កីឡា

ការប្រកួតកីឡាវាយកូនបាល់ ជើងឯកថ្នាក់ជាតិ នឹងប្រព្រឹត្តិនៅថ្ងៃ៧កុម្ភៈនេះ

បានផុស

៥ years មុន

នៅ

ថ្ងៃពុធ ៣ កុម្ភៈ ២០២១

ដោយ

សហព័ន្ធកីឡាវាយកូនបាល់កម្ពុជា នឹងរៀបចំការប្រកួតជ្រើសរើសជើងឯកថ្នាក់ជាតិប្រចាំឆ្នាំ២០២០ ចាប់ពីថ្ងៃទី៧ ដល់ ថ្ងៃទី១០ ខែកុម្ភៈ ឆ្នាំ២០២១ នៅទីលានក្នុងពហុកីឡដ្ឋានជាតិ។

លោក ជា ពៅ អគ្គលេខាធិការរងសហព័ន្ធកីឡាវាយកូនបាល់កម្ពុជា បានបញ្ជាក់នៅក្នុងសេចក្តីជូនដំណឹងថា នេះជាការប្រកាសជូនដំណឹងដល់ប្រធានសមាគម ក្លិបកីឡាវាយកូនបាល់នៅតាមក្រសួង ស្ថាប័ន រាជធានី-ខេត្ត ដើម្បីបញ្ជូនកីឡាករ-កីឡា ការិនីរបស់ខ្លួន មកចូលរួមប្រកួតប្រជែងមេដាយ នៅក្នុងព្រឹត្តិការណ៍ថ្នាក់ជាតិប្រចាំ ឆ្នាំ២០២០។

លោក ជា ពៅ បានឲ្យដឹងទៀតថាសម្រាប់វិញ្ញាសា ដែលដាក់ឲ្យប្រកួតប្រជែង មានចំនួន៤ គឺវិញ្ញាសាវាយឯកត្តជនបុរស ១ នាក់ទល់១នាក់ វិញ្ញាសាវាយឯកត្តជននារី ១នាក់ទល់១នាក់ វិញ្ញាសាវាយឯកត្តជនអាយុក្រោម១៨ឆ្នាំ ១នាក់ទល់១នាក់ និងវិញ្ញាសាវាយគូ។ សមាគមក្លិប អាចចុះឈ្មោះចូលរួមប្រកួត បានរហូតដល់ថ្ងៃទី៥ ខែកុម្ភៈ ឆ្នាំ២០២១ នៅទីស្នាក់ការសហព័ន្ធកីឡាវាយកូនបាល់កម្ពុជា ក្នុងពហុកីឡដ្ឋានជាតិ ខណៈការប្រជុំចាប់ឆ្នោតពូលប្រកួត គ្រោងនឹងធ្វើ ឡើង នាថ្ងៃទី៦ ខែកុម្ភៈ ឆ្នាំ២០២១ វេលាម៉ោង១០ព្រឹក នៅទីស្នាក់ការសហព័ន្ធ៕

អត្ថបទ៖ វិសិទ្ធ

សូមចុចអាន៖ សហព័ន្ធខ្មែរអត្តពលកម្មបង្ហាញទិសដៅ៥ ចំណុចសម្រាប់ត្រៀមខ្លួនចូលរួមព្រឹត្តិការណ៍SEA GAMES