កីឡា

ព្រំ សំណាង ចង់ចប់ដោយមិនពិបាកដល់ចៅក្រម ពេលប៉ះ Sudsakorn យប់នេះ

បានផុស

៣ years មុន

នៅ

ថ្ងៃសៅរ៍ ១៥ មេសា ២០២៣

ដោយ

កីឡាករប្រដាល់គុនខ្មែរ ព្រំ សំណាង ចង់ឲ្យលទ្ធផលនៃការប្រកួតរបស់ខ្លួនទល់នឹងជើងខ្លាំងថៃ Sudsakorn Sor Klinmee បញ្ចប់ពាក់កណ្តាលទីពោលគឺមិនបាកដល់ចៅក្រមដាក់ពិន្ទុឡើយ យប់ថ្ងៃសៅរ៍ ទី១៥ ខែមេសា នៅខេត្តសៀមរាប ក្នុងពិធីអង្គរសង្ក្រាន្ត។

ព្រំ សំណាង បាននិយាយថា រូបគេពិតជាសប្បាយចិត្តណាស់ដែលបានប្រកួតជាមួយកីឡាករលំដាប់កំពូលរបស់ថៃ។ មិនងាយបានជួបជើងខ្លាំងពិតប្រាកដទេ ហើយរូបគេនឹងខំប្រឹងឲ្យអស់ពីលទ្ធភាពដើម្បីទទួលបានលទ្ធផលល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលសួរថា តើ សំណាង ចង់ឲ្យការប្រកួតនេះបញ្ចប់ដោយលទ្ធផលយ៉ាងណា? «ខ្ញុំចង់ឲ្យចាញ់ ឈ្នះដោយសន្លប់»។ អ្នកគុនខ្មែរបានឆ្លើយដែលមានន័យថា ការប្រកួតអាចនឹងមិនចប់៥ទឹកពេញទេ។

ព្រំ សំណាង ត្រូវធ្វើការធ្ងន់ស្ទើរតែមិនធ្លាប់មានក្នុងអាជីពប្រដាល់របស់ខ្លួននៅពេលជួប Sudsakorn ដែលជាជើងខ្លាំងលំដាប់កំពូលម្នាក់នៅក្នុងប្រទេសថៃ ហើយជាតារា Thai Fight។ រូបគេមានអាយុ៣៦ឆ្នាំ កម្ពស់ ១.៨២ម៉ែត្រ និងទម្ងន់៧៥គីឡូក្រាម។ កីឡាករថៃនេះធ្លាប់ប្រកួត៣៥៦ដង ក្នុងនោះឈ្នះ២៩៥ដង ចាញ់៥៧ដង ស្មើ៤ដង និងធ្លាប់ផ្តួលដៃគូឲ្យសន្លប់៧៧ដង។

Sudsakorn ជាកីឡាករប្រដាល់ថៃដ៏ជោគជ័យម្នាក់ និងអាចចាត់ទុកជាវីរបុសក្នុងពិភពប្រដាល់មួយថៃ។ បើគិតជាខ្សែក្រវាត់ និងពានរង្វាន់សំខាន់ៗក្នុងអាជីពរបស់គេគឺចំនួន៧គ្រឿង លើប្រភេទទម្ងន់៣ផ្សេងគ្នា។

នេះមិនមែនជាលើកទី១ទេដែល Sudsakorn ធ្លាប់ប្រកួតជាមួយកីឡាករកម្ពុជា។ តាមពិតរូបគេធ្លាប់ប្រកួតជាកីឡាករកម្ពុជា២រូបហើយក្នុងនោះឈ្នះកីឡាករ លី រិទ្ធី ក្នុងទឹកទី១កាលពីឆ្នាំ២០២២ និងឈ្នះ អ៊ុង វីរៈ ក្នុងទឹកទី១ កាលពីឆ្នាំ២០១៣ ប៉ុន្តែជាលើកទី១ដែលរូបគេមកប្រកួតនៅប្រទេសកម្ពុជា។

អាវុធគ្រោះថ្នាក់បំផុតរបស់ Sudsakorn គឺការទាត់ជើងស្តាំ។ រាល់ការប្រកួត រូបគេតែងតែប្រើជើងស្តាំទាត់លើដៃគូ បូករួមទាំងគោលជំហររឹងមាំ និងអាវុធផ្សេងទៀតជាកត្តាសំខាន់ធ្វើឲ្យរូបគេជោគជ័យក្នុងអាជីពប្រដាល់។

ភាពខ្លាំងរបស់ ព្រំ សំណាង គឺស៊ូធន់ រឹងមាំ និងមានកម្លាំងស៊ុហ្វអាចប្រកួត៥ទឹកបាន ហើយកម្រមានដៃគូណាវ៉ៃឲ្យរូបគេសន្លប់ណាស់។ ទោះបីជាយ៉ាងណា អ្នកលេងគុនខ្មែររូបនេះបានបញ្ជាក់ថា កម្លាំងស៊ុហ្វរបស់ខ្លួនធ្លាក់ចុះ ដោយសារវ័យកាន់តែច្រើន៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ ព្រំ សំណាង

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា