កីឡា

អបអរសាទរ អាហ្សង់ទីន ជាអធិរាជបាល់ទាត់ពិភពលោកឆ្នាំ២០២២

បានផុស

៣ years មុន

នៅ

ថ្ងៃចន្ទ ១៩ ធ្នូ ២០២២

ដោយ

ក្រុមបាល់ទាត់ជម្រើសជាតិអាហ្សង់ទីន បានគ្រងជើងឯកពិភពលោក ឆ្នាំ២០២២ បន្ទាប់ពីទទួលបានជ័យជម្នះលើក្រុមជម្រើសជាតិបារាំងដោយស៊ុតប៉េណាល់ទី ៤-២ ក្រោយស្មើ ៣-៣ នៅវគ្គផ្តាច់ព្រ័ត្រ នៅប្រទេសកាតា។

សម្រាប់ការប្រកួតវគ្គផ្តាច់ព្រ័ត្រនេះ អាហ្សង់ទីន លេងបានល្អខ្លាំងមែនទែនដោយសហការគ្នាបានយ៉ាងល្អ និងជាពិសេសប្រធានក្រុម Messi បង្កើតឱកាសគ្រោះថ្នាក់នៅតំបន់កណ្តាលឆ្ពោះទៅប្រអប់គ្រោះថ្នាក់យ៉ាងល្អឥតខ្ចោះ។

ការលេងស៊ីសង្វាក់ និងសហការគ្នាបានយ៉ាងល្អនេះបានផ្តល់ឲ្យអាហ្សង់ទីនទម្លាយសំណាញ់ទីរបស់បារាំង២គ្រាប់ដែលគ្រាប់ទី១ជាការស៊ុតបាល់ពិន័យ១១ម៉ែត្រនៅនាទីទី២៣ ដោយតារាឆ្នើម Messi និងគ្រាប់ទី២ដោយតារាចាស់វស្សា De Maria នៅនាទី៣៦។

ចំណែកបារាំងលេងមិនល្អទាល់តែសោះសម្រាប់វគ្គទី១ដោយធ្វើឲ្យខូវបាល់ច្រើន និងគ្មានឱកាសគ្រោះថ្នាក់ដើម្បីស៊ុតមុខទីរបស់អាហ្សង់ទីនឡើយ។

នៅវគ្គទី២ គ្រូបង្វឹកបារាំងផ្លាស់ប្តូរសមាជិកថ្មីមួយចំនួនបានធ្វើឲ្យចង្វាក់ប្រយុទ្ធពោរពេញដោយគ្រោះថ្នាក់ និងរកបានពីរគ្រាប់តាមស្មើ ២-២។ ២គ្រាប់បារាំងធ្វើបានសម្រេចដោយខ្សែប្រយុទ្ធឆ្នើម Mbappe ដោយស៊ុតពិន័យ១១ម៉ែត្រនៅនាទីទី៨០ និងស៊ុតចូលនៅនាទី៨១។ ការប្រកួតឈានចូលថែមម៉ោង១៥នាទីពីរដង។ បន្ទាប់មក Messi រកបានគ្រាប់បាល់ជួយឲ្យ អាហ្សង់ទីន នាំមុខ ៣-២ ប៉ុន្តែ Mbappe ស៊ុតពិន័យ១១ម៉ែត្របានសម្រេចដែលជាគ្រាប់បាល់ទី៣របស់ខ្លួនតាមស្មើ ៣-៣។ ស៊ុតប៉េណាល់ទីកាត់សេចក្តី អាហ្សង់ទីន ឈ្នះ បារាំង ៤-២។