កីឡា
៣រឿងសំខាន់ៗដែលត្រូវទស្សនា ONE: BAD BLOOD
ONE: BAD BLOOD នឹងនាំមកនូវការប្រកួតដ៏ក្ដៅគគុកនៅកីឡដ្ឋាន Singapore Indoor Stadium ឯប្រទេសសិង្ហបុរីនាថ្ងៃសុក្រទី ១១ ខែ កុម្ភៈ នេះ។
អមដោយគូប្រកួតដណ្ដើមខ្សែក្រវាត់កម្រិតពិភពលោក World Title ព្រឹត្តិការណ៍ប្រកួតទាំងមូលនឹងផ្ដល់ភាពរីករាយតាំងពីដើមរហូតដល់ចប់ការប្រកួតមិនខាន។ ខាងក្រោមនេះជា ៣ រឿងធំៗ ដែលត្រូវតាមដានបំផុតពីប្រទេសសិង្ហបុរី។
#1 គូប្រកួតដណ្ដើមខ្សែក្រវាត់ដ៏ក្ដៅគគុកទម្ងន់ Bantamweight
កម្ដៅកាន់តែកើនឡើងខ្លាំងរវាង Bibiano “The Flash” Fernandes និង John “Hands of Stone” Lineker មុនពេលឡើងដណ្ដើមខ្សែក្រវាត់ ONE Bantamweight World Title។
ម្ចាស់ខ្សែក្រវាត់ Fernandes ជាកីឡាករគ្រងខ្សែក្រវាត់ World Champion យូរបំផុតក្នុងប្រវត្តិសាស្ត្ររបស់ ONE ។ គេក៏បានបោះពាក្យសម្ដីឌឺដងយ៉ាងច្រើនជាមួយមិត្តរួមជាតិ “Hands of Stone” Lineker។ “The Flash” ត្រូវរៀបចំខ្លួនឲ្យបានល្អបំផុតដើម្បីតតាំងនឹងគូប្រជែងដែលមានកណ្ដាប់ដៃធ្ងន់។
Fernandes តែងតែធ្វើការងារធ្ងន់ និងប្រកបដោយភាពវៃឆ្លាតដើម្បីឆ្ពោះទៅរកជ័យជម្នះ។
បទពិសោធន៍របស់គេធ្វើបានល្អក្នុងនាមការប្រកួតគូឯកកន្លងទៅ ប៉ុន្តែ រូបគេអាចនឹងចាប់ផ្ដើមតតាំងនឹង Lineker តាំងពីទឹកដំបូងម្ល៉េះ។
“Hands of Stone” ជាអ្នកមានកណ្ដាប់ដៃដ៏គ្រោះថ្នាក់ក្នុងគុនចម្រុះ ខណៈដែល Fernandes មានជំនាញជឺជិតស៊ូខ្លាំង។ អ្នកទាំងពីរនឹងធ្វើឲ្យការប្រកួតប្លែកអារម្មណ៍ជាក់ជាមិនខាន។
#2 តើតារាទម្ងន់ Heavyweight រូបណាឈ្នះខ្សែក្រវាត់?
Anatoly “Sladkiy” Malykhin និង Kirill Grishenko ត្រូវជួបគ្នាដើម្បីដណ្ដើមខ្សែក្រវាត់ ONE Interim Heavyweight World Championship បណ្ដោះអាសន្នក្នុងនាមគូឯករង។ Malykhin មិនដែលចាញ់សោះដោយឈ្នះ ១០-0 ត្រូវទប់ទល់នឹង Grishenko ដែលឈ្នះ ៥ ដង និងមិនដែលចាញ់ដូចគ្នា។ គេមានទំនុកចិត្តក្នុងការបញ្ចប់គូប្រជែងបេឡារូសក្នុងរយៈចម្ងាយឆ្ងាយ។
តារារុស្សីមានកម្លាំងដៃខ្លាំងក្នុងការផ្ដួល Amir Aliakbari ឲ្យសន្លប់ទឹកដំបូងនៃការប្រកួតចុងក្រោយ គួបផ្សំនឹងក្បាច់ចំបាប់ដ៏មានសក្ដានុពលទៀតផង។
យ៉ាងណាក្ដី Grishenko មានស្នៀតចំបាប់កម្រិតកំពូលក្នុងការប្រកួតគុនចម្រុះ ជាមួយនឹងក្បាច់ប្រយុទ្ធពីខាងឆ្វេងយ៉ាងល្អ។ គេជឿថា “Sladkiy” មិនអាចមើលស្រាលខ្លួនបានទេ។
រឿងពិតមួយ : អ្នកទាំងពីរមានចំណុចខ្លាំង, និង ការប្រកួតបានគ្រប់ទឹក ដែលសុទ្ធសឹងតែពិបាកម៉ិកទឹកចិត្តនៃក្បាច់ប្រយុទ្ធរៀងៗខ្លួន។
#3 តារាមួយថៃឆ្ពោះទៅដណ្ដើមខ្សែក្រវាត់ពិភពលោក World Title
តារាមួយថៃកម្រិតកំពូលពីររូបទម្ងន់ flyweight នឹងឡើងប្រកួតគ្នាដណ្ដើមកៅអីទៅដណ្ដើមខ្សែក្រវាត់ ពី Rodtang “The Iron Man” Jitmuangnon បន្ទាប់ពីរម្ចាស់ខ្សែក្រវាត់ជួប Demetrious “Mighty Mouse” Johnson នៅសង្វៀន ONE X។
អតីតម្ចាស់ខ្សែក្រវាត់មួយថៃ ONE Flyweight កីឡាករ Jonathan “The General” Haggerty បាត់បង់ខ្សែក្រវាត់ទៅកាន់ “The Iron Man” និងចាញ់ម្ដងទៀតក្នុងការប្រកួតសងសឹក។ ប៉ុន្តែ ការឈ្នះពីរលើកជាប់គ្នានាំឲ្យរូបគេស្ថិតនៅលំដាប់លេខ២នៃចំណាត់ថ្នាក់របស់ ONE។
ទោះចាញ់ម្ចាស់ខ្សែក្រវាត់រថថាំង ២ លើក គេជឿថាល្អជាងមុន និងអាចផ្ដួលគូប្រកួតឲ្យសន្លប់ទឹកទី១ទៀត។ ចំណែក កីឡាករលំដាប់ទី៤ Mongkolpetch Petchyindee ជាកីឡាករមួយថៃដ៏ចំណានម្នាក់ដែលមានឈ្មោះល្បីនៅសង្វៀនថៃ និងឈ្នះ ៤ ដងនៅសង្វៀន ONE Super Series។
គេនឹងទប់ទល់ជាងមួយ Haggerty តាមរយៈការទាត់ជើងដ៏ខ្លាំង និង ការចាប់អុកដងខ្លួនដើម្បីទទួលកៅអីទៅជួប Rodtang នាថ្ងៃអនាគត៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ