ជំនួប ហូឡង់-អាហ្សង់ទីន យប់មិញ ជាការប្រកួតមានកាតលឿងច្រើនបំផុត ក្នុងប្រវត្តិសាស្រ្ត World Cup

កាតលឿងចំនួន១៧ ត្រូវបានអាជ្ញាកណ្តាលផ្តល់ឲ្យ ក្នុងអំឡុងការប្រកួត World Cup វគ្គ ១/៤ ផ្តាច់ព្រ័ត្ររវាងអាហ្សង់ទីន និងហូឡង់កាលពីថ្ងៃសុក្រទី០៩ខែធ្នូ ដែលជាការបំបែកកំណត់ត្រារបស់ World Cup។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាកណ្តាល Antonio Mateu Lahoz បានចែកកាតទៅឲ្យកីឡាករ និងបុគ្គលិកមួយចំនួនដែលអង្គុយខាងក្រៅទីលាន ដែលមានការប្រកែកតឹងសរសៃ​ ក ជាមួយគ្នា។ ទោះបីជាយ៉ាងណាក៏ដោយ មិនមានការផ្តល់កាតក្រហមនោះទេ។

កំណត់ត្រាចាស់សម្រាប់ការប្រកួតមានកាតលឿងច្រើនបំផុតក្នុងពានរង្វាន់ World Cup គឺនៅឆ្នាំ២០០៦ ដែលអាឡឺម៉ង់ជាម្ចាស់ផ្ទះ។ កាលនោះ ក្រុមបាល់ទាត់ជម្រើសជាតិហូឡង់ ត្រូវតទល់ជាមួយព័រទុយហ្គាល់ ក្នុងវគ្គ១៦ក្រុមចុងក្រោយ។ ការប្រកួតនោះ ដែលត្រូវបានគេដាក់រហ័សនាមថា “សមរភូមិ Nuremberg” មានការចែកកាតលឿងចំនួន១៦ និងកាតក្រហមចំនួន៤។

បួនឆ្នាំក្រោយមក វគ្គផ្តាច់ព្រ័ត្ររវាងហូឡង់ និងអេស្ប៉ាញ ទទួលបានកាតលឿងចំនួន១៤៕

ប្រែសម្រួល៖ Vann Vann

ប្រភព៖ Semafor

ចុចអាន៖ ទោះប្រេស៊ីលធ្លាក់ តែ Neymar តាមស្មើកំណត់ត្រារបស់ Pele