កីឡា

ចំណូលថ្មីរបស់ណាហ្គាវើលដ៍ធ្លាប់ជាយុវជនដ៏ល្អរបស់ឥណ្ឌូណេស៊ី

បានផុស

៣ years មុន

នៅ

ថ្ងៃព្រហស្បតិ៍ ២០ កក្កដា ២០២៣

ដោយ

ក្លិបបាល់ទាត់ណាហ្គាវើលដ៍បានចុះហត្ថលេខានាំយកខ្សែប្រយុទ្ធចំណូលថ្មីគឺកីឡាករ Rafli Mursalim សញ្ជាតិឥណ្ឌូណេស៊ី កាលពីថ្ងៃទី១៩ ខែកក្កដា ឆ្នាំ២០២៣ មកពីក្លិប Gresik United របស់លីគប្រទេសឥណ្ឌូណេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែប្រយុទ្ធសញ្ជាតិឥណ្ឌូណេស៊ីរូបនេះមានអាយុ២៤ឆ្នាំដែលមានបទពិសោធច្រើនទាំងការលេងឲ្យក្លិប និងជម្រើសជាតិឥណ្ឌូណេស៊ី ដែលស័ក្តិសមមកលេងក្នុងលីគបាល់ទាត់កំពូលកម្ពុជា។

Murslim ប្រភពចេញពីយុវជនរបស់ក្លិប Villa 2000 ដែលជាកន្លែងរូបគេបានចំណាយពេលអភិវឌ្ឍអាជីពបាល់ទាត់ពីឆ្នាំ២០០៦ ដល់ ២០១៣ មុនពេលផ្លាស់ទៅលេងក្រុមយុវជន PP Al As’ Ariyah ឆ្នាំ២០១៦-២០១៧។

បន្ទាប់មក រូបគេបានផ្លាស់ទៅក្លិបអាជីព Mitra Kukar ដែលជាកន្លែងបង្ហាញខ្លួនបាន២២លើក និងរកបាន៤គ្រាប់ក្នុងរដូវកាល២០១៨-១៩ មុនពេលចូលក្លិប Persija Jakarta។

យ៉ាងណា ចន្លោះឆ្នាំ២០២០ ដល់២០២២ រូបគេមិនសូវបានលេងញឹកញាប់ទេនៅក្លិប៣ផ្សេងគ្នាក្នុងនាមជាកីឡាករខ្ចីជើង។ ចុងក្រោយរូបគេលេងឲ្យក្លិប Gresik United ដោយបង្ហាញខ្លួនលើទីលានបាន៣ប្រកួត និងរកបាន១គ្រាប់ មុនពេលផ្លាស់មកទឹកដីកម្ពុជា។

ការបង្ហាញខ្លួនលើទីលានបានល្អបំផុតគឺជាពេលដែល Rafli Mursalim នៅក្រុមបាល់ទាត់ជម្រើសជាតិឥណ្ឌូណេស៊ី។ ឆ្នាំ២០១៧-២០១៨ រូបគេបានបង្ហាញខ្លួនបាន១៥ដងឲ្យក្រុមជម្រើសជាតិឥណ្ឌូណេស៊ីអាយុក្រោម១៩ឆ្នាំដោយរកបាន១១គ្រាប់។ ក្នុងនោះ រូបគេបានជួយឲ្យក្រុម U-19 ឥណ្ឌូណេស៊ី ទទួលបានចំណាត់ថ្នាក់លេខ៣ក្នុងពានរង្វាន់ AFF U-19 Championship ២ឆ្នាំជាប់គ្នា គឺឆ្នាំ២០១៧ នៅប្រទេសមីយ៉ាន់ម៉ា និងឆ្នាំ ២០១៨ នៅប្រទេសឥណ្ឌូនេស៊ី។