កីឡា

ម្ចាស់ខ្សែក្រវាត់ឃីកបុកស៊ីងពិភពលោក Roman និង Chingiz មកទស្សនាប្រាសាទអង្គរវត្ត

បានផុស

២ years មុន

នៅ

ថ្ងៃចន្ទ ១១ ធ្នូ ២០២៣

ដោយ

កំពូលអ្នកប្រដាល់ឃីកបុកស៊ីងពិភពលោក Roman kryklia និង Chingiz Allazov បានមកទស្សនាប្រាសាទអង្គរវត្ត ប្រទេសកម្ពុជា បន្ទាប់ពីកីឡាករ Roman បានប្រកួតកាលពីថ្ងៃសុក្រ ទី៨ ខែធ្នូ ឆ្នាំ២០២៣។

កីឡាករសញ្ជាតិអ៊ុយក្រែន Roman kryklia ដែលកំពុងរស់នៅប្រទេសបេឡារុស្សបានក្លាយជាម្ចាស់ខ្សែក្រវាត់ឃីកបុកស៊ីង និងមួយថៃពិភពលោក បន្ទាប់ពីផ្តួលកីឡាករអូស្ត្រាលី Alex Roberts កាលពីយប់ថ្ងៃសុក្រ នៅស្ថាប័ន ONE Championship។

ចាប់តាំងពីចូលប្រកួតនៅសង្វៀន ONE មកកីឡាករ Roman មិនដែលស្គាល់ពាក្យបរាជ័យឡើយពោលគឺធ្លាប់ប្រកួត៦ដង ទទួលបានជ័យជម្នះទាំងអស់។

ដោយកីឡាករបេឡារុស្ស Chingiz Allazov មិនបានប្រកួតទេកាលពីថ្ងៃសុក្រ ប៉ុន្តែរូបគេបានធ្វើដំណើរមកជាមួយកីឡាករ Roman kryklia ដើម្បីជួយឲ្យទឹក។ កីឡាកររូបនេះក៏ជាម្ចាស់ខ្សែក្រវាត់ឃីកបុកស៊ីងពិភពលោក K-1 ពីរសម័យកាល និងបានឈ្នះខ្សែក្រវាត់ឃីកបុកស៊ីងទម្ងន់ Featherweight នៅស្ថាប័ន ONE Championship កាលពីឆ្នាំ២០២១ បន្ទាប់ពីបានយកឈ្នះជើងខ្លាំងថៃ Sithichai Sitsongpeenong។

បន្ទាប់មក រូបគេបានផ្តួលកីឡាករថៃ Superbon ក្នុងទឹកទី២ដើម្បីការពារខ្សែក្រវាត់ Featherweight ដោយជោគជ័យ ហើយចុងក្រោយបំផុតបានឈ្នះពិន្ទុកីឡាករអាមេនី Mawrat Grigorian ដើម្បីការពារខ្សែក្រវាត់បានជោគជ័យជាលើកទី២។

បន្ទាប់ពីចប់ការប្រកួតកាលពីថ្ងៃសុក្រកន្លងទៅ ជើងខ្លាំងឃីកបុកស៊ីងទាំងពីរបានធ្វើដំណើរកម្សាន្តមកប្រទេសកម្ពុជាដោយបានចូលទស្សនាប្រាសាទអង្គរវត្ត៕