កីឡា
គ្រូព្រះខ័នរាជស្វាយរៀង សរសើរវិសាខា មិនដាច់ពីមាត់ មុនជួបគ្នាល្ងាចនេះក្នុងលីគ
គ្រូបង្វឹក នៃក្លិបបាល់ទាត់ព្រះខ័នរាជស្វាយរៀង លោក Conor Nestor បានលើកសរសើរ ក្លិបវិសាខា មិនដាច់ពីមាត់ ដ្បិតក្រុមនេះទើបតែឈ្នះពានរង្វាន់សម្តេចតេជោ ហ៊ុន សែន កាលពីសប្ដាហ៍មុន ហើយមកត្រូវជួបក្នុងជំនួបសប្ដាហ៍ទី ២៣ វគ្គ ៤ ក្រុមក្រោយ នៃលីគកំពូលកម្ពុជា។
វិសាខា ទើបតែឈ្នះពានសម្តេចតេជោ ហ៊ុន សែន តាមរយៈការវាយបកយកឈ្នះបឹងកេត ៣-៤ ជាមួយនឹងកីឡាករជម្រើសជាតិរបស់គេដ៏ល្អជាច្រើន ខណៈពាននេះប្រើប្រាស់តែកីឡាករខ្មែរ។
លោក Conor Nestor បានឲ្យដឹងដូច្នេះថា «ជាដំបូង អបអរសាទរ វិសាខា ដែលបានឈ្នះពាន Hun Sen Cup ៣ ឆ្នាំ ជាប់គ្នា។ ពួកគេបានបង្ហាញឲ្យឃើញនៅលើទីលានថា ហេតុអ្វីបានជាពួកគេមានកីឡាករជម្រើសជាតិច្រើនម្ល៉េះ»។
ក្នុងជំនួបចុងក្រោយរវាងក្រុមទាំងពីរ កាលពីចុងខែតុលា គឺបានត្រឹមចែកគ្នាម្នាក់ ១ ពិន្ទុ យ៉ាងណាមិញ គ្រូបង្វឹកសញ្ជាតិអៀរឡង់ខាងជើងរូបនេះ បានសង្កត់ធ្ងន់ថា គឺជារឿងចាស់ ហើយថាអ្វីៗក៏អាចកើតឡើងបានដែរ។
លោក Conor ក៏បានឆ្លើយតបថា «ការប្រកួតចុងក្រោយគឺជារឿងចាស់តែប៉ុណ្ណោះ។ រាល់ពេលដែលអ្នកលេងគូប្រកួតកំពូល អ្វីៗក៏អាចកើតឡើង ហើយការប្រកួត Hun Sen Cup បានបង្រៀនយើងថា ទោះបីជាអ្នកខំប្រឹងយ៉ាងណាក៏ដោយ ក៏អ្នកត្រូវការសំណាងដែរ»។
គួររំលឹកថា ៣ ប្រកួតចុងក្រោយរវាង ព្រះខ័នរាជស្វាយរៀង ជាមួយ វិសាខា នៅឆ្នាំ ២០២២ នេះ គឺឈ្នះ ចាញ់គ្នាទៅវិញទៅមក ពោលគឺ ជើងទី ១ ស្វាយរៀង ឈ្នះ ១-២, ជើងទី ២ វិសាខា យកឈ្នះ ០-១ និងជើងទី ៣ ស្មើគ្នា ១-១។ ដោយឡែកការប្រកួតល្ងាចនេះ នឹងធ្វើឡើងនៅវេលាម៉ោង ៦ និង ៣០ នាទីយប់ នាកីឡដ្ឋានព្រីនស៍។
សូមបញ្ជាក់ថា ព្រះខ័នរាជស្វាយរៀង, វិសាខា, ភ្នំពេញក្រោន និងបឹងកេត គឺជាក្រុមកំពូលទាំង ៤ ដែលបានកៅអីប្រកួតវគ្គ ៤ ក្រុមចុងក្រោយ ឬជាវគ្គដែលប្រកួតដណ្ដើមជើងឯក ដោយក្រុមទាំង ៤ ត្រូវជួបគ្នាចំនួន ២ ជើងទៀត សរុបម្នាក់ ៦ ប្រកួត៕
អត្ថបទ ៖ មន្នីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង