កីឡា
ទីបំផុតក្តីស្រមៃតាំងពីកុមារភាពរបស់ Benzema បានក្លាយជាការពិត
ក្តីស្រមៃតាំងពីកុមារភាពរបស់ Karim Benzema បានក្លាយជាការពិត បន្ទាប់ពីរូបគេបានឈ្នះពានរង្វាន់ Ballon d’Or ប្រចាំឆ្នាំ២០២២ ក្រោយរូបគេបានជួយក្លឹប Real Madrid ឈ្នះជើងឯកលីគកំពូលអេស្ប៉ាញ និងពានទ្វីបអឺរ៉ុប UEFA លើកទី១៤។
រដូវកាលកន្លងទៅនេះ Benzema អាយុ៣៤ឆ្នាំរកបាន២៧គ្រាប់ក្នុងលីគអេស្ប៉ាញ La Liga និងជាអ្នករកគ្រាប់បាល់ច្រើនជាងគេនៅពានរង្វាន់ Champions League ចំនួន១៥គ្រាប់។ ក្នុងចំណោមនោះ រូបគេរកបាន១០គ្រាប់ក្នុងវគ្គចាញ់ធ្លាក់ ឈ្នះឡើងវគ្គបន្ត រាប់ទាំងការធ្វើបាន hat-tricks លើក្លឹប Paris Saint-Germain និង Chelsea។ រូបជាកីឡាករបារាំងដំបូងដែលបានឈ្នះពានរង្វាន់នេះ ចាប់តាំងពី Zinedine Zidane បានឈ្នះកាលពីឆ្នាំ១៩៩៨។
ក្នុងពិធីប្រគល់ និងទទួលពានរង្វាន់យប់មិញ Benzema បាននិយាយថា ៖«ពានរង្វាន់នៅចំពោះនេះធ្វើឲ្យខ្ញុំមានមោទនភាពខ្លាំងណាស់។ ខ្ញុំមិនដែលបោះបង់ចោលឡើយ វាជាក្តីស្រមៃរបស់ខ្ញុំតាំងពីកុមារភាព។ វាជាពេលដ៏លំបាកនៅពេលខ្ញុំមិនមានវត្តមានជាមួយក្រុមជម្រើសជាតិបារាំង ប៉ុន្តែខ្ញុំនៅតែបន្តខំប្រឹង។ ខ្ញុំបន្តឆ្ពោះទៅមុខដោយភាពវិជ្ជមាន និងរីករាយចំពោះការលេងរបស់ខ្ញុំ។ ខ្ញុំពិតជាមោទនភាពណាស់ចំពោះវិថីបាល់ទាត់របស់ខ្ញុំមកដល់ពេលនេះ»។
កីឡាករ Sadio Mané ដែលចាកចេញពី Liverpool ទៅ Bayern Munich ស្ថិតនៅចំណាត់ថ្នាក់លេខ២ និងទទួលបានពានរង្វាន់ Socrates សម្រាប់ការងារជួយសង្គមនៅប្រទេសសេណេហ្គាល់របស់គាត់។ អ្នកនាំលេងរបស់ Manchester City កីឡាករ Kevin De Bruyne ស្ថិតនៅលេខ៣ ខណៈលេខ៤ Robert Lewandowski និងលេខ៥ Mohamed Salah៕
ប្រែសម្រួល៖ វីរបុត្រ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៨ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore