Connect with us

កីឡា

កីឡដ្ឋានធំៗទាំង ៨ ដែលកាតាជះលុយរាប់សិបលានសាងសង់ សម្រាប់ការប្រកួត World Cup ឆ្នាំ២០២២

បានផុស

នៅ

សម្រាប់ការប្រកួត FIFA World Cup 2022 ប្រទេសកាតាដែលជាម្ចាស់ផ្ទះ ហ៊ានដាក់ទុនរាប់ពាន់លានដុល្លារទៅលើកីឡដ្ឋាន រហូតឈានដល់ការសាងសង់កីឡដ្ឋានថ្មីជាច្រើនកន្លែង និងចាយប្រាក់ខ្ទង់ពាន់លានដុល្លារថែមទៀត ដើម្បីជួសជុលកីឡដ្ឋានចាស់ឡើងវិញ។ ក្នុងនោះដែរ គេបានដឹងថា កីឡដ្ឋានទាំង ៨ ត្រូវចាយពេល ៣ឆ្នាំឯណោះ សម្រាប់ព្រឹត្តិការណ៍ប្រកួតបាល់ទាត់ដ៏ធំបំផុតនៅលើពិភពលោក ក្នុងឆ្នាំ២០២២នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មាន Daily Mail បានឲ្យដឹងថា នៅក្នុងកីឡដ្ឋានធំៗទាំង ៨ នេះ កីឡដ្ឋានចំនួន ១ ត្រូវបានជួសជុលឡើងវិញ និងកីឡដ្ឋានចំនួន ៧ ត្រូវបានសាងសង់ថ្មីទាំងស្រុង ដែលនាំឲ្យប្រទេសកាតាចំណាយថវិកាអស់ ៦.៥ពាន់លានដុល្លារអាមេរិក សម្រាប់ការជួសជុននិងសាងសង់ទាំងនេះ។

ពហុកីឡដ្ឋានជាតិ Khalifa

បន្ទាប់ពីឈ្នះគម្រោងធ្វើជាម្ចាស់ផ្ទះការប្រកួតបាល់ទាត់ពិភពលោកឆ្នាំ២០២២ រដ្ឋាភិបាលកាតា បានរៀបផែនការជួសជុលកីឡដ្ឋានជាតិ Khalifa ដែលត្រូវបានសាងសង់ ក្នុងកំលុងឆ្នាំ១០៧៦ ។ បន្ទាប់ពីការជួសជុលឡើងវិញ កីឡដ្ឋាន Khalifa អាចផ្ទុកមនុស្សបានរហូតដល់ ៤ម៉ឺននាក់ ហើយអាចដំណើរការប្រកួតចំនួន ៨ប្រកួត។

កីឡដ្ឋាន Education City

កីឡដ្ឋាននេះ ជាកីឡដ្ឋានមួយក្នុងចំណោមកីឡដ្ឋានថ្មីចំនួន ៧ ដែលត្រូវបានសាងសង់ឡើងដើម្បីបម្រើដល់ ​World Cup រដូវកាលឆ្នាំ២០២២។ ជាមួយនឹងសមត្ថភាពផ្ទុកមនុស្សរហូតដល់ ៤ម៉ឺននាក់ វាបានក្លាយជាកន្លែងសម្រាប់ការប្រកួតវគ្គពាក់កណ្តាលផ្តាច់ព្រ័ត្រនៃការប្រកួតបាល់ទាត់ពិភពលោកឆ្នាំនេះ រួមទាំងការប្រកួតធំៗចំនួន ៨ប្រកួត។

កីឡដ្ឋាន AI Thumama

វាត្រូវបានបំផុសគំនិតដោយ មួកប្រពៃណីបុរស Gahfiya និងមួយកុមារមជ្ឈិមបូព៌ា។ AI Thumama គឺជាកីឡដ្ឋានដ៏គួរឱ្យចាប់អារម្មណ៍ និងប្លែកបំផុតមួយនៅក្នុងពិភពលោក។ កីឡដ្ឋាន​នេះ​ក៏​អាច​ផ្ទុក​មនុស្ស​បាន​ចំនួន ៤ម៉ឺននាក់ផងដែរ និង​អាចដំណើរការ​ប្រកួត​ចំនួន ៨ប្រកួត សម្រាប់​ព្រឹត្តិការណ៍ World Cup 2022។

កីឡដ្ឋាន Lusail

Lasuil គឺជាកីឡដ្ឋានដ៏ធំបំផុតដែលសាងសង់ដោយប្រទេសកាតាក្នុងរដូវកាលនេះ។ ជាមួយនឹងសមត្ថភាពផ្ទុកមនុស្សរហូតដល់ ៨ម៉ឺននាក់ ហើយវាជាកន្លែងសម្រាប់ការប្រកួតវគ្គផ្តាច់ព្រ័ត្រ World Cup ឆ្នាំ២០២២ នៅថ្ងៃទី១៨ ខែធ្នូ ខាងមុខនេះ។ យោងតាមស្ថិតិរបស់ Arab News ការចំណាយលើការសាងសង់កីឡដ្ឋាន Lusail គឺអស់ប្រាក់ ៧៦៧លានដុល្លារអាមេរិក។

កីឡដ្ឋាន Al Bayt

កីឡដ្ឋាន AI Bayt ជាជាកន្លែងសម្រាប់ការប្រកួតបើកឆាកនៃព្រឹត្តិការណ៍ World Cup 2022។ វាសាងសង់នៅលើដីដ៏ធំ ដោយមានសមត្ថភាពផ្ទុកមនុស្សមានរហូតដល់ ៦ម៉ឺននាក់។

កីឡដ្ឋាន Al Janoub

កីឡដ្ឋាននេះត្រូវបានបំផុសគំនិតដោយទូកប្រពៃណីរបស់កាតា គឺទូក dhow។ កីឡដ្ឋាន AI Janoub នឹងក្លាយជាកន្លែងសម្រាប់ការប្រកួតដ៏រំភើបចំនួន ៧ នៃការប្រកួតបាល់ទាត់ពិភពលោក ឆ្នាំ២០២២ ដែលមានសមត្ថភាពផ្ទុកមនុស្សបានចំនួន ៤ពាន់នាក់។ ដោយឡែកដំបូលដែលមានរាងដូចទូកអាចរុះរើបានយ៉ាងងាយស្រួល ជាពិសេសនៅខាងក្នុង AI Janoub មានដាក់ម៉ាស៊ីនត្រជាក់ ដើម្បីធានាបាននូវការសម្តែងរបស់អត្តពលិកនៅវាលខ្សាច់។ នេះជាអ្វីដែលកីឡដ្ឋានមិនធ្លាប់បានអនុវត្តនៅក្នុងពិភពលោក ពីមុនមកឡើយ។

កីឡដ្ឋាន Ahmad Bin Ali

វាអាចផ្ទុកមនុស្សបានចំនួន ៤ម៉ឺននាក់ផងដែរ។ កីឡដ្ឋាន Ahmad Bin Ali នឹងធ្វើជាម្ចាស់ផ្ទះនៃការប្រកួតចំនួន ៨ សម្រាប់ប្រកួតបាល់ទាត់ពិភពលោក ឆ្នាំ២០២២។ ការរចនានៃកីឡដ្ឋានត្រូវបានបំផុសគំនិតដោយប្រទេស និងប្រជាជន ដោយវាឆ្លុះបញ្ចាំងពីរូបភាពប្រជាជនកាតា នៃតំបន់វាលខ្សាច់។

កីឡដ្ឋាន 974

​កីឡដ្ឋាន​ថ្មីចុងក្រោយនេះ ​ជា​កីឡដ្ឋាន​មួយ​ដែល​មាន​ការ​រចនា​ប្លែក​ដែល​ទាក់ទាញ​ការ​ចាប់អារម្មណ៍​បំផុត​នៅពេល​សាងសង់​ក្នុង​ម៉ូដែល​ដែល​អាច​រុះរើចេញ​បាន​យ៉ាង​ងាយស្រួល។ យោងតាម ​​FIFA កីឡដ្ឋាននេះត្រូវបានប្រមូលផ្តុំពីកុងតឺន័រចំនួន ៩៧៤ ដែលអាចផ្ទុកមនុស្សបាន ៤ម៉ឺននាក់ ហើយនឹងត្រូវរុះរើចេញភ្លាមៗ បន្ទាប់ពីការប្រកួតបានបញ្ចប់៕

ប្រែសម្រួល៖ សន្យា

ចុចអាន៖ កាតា ​ហ៊ានចំណាយរាប់រយពាន់លានដុល្លារ ក្រោយក្លាយជាម្ចាស់ផ្ទះ World Cup ឆ្នាំនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម