​យក​ក្រុម​ចំណាត់​ថ្នាក់​លេខ​២​ល្អ​បំផុត​ក្នុង​ពូល​ចំនួន​៤​ក្រុម​ដើម្បី​ឡើង​ទៅ​ជុំ​ផ្តាច់​ព្រ័ត្រ​​ជា​មួយ​ក្រុម​ចំណាត់​ថ្នាក់​លេខ​១​ក្នុង​ពូល​ចំនួន​១១​ក្រុម និង​ម្ចាស់​ផ្ទះ​​​​អ៊ូសបេគីស្ថាន​​ឡើង​ដោយ​ស្វ័យ​ប្រវត្តិ​។

ប្រសិន​បើ​កម្ពុជា​ចាញ់​ជប៉ុន

ផ្ទុយ​ទៅ​វិញ ប្រសិន​បើ កម្ពុជា​ចាញ់​ជប៉ុន​ថ្ងៃ​នេះ​គឺ​ភាគ​រយ​តិច​ណាស់​ក្នុង​ឱកាស​ឡើង​ទៅ​ជុំ​ផ្តាច់​ព្រ័ត្រ​ពី​ចាប់​ពី​ពូល A ដល់​ K ​ដែល​មាន​ក្រុម​ខ្លាំង​ៗ​ជា​ច្រើន​ដែល​ប្រជែង​ក្រុម​ចំណាត់​ថ្នាក់​លេខ​២​ល្អ​បំផុត​ក្នុង​ពូល។ សូម​បញ្ជាក់​ថា ពូលនេះ​មាន​តែ​៣​ក្រុម​ប៉ុណ្ណោះ បន្ទាប់​ពី​កូរ៉េ​ខាង​ជើង​បាន​ដក​ខ្លួន​ចេញ។

ប្រវត្តិ​កម្ពុជា​ជួប​ជប៉ុន​ចុង​ក្រោយ

កាល​ពី​ឆ្នាំ​២០១៧ U23កម្ពុជា​បាន​ចាញ់​U23ជប៉ុន​ដោយ​លទ្ធផក ២-០ ក្នុង​​ពាន​រង្វាន់​ដដែល​​វគ្គ​ជម្រុះ​ដូច​ពេល​នេះ​​​ដែល​ពេល​នោះ​កម្ពុជា​បាន​ធ្វើ​ជា​ម្ចាស់​ផ្ទះ​ក្នុង​ពូល J ដែល​ពេល​នោះ​មាន​ជប៉ុន ចិន និង​ហ្វីលីពីន។ ឆ្លង​​ការ​ប្រកួត​៣​លើក កម្ពុជា​ស្ថិត​​នៅ​លេខ​៣​ដោយ​មាន​៤​ពិន្ទុ បន្ទាប់​ពី​ឈ្នះ​​ហ្វីលីពីន ១-០, ស្មើ​ចិន ០-០ និង​ចាញ់​ជប៉ុន ២-០។

កម្ពុជា​មិន​ទាន់​មាន​ប្រវត្តិ​ឡើង​ជុំ​ផ្តាច់​ព្រ័ត្រ

សម្រាប់​ពាន​រង្វាន់​យុវជន​ទ្វីប​អាស៊ី​ AFC U23 Asian Cup នេះ​ ក្រុម​យុវជន U23 កម្ពុជា​មិន​ធ្លាប់​​បាន​​ឡើង​ទៅ​ជុំ​ផ្តាច់​ព្រ័ត្រ​ឡើយ បន្ទាប់​ពី​ពាន​រង្វាន់​​នេះ​ត្រូវ​បាន​បង្កើត​ឡើង​ជា​ផ្លូវ​ការ​នៅ​ឆ្នាំ​២០១៣។ ប្រសិន​បើ​កម្ពុជា​បាន​ឡើង​ទៅ​ជុំ​ផ្តាច់​ព្រ័ត្រ​​លើក​នេះ​នឹង​ក្លាយ​ជា​ប្រវត្តិ​សាស្ត្រ​លើក​ដំបូង។

តារា​ពិន្ទុ​ពូល K បច្ចុប្បន្ន​

សូម​បញ្ជាក់​ថា ការ​ប្រកួត​នេះ​ផ្សាយ​ផ្ទាល់តាម​ផេក «សហព័ន្ធ​កីឡា​បាល់ទាត់​កម្ពុជា»៕

​កម្មវិធី​ប្រកួតពូល K

  • ហុងកុង vs ជប៉ុន ថ្ងៃ​ទី​២៨ ខែ​តុលា ២០២១

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២ នាទី មុន

អាជ្ញាធរស្រុកអូររាំងឪថា ចុះរៀបចំសណ្តាប់ធ្នាប់រហូត តែផ្លូវខាងក្រោយផ្សារ នៅតែចង្អៀតដដែល

ព័ត៌មានអន្ដរជាតិ១១ នាទី មុន

តើអាមេរិក ត្រូវចំណាយលុយប៉ុន្មាន ដើម្បីសង់ស្ពាននៅ Baltimore ឡើងវិញ

ព័ត៌មានជាតិ២០ នាទី មុន

កម្មករ និងសហជីព នៃរោងចក្រ អ.ជី ផ្ទុះការសរសើរពីទឹកចិត្ត និងការរៀបចំធ្វើឱ្យការបើកប្រាក់ដំណើរការរលូន

ជីវិតកម្សាន្ដ២០ នាទី មុន

Lisa ចាយលុយសុទ្ធ ទិញផ្ទះប្រណិតកណ្ដាលក្រុងសេអ៊ូល ក្នុងតម្លៃ ៥.៥ លានដុល្លារ

ព័ត៌មានអន្ដរជាតិ២៥ នាទី មុន

តុលាការ ICJ ចេញបញ្ជាឲ្យ អ៊ីស្រាអែល ចាត់វិធានការបន្ទាន់ដោះស្រាយ​គ្រោះទុរ្ភិក្សនៅ ហ្គាហ្សា

ព័ត៌មានជាតិ៦ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៤ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៤ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៥ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម