កីឡា
ខេត្តសៀមរាបត្រៀមខ្លួនរៀបចំព្រឹតិ្តការណ៍រត់ម៉ារ៉ាតុងអាណាចក្រខ្មែរលើកទី ៨
នៅក្នុងសន្និសីទសារព័ត៌មាននាព្រឹកថ្ងៃទី ១១ កក្ដដា លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា (NOCC) បានបញ្ចក់ថាព្រឹត្តិការណ៍ ‘អាណាចក្រខ្មែរ ម៉ារ៉ាតុង លើកទី៨’ នឹងត្រូវធ្វើនៅថ្ងៃទី ០៦ ខែសីហា ក្នុងទឹកដីខេត្តសៀមរាប។ ព្រឹត្តិការណ៍រត់ប្រណាំងអន្តរជាតិនេះធ្វើឡើងក្នុងបំណងលើកស្ទួយវិស័យកីឡាទេសចរណ៍នៅកម្ពុជាហើយក៏ដើម្បីប្រមូលថវិកាដែលបានពីការចុះឈ្មោះចូលរួមក្នុងប្រកួតនេះសម្រាប់ជួយដល់កិច្ចការមនុស្សធម៌ក្នុងប្រទេសកម្ពុជា។
ព្រឹត្តិការណ៍រត់ម៉ារ៉ាតុង ត្រូវបានផ្អាករយៈពេល ២ឆ្នាំ ចន្លោះឆ្នាំ ២០២០ ដល់ឆ្នាំ ២០២១ ដោយសារជំងឺរាតត្បាត COVID-19។ ព្រឹត្តិការណ៍រត់ម៉ារ៉ាតុងអាណាចក្រខ្មែរលើកទី៧ ធ្វើនៅថ្ងៃទី ០៧ ខែសីហា ឆ្នាំ២០២២ ដោយមានអ្នកចូលរួមជាង៣ពាន់នាក់មកពី ៤៩ប្រទេសផ្សេងគ្នា។
សម្រាប់ឆ្នាំនេះ ជាលើកទី២ជាប់គ្នាហើយដែល NOCC បានឧបត្ថម្ភព្រឹត្តិការណ៍ម៉ារ៉ាតុងអាណាចក្រខ្មែរប្រចាំឆ្នាំ។ លោក វ៉ាត់ ចំរើន បាននិយាយថា៖ «ម៉ារ៉ាតុង គឺជាព្រឹត្តិការណ៍កីឡាដ៏ពេញនិយម ហើយការរត់ប្រណាំងនេះត្រូវបានប្រារព្ធឡើងនៅក្នុងប្រទេសជាច្រើន រួមទាំងប្រទេសកម្ពុជាផងដែរ។ ព្រឹត្តិការណ៍នេះបានទាក់ទាញអត្តពលិក និងទាក់ទាញភ្ញៀងទេសចរមកពីបណ្ដាប្រទេសផ្សេងៗជុំពិភពលោក។ ក្រៅពីការរត់ប្រណាំង ពួកគេក៏អាចទៅទស្សនាតំបន់ទេសចរណ៍ដ៏ពេញនិយមបំផុតរបស់កម្ពុជានៅខេត្តសៀមរាបផងដែរ»។
គិតមកទល់ពេលនេះមានអត្តពលិកជាង ២០០០នាក់ហើយ ដែលបានចុះឈ្មោះសម្រាប់ការប្រណាំង។ ក្នុងនោះអត្តពលិក ១៥០០ នាក់គឺជាអ្នកស្រុកសម្រាប់អត្តពលិក ៥០០ នាក់ទៀត ភាគច្រើនមកពីប្រទេសចិន វៀតណាម ជប៉ុន និងប្រទេសដទៃទៀត។ សម្រាប់ការចុះឈ្មោះចូលរួមប្រកួតនៅតែបន្ត ហេតុដូចនេះ អ្នកដែលមានបំណងចង់ចូលរួមប្រកួតសូមរួសរាន់ចុះឈ្មោះ ដើម្បីងាយស្រួលដល់គណៈកម្មការរៀបចំលេខអាវ រួមជាមួយវត្ថុអនុស្សាវរីយ៍នានាជូន៕
អត្ថបទ៖ ផា រតនា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង