កីឡា
កម្ពុជាឈ្នះមេដាយច្រើនជាងវៀតណាម និង៩ប្រទេសផ្សេងទៀត ពីជើងឯកឃីកបុកស៊ីងអាស៊ី
ក្រុមអត្តពលិកកីឡាឃីកបុកស៊ីងកម្ពុជាបានឈ្នះមេដាយច្រើនជាងប្រទេសវៀតណាម និង៩ប្រទេសផ្សេងទៀត ពីការប្រកួតជើងឯកឃីកបុកស៊ីងអាស៊ី ពីថ្ងៃទី១០ ដល់ទី១៨ ខែធ្នូ ឆ្នាំ២០២២ នៅប្រទេសថៃ។
កីឡាករ កីឡាការិនីឃីកបុកស៊ីកម្ពុជាធ្វើបានល្អនៅវគ្គជម្រុះរហូតដល់៧នាក់ឡើងវគ្គផ្តាច់ព្រ័ត្រ។ ជាលទ្ធផលកីឡាករកម្ពុជាពីររូបគឺ សុខ រិទ្ធ និង ឃួន ឡាំកូស៊ីន បានឈ្នះដាយមាស ខណៈ៥នាក់ទៀតឈ្នះមេដាយប្រាក់។
លោក ហេង សុឃន ប្រធានសហព័ន្ធកីឡាប្រដាល់ឃីកស៊ីង កម្ពុជាបានឲ្យដឹងថា ជាលទ្ធផល កម្ពុជាឈ្នះបានមេដាយមាស១២គ្រឿងគឺ មាស២ ប្រាក់៥ និងសំរឹទ្ធ៥ ដោយស្ថិតនៅចំណាត់ថ្នាក់លេខ៩ក្នុងចំណោម១៩ប្រទេស។ វៀតណាមបានឈ្នះមេដាយ៨គ្រឿងគឺមាស២ ប្រាក់៣ និងសំរឹទ្ធ៣។ ចំណែកម្ចាស់ផ្ទះថៃស្ថិតនៅចំណាត់ថ្នាក់លេខ៣ បន្ទាប់ពីឈ្នះមេដាយមាស១២ ប្រាក់១១ និងសំរឹទ្ធ១៤ ហើយចំណាត់ថ្នាក់លេខ១គឺ កាហ្សាស្ថាន ហើយលេខ២គឺ អ៉ីរ៉ង់។
ប្រទេសដែលស្ថិតនៅក្រោមកម្ពុជាមាន ឥណ្ឌូនេស៊ី គីជីស្ថាន ហុងកុង តាជីគីស្ថាន បាឡេស្ទីន គុយវ៉ែត កូរ៉េខាងត្បូង បាគីស្ថាន និងនេប៉ាល់។
នៅអាកាសយានដ្ឋានអន្តរជាតិភ្នំពេញពេលត្រឡប់មកដល់កម្ពុជាកាលពីថ្ងៃទី២០ ខែធ្នូម្សិលមិញ លោក ហេង សុឃន បានអះអាងថា ការទទួលបានជោគជ័យលើសពីការរំពឹងទុកនេះគឺជាសន្ទស្សន៍វាស់ស្ទង់សមត្ថភាពរបស់អត្តពលិកឃីកស៊ីងកម្ពុជាពីការរីកចម្រើន និងជាកម្លាំងចិត្តសំខាន់សម្រាប់ស៊ីហ្គេម ឆ្នាំ២០២៣ នៅប្រទេសកម្ពុជា។
អ្វីដែលលោកកាន់តែសប្បាយចិត្តនោះគឺ ប្រទេសខ្លាំងផ្សេងៗបានភ្ញាក់ផ្អើលចំពោះភាពរីកចម្រើនរបស់កីឡាឃីកបុកស៊ីងកម្ពុជា ពីព្រោះកន្លងមកមិនធ្លាប់បានចូលរួមប្រកួតឃីកបុកស៊ីងកម្រិតអាស៊ីទេ ប៉ុន្តែបានចូលរួមម្តងគឺធ្វើបាន។
ការប្រកួតប្រដាល់ឃីកបុកស៊ីងជើងឯកអាស៊ីនៅប្រទេសថៃនេះ កម្ពុជាបានបញ្ជូនអត្តពលិក១៧នាក់ ប៉ុន្តែប្រកួតបានតែ១៦នាក់ទេ ដោយសារមិនមានវិញ្ញាសាទម្ងន់ក្រោម៤៥គីឡូក្រាម៕
អត្ថបទ៖ វីរបុត្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង