កីឡា

អេឡិច សាន់ដ្រូ អរគុណទឹកចិត្តពលរដ្ឋខ្មែរដែលបានជួយខ្លួននៅពេលពិបាក

បានផុស

៣ years មុន

នៅ

ថ្ងៃព្រហស្បតិ៍ ៥ តុលា ២០២៣

ដោយ

កីឡាករប្រដាល់ប្រើស៊ីល អេឡិច សាន់ដ្រូ ក្រោយពីបានចូលហ្វឹកហាត់គុនខ្មែររយៈពេលប៉ុន្មានខែកន្លងទៅនេះទទួលបានការគាំទ្រយ៉ាងខ្លាំងពីអ្នកគាំទ្រគុនខ្មែរនៅកម្ពុជា ក្រោយជួបបញ្ហាមិនអាចវិលត្រឡប់ទៅក្លិបចាស់នៅប្រទេសថៃវិញ។

អេឡិច សាន់ដ្រូ កំពុងរីករាយនឹងជីវិតរស់នៅក្នុងប្រទេសកម្ពុជា ស្របពេលខ្លួនហ្វឹកហាត់នៅក្លិបខ្លារខិនមានរិទ្ធិដែលមានលោក រីកគី ជាគ្រូបង្ហាត់។ កីឡាកររូបនេះបានប្រាប់«កម្ពុជាថ្មី»ថា ៖«ខ្ញុំកំពុងរីករាយខ្លាំងក្នុងការស្នាក់នៅប្រទេសកម្ពុជា។ កម្ពុជាគឺជាប្រទេសមួយដ៏អស្ចារ្យ។ ខ្ញុំទទួលបានស្វាគមន៍យ៉ាងកក់ក្តៅ និងពោរពេញដោយក្តីស្រឡាញ់ដែលមិនអាចកាត់ថ្លៃបាន។ ខ្ញុំសូមអរគុណយ៉ាងជ្រាលជ្រៅដល់ប្រជាជនកម្ពុជាដែលបានជួយខ្ញុំនៅពេលជីវិតខ្ញុំជួបបញ្ហា»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនចូលហ្វឹកហាត់នៅក្លិបខ្លារខិនមានរិទ្ធិ កីឡាករ អេឡិច សាន់ដ្រូ ត្រូវបានអ្នកដឹកនាំទុកចោលនៅច្រកទ្វារព្រំដែនប៉ោយប៉ែត ព្រំដែនកម្ពុជា-ថៃ បន្ទាប់ពីបានមកប្រកួតនៅប្រទេសកម្ពុជា ដោយសារលិខិតឆ្លងដែនផុតសុពលភាព។ រូបគេតែលតោលដោយមិនអាចធ្វើដំណើរទៅក្លិបចាស់របស់ខ្លួននៅថៃបានឡើយ។ ពេលនោះលោក Tommy Kim ជាអ្នករៀបចំការប្រកួតកីឡាប្រដាល់ម្នាក់បាននាំយក អេឡិច សាន់ដ្រូ ចូលរួមហ្វឹកហាត់នៅក្លិបខ្លារខិនមានរិទ្ធិដែលរូបគេមិនស្គាល់នរណាម្នាក់សោះ។

អេឡិច សាន់ដ្រូ បានបន្ថែមថា ៖«កាលពីខ្ញុំអាយុ១៧ឆ្នាំ ខ្ញុំចាប់ផ្តើមហ្វឹកហាត់មួយថៃ នៅប្រទេសប្រេស៊ីល។ ក្រោយពីបានមកប្រកួតនៅកម្ពុជា ខ្ញុំបានស្គាល់សិល្បៈក្បាច់គុនខ្មែរពិតប្រាកដគឺការប្រើក្បាច់វាយដ៏កាចសាហាវ ដោយប្រើកែង។ នេះហើយជាមូលហេតុដែលខ្ញុំស្រឡាញ់គុនខ្មែរហើយខ្ញុំក៏ចង់ចំណាយពេលវេលានៅកម្ពុជាឲ្យបានច្រើន និងចង់រៀបការនៅទីនេះផងដែរ»។

អត្ថបទ៖ ផា រតនា

Related Topics:កីឡាប្រដាល់គុនខ្មែរ