Connect with us

កីឡា

មិនធម្មតា! ក្លិបបាល់ទាត់ខេត្តបន្ទយមានជ័យ ទាក់ចិត្តកីឡាករបរទេស ៣ រូប មករួមក្រុមដោយស័្មគ្រចិត្ត

បានផុស

នៅ

សមាជិកនៃក្របខ័ណ្ឌលីគលំដាប់ទី ២ កម្ពុជា (Cambodian League 2) ក្លិបបាល់ទាត់ខេត្តបន្ទាយមានជ័យ បានទាក់ចិត្តកីឡាករបរទេស ៣ រូបមករួមក្រុមដោយស្ម័គ្រចិត្ត ដើម្បីប្រកួតជើងទី ២ នៃលីគ។​

​តាម​ការបញ្ជា​ក់ដោយ​តំណាង​ក្លិប កីឡាករ​បរទេស​ទាំង ៣​ រូបនោះ​មកពី​ទ្វីប​ផ្សេងៗ​គ្នា​នៅលើ​ពិភពលោក ពោលគឺ​កីឡាករ​ខ្សែបម្រើ Thapa Magar Saroj សញ្ជាតិ​នេ​ប៉ាល់ (​ទ្វីបអាស៊ី​), កីឡាករ​ខ្សែបម្រើ Valli Simone សញ្ជាតិ​អ៊ីតាលី (​ទ្វីបអឺរ៉ុប​) និង​កីឡាករ​ខ្សែប្រយុទ្ធ Joslyn Ghifem Katuala សញ្ជាតិ​កុង​ហ្គោ (​ទ្វីបអាហ្វ្រិក​)​។ ពួកគេ​ទាំង ៣ ​នាក់ ​សុទ្ធតែ​ចូលរួម​ដោយ​ស្ម័គ្រចិត្ត បានសេចក្ដីថា​ ពុំ​ទទួលបាន​ប្រាក់បៀវត្ស​ខ្ពស់​នោះឡើយ ដ្បិត​ជាទូទៅ​កីឡាករ​បរទេស​ដែល​ប្រកប​អាជីព​នៅ​កម្ពុជា តែងតែមាន​ប្រាក់បៀវត្ស​ច្រើន​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​អ្វីដែល​គួរឱ្យ​ចាប់អារម្មណ៍​នោះ កីឡាករ​ទាំង ៣ ​នាក់​នេះ​ សុទ្ធតែ​បានបង្ហាញ​ខ្លួន​លើកដំបូង​រួចហើយ​ផងដែរ កាលពី​សប្ដាហ៍​មុន ជាក់ស្ដែង​កីឡាករ​នេ​ប៉ាល់ Thapa Magar Saroj ក៏បាន​ទាត់​បាល់​បញ្ចូល​ទី​បាន ១​ គ្រាប់​ថែមទៀត​ផង​។

Thapa Magar Saroj
Joslyn Ghifem Katuala

​ដោយឡែក​និយាយ​ពី​កីឡាករ​អ៊ីតាលី​វិញ គេ​ធ្លាប់​លេង​នៅ​ក្លិប Olhanense, Cardiff F.C. U21 (​អង់គ្លេស​), Jumilla (​កាលនោះ​ជាលី​គ​ទី​ ៣ អេ​ស្ប៉ា​ញ​), Soimii Panchota (​រ៉ូ​មា​នី​), Samut Songkhram FC, Surin Sugar KMC (​ថៃ​), Squadron FC (​ហុងកុង​), San Marcos FC (​នី​កា​រ៉ា​ហ្គា​) និង​ចុងក្រោយ​ក្លិប Regional Sports FC នៅ​អារ៉ាប់​រួម​។ កីឡាករ​រូបនេះ​មាន​លក្ខណៈពិសេស​ដោយ​ចេះ​និយាយ ៦ ​ភាសា រួមមាន អ៊ីតាលី​, អេ​ស្ប៉ា​ញ​, ព័រ​ទុយ​ហ្គា​ល់​, អង់គ្លេស​, បារាំង និង​ថៃ​។​

Valli Simone

​ចំពោះ​ក្លិប​បាល់ទាត់​ខេត្តបន្ទាយមានជ័យ បច្ចុប្បន្នកំពុង​ឈរ​នៅ​ចំណាត់ថ្នាក់​លេខ​ ១១ នៃ​តារាង​ចំណាត់ថ្នាក់​ដែលមាន ១២ ​ក្រុម ក្នុង​លី​គ​លំដាប់​ទី​ ២ ​កម្ពុជា បន្ទាប់ពី​ប្រកួត ១២​ ដង ឈ្នះ​ ១ ស្មើ​ ១ និង​ចាញ់​ ១០ មាន ៤ ​ពិន្ទុ លើ​ក្រុម​បាត​តារាង ណិ​ច​ស្តិ​ប​អេ​ហ្វ​ស៊ី ដែលមាន ៣​ ពិន្ទុ​៕

​អត្ថបទ​៖ មន្នី​រ័ត្ន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៤ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៤ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៥ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៥ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម