កីឡា

Reinier De Ridder បានកោះហៅតារាជួរមុខមួយចំនួនក្រោយផ្ដួល Kiamrian Abbasov ដើម្បីរក្សាខ្សែក្រវាត់ Middleweight របស់ខ្លួន

បានផុស

៤ years មុន

នៅ

ថ្ងៃសៅរ៍ ២៦ កុម្ភៈ ២០២២

ដោយ

Reinier “The Dutch Knight” de Ridder ដែលគេស្គាល់ថា ម្ចាស់ខ្សែក្រវាត់ពីររបស់ស្ថាប័ន ONE Championship នោះនៅតែរក្សាការប្រកួតយ៉ាងល្អទល់នឹង Kiamrian “Brazen” Abbasov ដើម្បីបន្តកាន់កាប់ខ្សែក្រវាត់នៅព្រឹត្តិការណ៍ ONE: FULL CIRCLE នាថ្ងៃទី ២៥ កុម្ភៈ យប់មិញ ឯប្រទេសសិង្ហបុរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយផ្ដួលគូប្រកួតឲ្យសន្លប់យប់មិញ កីឡាកររហស្សនាម “The Dutch Knight” បានទាញក្បាលម៉េក្រូ និង កៅហៅតារាជួរមុខមួយចំនួន។

«ក្នុង៣សប្ដាហ៍ទៀតដល់ព្រឹត្តិការណ៍ ONE X ហើយ, Andre Galvao, សូមបន្តស្វែងរកជើងខ្លាំងផ្នែកចំបាប់។ សូមចូលមក ខ្ញុំនឹងធ្វើឲ្យអ្នកឯងចុះចាញ់”។ De Ridder ថ្លែងក្រោយចប់ការប្រកួតយប់មិញ។

«ខ្ញុំបានផ្ដួលជើងឯកទម្ងន់ welterweight រួចហើយ ខ្ញុំបានផ្ដួលជើងឯកទម្ងន់ middleweight បានទៀត ខ្ញុំបានផ្ដួលតារាទម្ងន់ heavyweight នរណាបន្ទាប់ទៀត? មោះតារាទម្ងន់ Heavyweight ឡើងមក»។

ម្ចាស់ខ្សែក្រវាត់ពីរសង្កត់ធ្ងន់ទៀតថា៖«សូមឲ្យខ្ញុំជួប [Anatoly] Malykhin។ សូមឲ្យខ្ញុំវ៉ៃនឹង [Arjan] Bhullar ក្នុងការប្រកួតនាយប់ជាមួយគ្នានោះ។ ខ្ញុំនឹងបញ្ចប់អ្នកទាំងពីរនេះនៅយប់ជាមួយគ្នាតែម្ដង»។

យប់មិញនេះពេលលើងការពារខ្សែក្រវាត់ ONE middleweight ម្ចាស់ខ្សែក្រវាត់ពីរ ONE World Champion បានឃ្លេបញ្ចប់ម្ចាស់ខ្សែក្រវាត់ ONE welterweight (កំពុងកាន់កាប់ដោយ Abbasov) ដោយការប្រើឃ្លេដៃ ក្រោយគ្រប់គ្រងការប្រកួតយ៉ាងល្អរហូតដល់ ៣ ទឹកពេញ។

បន្ទាប់ពីទទួលជ័យជម្នះយប់មិញលើ Abbasov នាំឲ្យ De Ridder បន្តកំណត់ត្រាឈ្នះ និង មិនចាញ់សោះក្នុងលទ្ធផល ១៥-០។

គួរដឹងថា De Ridder កំពុងគ្រងខ្សែក្រវាត់ពីរខ្សែគឺ ONE Middleweight World Championship និង ONE Light Heavyweight World Championship៕