កីឡា
អ៊ុយក្រែន ធ្វើពហិការមិនចូលរួមការប្រកួតជើងឯកពិភពលោកប្រដាល់មួយថៃ ខណៈដែលមានរុស្ស៊ីចូលរួមប្រកួត
អ៊ុយក្រែន ធ្វើពហិការមិនចូលរួមការប្រកួតជើងឯកប្រដាល់យុវជន Muay Thai World Championships នៅប្រទេសម៉ាឡេស៊ី ដែលនឹងចាប់ផ្តើមនៅសប្តាហ៍នេះទេ ដោយសារតែមានការចូលរួមរបស់អត្តពលិកពីប្រទេសរុស្ស៊ី នៅក្នុងព្រឹត្តិការណ៍នេះ។
រៀបចំដោយសហព័ន្ធអន្តរជាតិនៃសមាគមប្រដាល់មួយថៃ (IFMA) ការប្រកួតជើងឯកឆ្នាំ ២០២២ គ្រោងនឹងចាប់ផ្តើមនៅថ្ងៃអង្គារ ០៩ ខែសីហា ហើយនឹងបញ្ចប់នៅថ្ងៃទី ២០ ខែសីហា នៅទីក្រុងគូឡាឡាំពួ ប្រទេសម៉ាឡេស៊ី។
ក្រសួងយុវជន និងកីឡាអ៊ុយក្រែន បានបញ្ជាក់ថា សហព័ន្ធប្រដាល់ក្បាច់មួយថៃ របស់អ៊ុយក្រែន នឹងមិនបញ្ជូនអ្នកប្រដាល់ណាម្នាក់ចូលរួមការប្រកួតនោះទេ ដោយសារជំហរនយោបាយប្រឆាំងនឹងអត្តពលិករុស្ស៊ីដែលត្រូវបានអនុញ្ញាត ជំនួសឱ្យការហាមឃាត់។ នេះដោយយោងតាមការចេញសេចក្តីថ្លែងការណ៍មួយដោយនិយាយថា ខ្លួនបានបន្តដាក់សម្ពាធឱ្យ “ផ្តាច់ខ្លួនទាំងស្រុងនៃជនជាតិរុស្ស៊ី និងបេឡារុស្សពីកីឡាពិភពលោក” ដោយសារតែការលុកលុយលើអ៊ុយក្រែន។
នៅថ្ងៃទី ២៤ ខែកុម្ភៈ អ៊ុយក្រែនត្រូវបានឈ្លានពានដោយរុស្ស៊ី – ដោយមានជំនួយពីការចូលតាមព្រំដែនពីបេឡារុស្ស ខណៈរុស្ស៊ីបានអះអាងថានេះជា «ប្រតិបត្តិការយោធាពិសេស»។
គណៈកម្មាធិការអូឡាំពិកអន្តរជាតិ បានផ្តល់អនុសាសន៍ហាមប្រាមអត្តពលិក និងមន្ត្រីរុស្ស៊ីក្នុងការប្រកួតធំៗក្រោមស្ថាប័នសហព័ន្ធអន្តរជាតិរបស់ខ្លួន ប៉ុន្តែនេះមិនត្រូវបានអនុម័តដោយស្ថាប័នអូឡាំពិកទាំងស្រុង ឬស្ថាប័នដែលមិនមែនជាកីឡាអូឡាំពិកដូចជា IFMA នោះទេ។ ព្រឹត្តិការណ៍នេះត្រូវបានដឹងថាមាន ៩០ ប្រទេសចូលរួម។
«អត្តពលិកនៃប្រទេសឈ្លានពានត្រូវបានអនុញ្ញាតឱ្យចូលរួមក្នុងការប្រកួតជើងឯកពិភពលោក ក្នុងចំណោមយុវជន ក្រោមបដារបស់សហព័ន្ធអន្តរជាតិនៃសមាគមប្រដាល់មួយថៃ ទោះបីជាមានការអំពាវនាវរបស់សហព័ន្ធប្រដាល់មួយថៃ របស់អ៊ុយក្រែន ឱ្យដកចេញតំណាងសហព័ន្ធរុស្ស៊ី និងសាធារណរដ្ឋបេឡារុស្សី ពីការចូលរួមក្នុងព្រឹត្តិការណ៍កីឡាអន្តរជាតិនេះក៏ដោយ»។
កន្លងមក អត្តពលិកអ៊ុយក្រែន បានធ្វើពហិការមិនចូលរួមការប្រកួតរបស់សហព័ន្ធយូដូអន្តរជាតិ ដែលជនជាតិរុស្សី និងបេឡារុស្ស ត្រូវបានអនុញ្ញាតឱ្យប្រកួតផងដែរ៕
ប្រភព៖ insidethegames
អត្ថបទ៖ មន្នីរ័ត្ន
-
សន្តិសុខសង្គម៥ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៣ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ១ សប្តាហ៍ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានអន្ដរជាតិ១ សប្តាហ៍ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ១ សប្តាហ៍ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ២ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៤ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ២ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ