កីឡា

Neymar និយាយថា លីគអារ៉ាប៊ីសាអ៊ូឌីតអាចល្អជាងលីគបារាំង

បានផុស

៣ years មុន

នៅ

ថ្ងៃសៅរ៍ ៩ កញ្ញា ២០២៣

ដោយ

ប្រធានក្រុមជម្រើសជាតិប្រេស៊ីលកីឡាករ Neymar និយាយថា លីគបាល់ទាត់អារ៉ាប៊ីសាអ៊ូឌីត អាចខ្លាំងជាងលីគកំពូលបារាំង។

ខ្សែប្រយុទ្ធវ័យ៣១ឆ្នាំ កីឡាករ Neymar បានផ្ទេរទៅកាន់ក្លិប Al-Hilal នៅលីគកំពូលអារ៉ាប៊ីសាអ៊ូឌីតកាលពីខែសីហាកន្លងទៅថ្មីៗនេះ។ ការផ្ទេរពី Paris St-Germain ក្នុងតម្លៃប្រហែល ៧៧.៥ លានផោន និងមានប្រាក់បូកបន្ថែមផ្សេងទៀត ក្លិប Al-Hilal បានចំណាយច្រើនជាង ៧០០លានផោនលើការនាំយកកីឡាករបរទេសមកចូលរួមជាមួយដើម្បីប្រជែងនឹងក្លិបកំពូលៗក្នុងលីគអារ៉ាប៊ីសាអ៊ូឌីត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចំណាយរបស់ក្លឹបអារ៉ាប៊ីសាអ៊ូឌីតនៅរដូវក្តៅនេះលើការផ្ទេរអន្តរជាតិគឺស្ថិតនៅលំដាប់ទីពីរ បន្ទាប់ពី Premier League ដែលក្រុមរបស់ពួកគេចំណាយត្រឹមតែក្រោម ១.៦ ពាន់លានផោនលើកិច្ចព្រមព្រៀងក្រៅប្រទេស។ នេះបើយោងតាមតួលេខពីស្ថាប័នគ្រប់គ្រងបាល់ទាត់ FIFA។

Neymar និយាយថា៖«ខ្ញុំនឹងមិនភ្ញាក់ផ្អើលទេ ប្រសិនបើលីគអារ៉ាប៊ីសាអ៊ូឌីតល្អជាងបារាំង។ ខ្ញុំអាចធានាបានថា កីឡាបាល់ទាត់នៅអារ៉ាប៊ីសាអ៊ូឌីតគឺដូចគ្នានឹងលីគផ្សេងទៀត។ វាគ្មានអាថ៌កំបាំងទេ។ យើងមានការហ្វឹកហាត់ខ្លាំងនៅទីនោះ ការស្រេកឃ្លានចង់ឈ្នះនៅតែធំ។ ខ្ញុំចង់ឈ្នះពានរង្វាន់ជាមួយ Al-Hilal។ វាមិនផ្លាស់ប្តូរច្រើនទេ»។

កីឡាកររូបនេះបានជួយឲ្យក្លិប Paris St-Germain ឈ្នះជើងឯក Ligue 1 ចំនួន ៥លើក បន្ទាប់ពីផ្ទេរពី Barcelona ក្នុងតម្លៃកំណត់ត្រា ២០០ លានផោនក្នុងឆ្នាំ ២០១៧ មុនពេលផ្លាស់ទៅ Al-Hilal នៅរដូវកាលនេះ៕

ប្រែសម្រួល៖ ផា រតនា
ប្រភព៖ BBC