កីឡា

នេះពិន្ទុសរុបរបស់កម្ពុជាក្នុងការប្រកួតជើងឯក AFF Cup ទាំងអស់កន្លងមក

បានផុស

៣ years មុន

នៅ

ថ្ងៃពុធ ៧ កញ្ញា ២០២២

ដោយ

ជើងឯកបាល់ទាត់លំដាប់ទី១នៅតំបន់អាស៊ាន គឺ AFF Championship ត្រូវបានរៀបចំការប្រកួតចំនួន១៣លើកកន្លងមកហើយគិតចាប់តាំងពីការប្រកួតលើកដំបូងនៅឆ្នាំ១៩៩៦ រហូតដល់ឆ្នាំ២០២០។

ក្រុមបាល់ទាត់ជម្រើសជាតិកម្ពុជានឹងចូលរួមប្រកួតលើកទី៩ហើយវគ្គសន្សំពិន្ទុក្នុងពូល គិតទាំងឆ្នាំ២០២២ខាងមុខនេះ។ ៨លើកក្នុងពូលកន្លងមករបស់ក្រុមបាល់ទាត់កម្ពុជាគឺឆ្នាំ១៩៩៦ ២០០០ ២០០២ ២០០៤ ២០០៨ ២០១៦ ២០១៨ និង២០២០។ ចំណែកនៅឆ្នាំ១៩៩៨ ២០០៧ ២០១០ ២០១២ និង២០១៤ កម្ពុជាធ្លាក់ក្នុងវគ្គជម្រុះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សរុបការប្រកួតទាំងអស់ ក្រុមបាល់ទាត់ជម្រើសជាតិកម្ពុជាបានប្រកួតក្នុងពានរង្វាន់ AFF Cup នេះចំនួន៣០លើកហើយ ក្នុងនោះឈ្នះ៤ដង និងចាញ់២៦ដង។ កម្ពុជារកបានគ្រាប់បាល់២៩គ្រាប់ ហើយត្រូវគេស៊ុតចូល១០២គ្រាប់។ បើគិតជាពិន្ទុសរុបគឺកម្ពុជាមាន១២ពិន្ទុពីការប្រកួតឈ្នះ៤ដង។

ក្រុមបាល់ទាត់ជម្រើសជាតិកម្ពុជាមិនធ្លាប់បានឡើងវគ្គពាក់កណ្តាលផ្តាច់ព្រ័ត្រក្នុងពានរង្វាន់ខាងលើនេះឡើយ ហើយឡាវ ទីម័រខាងកើត និងព្រុយណេ ក៏មិនទាន់ធ្លាប់បានឡើងវគ្គពាក់កណ្តាលផ្តាច់ព្រ័ត្រដែរ។

ការប្រកួតលើកទី១៤ ឆ្នាំ២០២២នឹងចាប់ផ្តើមពីថ្ងៃទី២០ ខែធ្នូ ឆ្នាំ២០២២ រហូតដល់ថ្ងៃទី១៦ ខែមករា ឆ្នាំ២០២៣ ដែលមានទីក្រុងចំនួន១០នៅអាស៊ានទទួលរៀបចំការប្រកួតដោយសារមានការប្រកួតក្នុងដី និងក្រៅដី។

កម្ពុជាត្រូវបានចាប់ឆ្នោតនៅក្នុងពូល A ដែលមានក្រុមខ្លាំងៗគឺ ថៃ ហ្វីលីពីន ឥណ្ឌូនេស៊ី និង ព្រុយណេ ឬ ទីម័រខាងកើត ដែលត្រូវប្រកួតជម្រុះដើម្បីឡើងទៅវគ្គសន្សំពិន្ទុក្នុងពូល។

ថ្ងៃទី២០ ខែធ្នូ កម្ពុជា បើកទ្វារពហុកីឡដ្ឋានជាតិមរតកតេជោ ទទួល ក្រុមជម្រើសជាតិហ្វីលីពីន។ ថ្ងៃទី២៣ ខែធ្នូ កម្ពុជា ធ្វើដំណើរទៅជួបម្ចាស់ផ្ទះ ឥណ្ឌូនេស៊ី នៅពហុកីឡដ្ឋាន Jakarta ហើយថ្ងៃទី២៩ ខែធ្នូ កម្ពុជា ទទួល ជម្រើសជាតិ ព្រុយណេ ឬ ទីម័រខាងកើត នៅពហុកីឡដ្ឋានជាតិមរតកតេជោ មុនពេលធ្វើដំណើរទៅជម្រើសជាតិថៃ នៅថ្ងៃទី២ ខែមករា ឆ្នាំ២០២៣ នៅកីឡដ្ឋាន Rajamangala៕

អត្ថបទ៖ វីរបុត្រ

Related Topics:ក្រុមបាល់ទាត់ជម្រើសជាតិកម្ពុជា AFF Championship