កីឡា

ជើងឯក AFF U-23 អាស៊ាន ទូរទស្សន៍ BTVនឹងផ្សាយបន្ដផ្ទាល់គ្រប់ការប្រកួត

បានផុស

៨ ខែ មុន

នៅ

ថ្ងៃពុធ ២ សីហា ២០២៣

ដោយ

ទូរទស្សន៍បាយ័ន និង BTV News បានទទួលសិទិ្ធក្នុងការផ្សាយបន្ដផ្ទាល់គ្រប់ការប្រកួតពីព្រឹត្តិការណ៍ប្រកួតបាល់ទាត់ជើងឯកយុវជនអាស៊ានអាយុក្រោម២៣ឆ្នាំ (AFF U-23 Championship) ពីប្រទេសថៃចាប់ពីថ្ងៃទី១៧ ដល់ទី២៦ ខែសីហា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីការចាប់ឆ្នោតបែងចែកពូល ពានរង្វាន់ AFF U-23 Championship ឆ្នាំ២០២៣ ក្រុមបាល់ទាត់កម្ពុជាអាយុក្រោម២៣ឆ្នាំ ស្ថិតក្នុងពូល A ជាមួយក្រុមម្ចាស់ផ្ទះថៃ មីយ៉ាន់ម៉ា និងព្រុយណេ។ ដោយឡែក ពូល B មានឥណ្ឌូណេស៊ី ម៉ាឡេស៊ី និងទីម័រខាងកើត ខណៈពូល C មានវៀតណាម ហ្វីលីពីន និងឡាវ។

ការប្រកួតវគ្គសន្សំពិន្ទុក្នុងពូល នៅថ្ងៃទី១៧ ខែសីហា ឆ្នាំ២០២៣ កម្ពុជា ប៉ះ ព្រុយណេ និងថ្ងៃទី១៩ ខែសីហា ប៉ះ មីយ៉ាន់ម៉ា ហើយចុងក្រោយប៉ះម្ចាស់ផ្ទះថៃ នៅថ្ងៃទី២១ ខែសីហា។

តាមការបញ្ជាក់ពីលោក គង់ ហួន អ្នកគ្រប់គ្រងការផ្សាយផ្ទាល់នៅទូរទស្សន៍បាយ័ន និង BTV News បានប្រាប់«កម្ពុជាថ្មី»ថា ទូរទស្សន៍ BTV News នឹងផ្សាយបន្តផ្ទាល់គ្រប់ការប្រកួតទាំងអស់ទាំងការប្រកួតរបស់ក្រុមកម្ពុជា និងជម្រើសជាតិផ្សេងៗចាប់ពីវគ្គសន្សំពិន្ទុក្នុងពូលរហូតដល់វគ្គផ្តាច់ព្រ័ត្រ៕