Connect with us

កីឡា

វី សុភ័ស និង ទូច ដេវីដ ឡើងវគ្គផ្ដាច់ព្រ័ត្រប្រាក់លានប្រដាល់សកល

បានផុស

នៅ

មិនមានអ្វីដូចការគិតទុកមុនថា ពេលជួបប្រកួតជម្រុះចុងក្រោយពីរប្រកួតជាប់គ្នាជាមួយម៉ាង ព្រហ្មម៉ាញ និង ទូច ដេវីដ នឹងមានភាពតានតឹងក្នុងការដណ្តើមជ័យជម្នះ ដើម្បី​ឡើងទៅ​វគ្គ​ផ្តាច់ព្រ័ត្រ​ក្នុង​កម្មវិធី​ULTIMATE BOXING CHAMPIONSHIP កាលពី​យប់​ថ្ងៃទី​១៤​វិច្ឆិកា​យប់មិញ​នោះទេ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​វី សុ​ភ័ស គឺជា​ខ្លា​១​ក្នុងចំណោម​៤​រូប​ ដែល​ដាក់​ឲ្យ​ប្រកួត​ប្រដាល់សកល​ដណ្តើម​ប្រាក់​លាន​ក្នុង​កម្មវិធី​ULTIMATE BOXING CHAMPIONSHIP គេ​បាន​វាយ​ឈ្នះ​ទាំងបី​ប្រកួត​ក្នុង​វគ្គ​ជម្រុះ ដែល​ធ្វើ​ឲ្យ​រូបគេ​បាន​ឡើងទៅ​ផ្ដាច់ព្រ័ត្រ​ ដែល​នឹង​ប្រព្រឹត្តទៅ​នា​ចុងខែ​វិច្ឆិកា​នេះ ។​

​នៅក្នុង​ការប្រកួត​ជាមួយ​ ម៉ាង ព្រហ្ម​ម៉ាញ វី សុ​ភ័ស បាន​ប្រើពេល​មិន​ដល់​ពីរ​ទឹក​ទេ ដោយ​ផ្តួល​ព្រហ្ម​ម៉ាញ​ឲ្យ​សន្លប់​ក្នុង​ទឹក​ទី​២ ហើយ​នៅពេល​ប្រកួត​១​ប្រកួត​ទៀត​ជាមួយ​ទូច ដេវីដ គេ​ក៏​ទទួលបាន​ជ័យជម្នះ​លើ​ដេវីដ ដោយ​ពិន្ទុ​ផងដែរ។ ​សុ​ភ័ស បាន​អះអាងថា “ សម្រាប់​ការប្រកួត​ពីរ​ប្រកួត​ចុងក្រោយ​នេះ គឺ​មិន​ជាមាន​បញ្ហា​តានតឹង​ទេ​សម្រាប់​ខ្លួនគេ​…​តែ​ដំបូង​គេ​គិតថា​មានការ​លំបាក​និង បារម្ភ​ដែរ ពិសេស​គឺ​បញ្ហា​កម្លាំង​ស៊ុ​ហ្វ​ ព្រោះថា​គេ​មាន​ទម្ងន់​ធំ ហើយ​ត្រូវ​សម្រក​មក​វ៉ៃ​ក្នុង​ប្រភេទ​ទម្ងន់ ៦៣,៥០០​គីឡូក្រាម​នេះ​”​។

គេ​បន្តថា “ ជា​សំណាង​ដែល​ការប្រកួត​ដំបូង​នោះ ម៉ាង ព្រហ្ម​ម៉ាញ ភ្លាត់ស្នៀត​ធ្វើ​ឲ្យ​ចូល​កណ្តាប់ដៃ​របស់​មួយ​ដៃ​យ៉ាងដំណំ ដែល​ធ្វើ​ឲ្យ​រូបគេ​មាន​ឱកាស​សម្រុកចូល​វ៉ៃ​ព្រហ្ម​ម៉ាញ រហូត​ផ្តួល​ព្រហ្ម​ម៉ាញ​ឲ្យ​សន្លប់​ក្រោក​លែងរួច​ក្នុង​ទឹក​ទី​២ ” ។​ សុ​ភ័ស និយាយថា “ ដោយសារ​ការប្រកួត​ជាមួយ​ម៉ាង ព្រហ្ម​ម៉ាញ មិនសូវ​ចំណាយ​កម្លាំង​ច្រើន នាំ​ឲ្យ​ការប្រកួត​ជាមួយ​ទូច ដេវីដ មាន​លក្ខណៈងាយស្រួល​និង​ឈ្នះ​ដោយ​ពិន្ទុ ”​។​

​សុ​ភ័ស ១​ប្រកួត​ដំបូង​របស់គេ​ទទួលបាន​ជ័យជម្នះ​លើ សែត សា​រឹត ដោយ​ពិន្ទុ ក្នុងខណៈដែល​ព្រហ្ម​ម៉ាញ​មួយ​ប្រកួត​របស់គេ​ជួប​បរាជ័យ គឺ​ចាញ់​ពិន្ទុ​អ្នក​ប្រដាល់​ទូច ដេវីដ ដែល​ហាត់​ក្នុង​ក្រុម​ជម្រើសជាតិ​ដែរ ។ អ្នក​ប្រដាល់ វី សុ​ភ័ស បន្ទាប់ ប្រកួត វិល ជុំ ៣​ដង ឈ្នះ ទាំង​៣ បាន​ឡើងទៅ​វគ្គ​ផ្ដាច់ព្រ័ត្រ​ដណ្ដើម​ប្រាក់ ៣​លាន​រៀល។ នេះ​បើតាម​ការប្រកាស​របស់​គណៈកម្មការ​រៀបចំ​កា​រ​ប្រកួត គឺ កីឡាករ វី សុ​ភ័ស ៣​ប្រកួត​ឈ្នះ​ទាំង​៣ មាន​៩​ពិន្ទុ ឈរ​លេខ ១ បាន​ឡើងទៅ​វគ្គ​ផ្ដាច់ព្រ័ត្រ​។​ ចំណែក កីឡាករ​ទូច ដេវីដ ៣​ប្រកួត​ឈ្នះ​២ ចាញ់​១ មាន​៧​ពិន្ទុ គឺ លេខ​២ ដូច្នេះ​រូបគេ ក៏​ឡើងទៅ​វគ្គ​ផ្ដាច់ព្រ័ត្រ​ដែរ ។​

​លោក ប៊ុ​យ សុ​ភ័​ណ្ឌ អគ្គលេខាធិការ​សហព័ន្ធ​កីឡា​ប្រដាល់សកល​កម្ពុជា បាន​បញ្ជាក់ថា “ វី សុ​ភ័ស និង ទូច ដេវីដ នឹងត្រូវ​ជួបគ្នា​ម្តងទៀត នៅក្នុង​វគ្គ​ផ្តាច់ព្រ័ត្រ​ដណ្តើម​ប្រាក់​លាន​៣​លាន​រៀល នៃ​កម្មវិធី ULTIMATE BOXING CHAMPIONSHIP នា​ថ្ងៃទី​២៨ ខែ វិច្ឆិកា ឆ្នាំ​២០២១ ខាងមុខ ” ៕​

អត្ថបទ៖ វិ​សិទ្ធ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

KPT+៥២ វិនាទី មុន

កំពូលសត្វល្អិតបង្កគ្រោះថ្នាក់ដល់ជីវិតមនុស្សទាំង ១០ គួរប្រុងប្រយ័ត្ន

ព័ត៌មានអន្ដរជាតិ១១ នាទី មុន

អ៊ុយក្រែន ​នឹង​ដាក់​ទណ្ឌកម្ម​ពលរដ្ឋ​ខ្លួន​រូបណា ​ដែល​ទទួល​​លិខិត​ឆ្លង​ដែន ​រុស្ស៊ី

ព័ត៌មានជាតិ១១ នាទី មុន

សណ្ឋាគារ HÔTEL KVL នឹងបើកដំណើរការនៅខែសីហាខាងមុខនេះ៖ គម្រោងថ្មីចុងក្រោយបំផុតរបស់ Vattanac Group ពាំនាំមកនូវជីវិតថ្មីមកកាន់មាត់ទន្លេនៃរាជធានីភ្នំពេញ

នយោបាយ២២ នាទី មុន

ព្រឹទ្ធសភាកម្ពុជាថា ខ្លឹមសារច្បាប់ប្រជាធិប​តេយ្យ និងសិទ្ធិមនុស្ស របស់អាមេរិក មានលក្ខណៈលម្អៀង និងរើសអើង

ព័ត៌មានជាតិ៣២ នាទី មុន

អង្គភាពប្រឆាំងអំពើពុករលួយ​ដោះស្រាយ​បញ្ចប់​ពាក្យ​ប្តឹង​​ក្នុងខេត្តកំពង់ឆ្នាំង​

Sokha Hotels

ព័ត៌មានពេញនិយម