កីឡា

កំពូលកីឡាករស្នូកឃ័រវៀតណាម Phuong Vinh មកប្រកួតនៅកម្ពុជាថ្ងៃទី២០មេសា

បានផុស

១១ ខែ មុន

នៅ

ថ្ងៃចន្ទ ១៧ មេសា ២០២៣

ដោយ

សហព័ន្ធកីឡាប៊ីយ៉ា និងស្នូកឃ័រកម្ពុជានឹងរៀបចំការប្រកួតមិត្តភាពអន្តរជាតិមួយដែលមានឈ្មោះថា Pheavy Billiard Carom ដើម្បីស្វាគមន៍កំពូលកីឡាការិនីកម្ពុជា និងអាស៊ី ស្រួង ភាវី ដែលមានកីឡាការិនី និងកីឡាករល្បីៗមកពីប្រទេសផ្សេងៗចូលរួមនាថ្ងៃទី២០ ខែមេសា ឆ្នាំ២០២៣ ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតដែលមានអត្តពលិកមកពី៨ប្រទេសនឹងធ្វើនៅក្លឹប Lux98 Billiard នាថ្ងៃទី២០ ខែមេសា ឆ្នាំ ២០២៣ ដែលកំពូលកីឡាការិនីកម្ពុជា ស្រួង ភាវី នឹងជួបអ្នកគាំទ្ររបស់នាង ជាមួយនឹងការចែករំលែកបទពិសោធនៃតស៊ូនៅក្រៅប្រទេសមុនពេលទទួលបានជោគជ័យ។

ការប្រកួត Pheavy Billiard Carom ក៏មានកីឡាករ និងកីឡាការិនីជាច្រើនមកពីបណ្តាប្រទេសផ្សេងដូចប្រទេសកូរ៉េ និងវៀតណាមជាដើម។ អ្វីដែលគួរឲ្យចាប់អារម្មណ៍នោះគឺកីឡាករ Bao Phuong Vinh ដែលល្បីល្បាញលំដាប់លេខ១នៅវៀតណាមក៏ចូលរួមប្រកួតដែរ។ ការប្រកួតនេះមាន១០វិញ្ញាសាគឺ៨វិញ្ញាសាសម្រាប់បុរស និង២វិញ្ញាសាសម្រាប់នារី ខណៈ ស្រួង ភាវី ត្រូវប្រកួត២វិញ្ញាសា 1 Cushion Billiard Carom and 3 Cushion Billiard Carom។

នេះជាព្រឹត្តិការណ៍លើកទឹកចិត្ត និងស្វាគមន៍ដល់កីឡាការិនីកំពូលកម្ពុជា ស្រួង ភាវី ដែលទើបអញ្ជើញមកដល់កម្ពុជាកាលពីថ្ងៃទី១៦ ខែមេសានេះដើម្បីត្រៀមខ្លួនប្រកួតស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើម្ចាស់ផ្ទះ៕

អត្ថបទ៖ វីរបុត្រ