Connect with us

កីឡា

បាល់ទះកម្ពុជា ឈ្នះមេដាយសំរឹទ្ធជាលើកដំបូងក្នុងប្រវត្តិសាស្ត្រស៊ីហ្គេម

បានផុស

នៅ

ក្រុមបាល់ទះជម្រើសជាតិក្នុងសាលកម្ពុជា បានប្រកួតឈ្នះ ជម្រើសជាតិថៃ ៣-២ ក្នុងជំនួបដណ្ដើមមេដាយសំរឹទ្ធ នៃព្រឹត្តិការណ៍កីឡាស៊ីហ្គេម លើកទី៣១ នៅប្រទេសវៀតណាម នារសៀលថ្ងៃទី២១ ខែឧសភា នេះ។

នេះជាការប្រកួតដ៏អស្ចារ្យ ដោយពិន្ទុប្រកៀកប្រកិតគ្នា ចាប់តាំងពីសិតទី១ ដោយកម្ពុជាធ្វើបានយ៉ាងល្អ ពោលគឺនាំមុខ នៅសិតទី១ ដោយកម្ពុជា ឈ្នះ ២៥-២៣ លុះចូលដល់ សិតទី២ ថៃ វាយបកយកឈ្នះវិញ ២២-២៥ ប៉ុន្តែនៅសិតទី៣ កម្ពុជា បានត្រលប់មកយកឈ្នះវិញ ២៥-២៣ បន្ទាប់មកសិតទី៤ ថៃ យកឈ្នះជាថ្មី ជាមួយពិន្ទុ ១៣-២៥។ លុះចូលដល់សិតចុងក្រោយដែលជាសិតកាត់សេចក្ដី កម្ពុជា បានឈ្នះ ថៃ ១៥-១៣ ទទួលបានមេដាយសំរឹទ្ធជាផ្លវការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះគឺជាការឈ្នះលើក្រុមម្ចាស់មេដាយសំរឹទ្ធកាលពីឆ្នាំ២០១៩ ជាលើកដំបូង ហើយអ្វីដែលពិសេសទៅទៀតនោះ គឺជាការឈ្នះមេដាយសំរឹទ្ធលើកដំបូងក្នងប្រវត្តិសាស្ត្រ សម្រាប់បាល់ទះកម្ពុជា លើប្រភេទកីឡានេះ នៅក្នុងព្រឹត្តិការណ៍កីឡាស៊ីហ្គេម ចាប់តាំងពីឆ្នាំ១៩៧៧ មកផងដែរ៕

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម